ISAIA 64:4 - PATHIAN LEKHABU IRTHIANG C.L. Bible (BSI)

⁴ Nangma nang innanghai ta hrangin mita hmu ngai loi le mikuara inhriat ngai loi, sintho ngaitu Pathian chu nangma vai ni nih.

ISAIA 64:4 ပူးပေါင်းရင်းမြစ်များ

INPÂKNA HLAHAI 31:19

O, ni satna, nangma chituhai hrangin ni ibukkhôm kha, a roiinpui bâka! Mihriam nâihai mithmua nangmaa iamna irnghathai hranga a itho pe kha.

JAKOBA toc2 JAKOBA 5:7

Khanchu, urênghaio, Rengpa zuang mâka chu diar takin om roi. Loi neitu’n a loi ata ra inlût hrang a inghâk dân hi en roi; rua masa le rua hnungkhôn a nghâk mai mai ngai a ni.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

INPÂKNA HLAHAI 130:5

Rengpa chu ki nghâk maia, ki hringna hin a nghâk maia, A thu chu ki iam nasan a ni.

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

JOHANA 14:3

Nin ta hranga hmun siamin ki fe’n chu zuang kîr nôk ki ta, ki kuang nangni hruai ki ti, ki omnaa nin om sa theina hrangin.

HEBRAI toc2 HEBRAI 11:16

Kha nêkin, ram sa ual irvâna om kha kêng an irngai. Khasikin Pathianin an Pathian irti kha inzak maka, an ta hrangin khopui ten khom a lei siam pe tâk sikin.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ROM KHUAA MIHAI KUANGA TÎRTÔN PAULA LEKHATHON 8:19

Thil siam murdi’n chu Pathianin a nâihai a hong inlangtir zoro an nghâkhmo tak tak a ni.

INPÂKNA HLAHAI 62:1

Ki hringna hin Pathian vai a nghâka, Ama ata ki saninhringna a hong isuak hrang a ni.

1 JOHANA 4:10

Hi ngêt hi a ni lungthungna chu: Eini’n Pathian lung ei ithung ni loiin, Ama’n lung a ni thunga, ei sual thuphachôina hrangin a Nâipa a zuang tîr tâk a ni.

1 KORINTH 1:7

ei Rengpa Jisua Krista inlârna nin inghâk angin satvurna tinrêng hmu loiin om mak chêi.

LUKA 2:25

Jerusalema khan mi inkhat, ar hming Simeona a oma. Ama kha mi fel le sakhua mi tak a nia, Israelhai irtharngamtir hrangtu kha a thîr maia; a chunga Irtha Irthiang a om.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

ISAIA 40:31

Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

ISAIA 66:8

Khaanga thil kha tu moh inhriat ngai? Tu moh a lei hmu om tâk? ramhai hi sûn khat kâra a iom thei ma ni? Nam khom hi a hong isuak thut thei moh nin isôn? Zion khua hin chu a hor vei phut chak a nia, nâipasal a nei zôia.

EZRA 9:7

Kin pi le puhai ata atûn ten hin theiloi kin ichang zoi a ni; kin inchâinahai sikin kin rênghai le kin ochaihai le ram danga rêng an ichela, khandaia thathai, sala intânghai, inrûknahai kin tonga, a vuanhaia kin iom ang hin.

INPÂKNA HLAHAI 103:18

A thuthung zôm murdihai le, A thuhrilhai zôm tuma inhriat maihai kai chunga khan.

ISAIA 59:12

Ni makunga chu kin pualoinahai hi irthup thei ni mah: Kin sualnahaiin mual an phoia, kin pualoina chu kin inhriat maia, kin inchâinahai khom irnghil ma ung.

DANIELA 9:5

Ni thupêk le roirêlnahai ata rotsanin kin suala, dikloi le felloi takin kin tho tâka;

DANIELA 9:8

O Rengpa ni chunga kin lei sual tâk sikin keini dongtum chu inzakna vai a ni ta, kin rênghai, kin hruaituhai le kin pahai khom.

DANIELA 9:15

“Atûn hin o Rengpa kin Pathian Aigupta ram ata kut hrât taka a mihai hruai suaktu le irhming inthanga atûn tena irhming insatu, kin suala, a sate’n kin isual zoi tâk a ni.

HOSEA 7:7

Irtap ang dênin an lum zita, an roirêltuhai an hong irhmang tâka, an inlaltak murdi an tûka, an laia tûte mi khêk om mahai.

ZAKARIA 10:9

Nam tinhai laia ki’rthekindartirhai khoma, ram hla takahai khomin nin hre mai an ti. Anni leh an nâi le tehai ngei chu la hring an ta, an rêngin an ram tiang la hong kîr an ti.