ISAIA 64:7 - PATHIAN LEKHABU IRTHIANG C.L. Bible (BSI)

⁷ Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

ISAIA 64:7 ပူးပေါင်းရင်းမြစ်များ

EZEKIELA 22:30

Khan, bang chînna hmunhai kôla an ngîra, ki ningmurna ram chu ki zuang inboipai hrang tika lei hrung hrangin mi ki zonga, khannisian inkhat lua hmu ma ung.

HOSEA 7:14

An lungrîl takin ni koi mahai, an zâlhmuna an ichiar hnem hnum a ni: bu le uain hrangin an inkhôma, ki chunga lak tehel an zonga.

ISAIA 59:16

Dengtheina tuang zoi hrang tûte om mahai, Rengpa’n ar khêl a ti hrai tâka, ama kut ngêtin san nôk a ti, dikna chu a iti mai a ni.

HOSEA 7:7

Irtap ang dênin an lum zita, an roirêltuhai an hong irhmang tâka, an inlaltak murdi an tûka, an laia tûte mi khêk om mahai.

ISAIA 59:2

Nin châinahai sikin a ni, nin Pathian leh nin kâr a irhla. Nin sualnahaiin a hmêl ar hli zoia, nin irhâi a inhriat thei loi a ni.

ISAIA 54:8

Ki ning an mur hrai sika nang ki irotsan viat a ni, lungthungin kumtuangin nan ren mai ki ti, nangma irtantu Rengpa’n a ti.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

ISAIA 27:5

An râlhaiin keima ihrung an nuamin chu, keima hi ni hong irngeipuihai sian.

HOSEA 5:15

An thiam loina an irhriata, ki hmêl an zong mâka chu, fe ki ta, ki hmun tiang kîr ki ta, an tuangna khan ni zong an ta, hiang hin ti an ti.

EZEKIELA 24:11

Atûn chu sumsen bêlrong kha meichok chunga khan inchuan unglân, inhong rakin om ri se. Kha bêla êk imanhai kha a kâng zoi tena chu dân angin irthiang nôk ta a ti.

JEREMIA 9:7

Hi sika hin Rengpa Pathianin a ti, “Thîr angin ki mihai irthît ki ta, anni ki ifiahai hrang a ni. Ki mihaiin sual an isin a nia. Imo ki la itho pehai thei hrang?

ISAIA 59:4

Tûte’n dikna san nuam loiin, thudik hmanga doi ngam om mak chêi. Thil chanlamboia nin irnghata, minlak ngot nin thoa. Thu buai om thei hrang nin zonga, thu saloi nin inchangtir ngai.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 56:4

Thainuzel kuang Rengpa’n hiang hin a ti: Sabat sera, ki nuam thoa, ki thuthung chel indettu chu;

ISAIA 1:15

Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

INPÂKNA HLAHAI 14:4

Thil tho’nsualtu murdihaiin chu inhriatna rêng rêng an inei loi ma ni? Bai fâk angin ki mihai an lei fâk zoi zit ngaia, Rengpa lak koi ngai mahai.

JOBA 8:4

Ni nâihai ama chunga an sualin chu, an sual man chu intuangtirhai a ti.

FESUAKNA 32:12

‘Tâng rama that irhmang hrang pialin ni mihai hi Aigupta ram ata ni ihruaisuak a ni,’ tiin Aigupta mihai khan itin moh an iti thei? ni ningmurna insum zâmin lân, ni milung inchong thûlin hi vânduaina irkhêl hi ni mihai chunga insum no roh.

JOBA 10:9

Nangin pilhlûm angin ni ni siam ti inhre maiin lân, Nêngpil ni ni inchangtir nôk hrang ma nih?

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

ISAIA 45:9

Pil bêl an ivuak hin a vuaktu hrilsiat thei ni mo? Pilin a vuaktu chu, “Imo ni isiam thei om mak chea,” a iti thei hrang ma ni?

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MALAKIA 2:10

Ei rêngin pa inkhata irchi ei ini loi ma ni? Pathian inkhat siam khom ei ini loi ma ni? Itho sika mo ei pahai thuthung porinchetira, urêng le urêng ei irhuang hen?