ISAIA 64:2 - PATHIAN LEKHABU IRTHIANG C.L. Bible (BSI)

² Meiin thing châr a ikâng angin, tui a irtoktir ang hin, nam tinrêng hi ni makunga inthinghai sian, ni râlhai nir hming inhretirhai roh.

ISAIA 64:2 ပူးပေါင်းရင်းမြစ်များ

INPÂKNA HLAHAI 106:8

Kha tena khom khan ama irhming sikin anni kha a saninhring tâka, A sinthotheina roiinpui tak kha an hriattir theina hrangin.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 79:10

Ithoa mo nam tinin, “Kho mo an Pathian kha te?” an iti. Ni siahlohai thisen suak phuba lâkna chu ei mithmua nam tin laia hin inhriat ni ri se.

INPÂKNA HLAHAI 83:13

O ki Pathian, annihai chu vâiphin irvêl but but ang hin siam ro; Bu’rsi phâivua’n a isêm invuang mur mur ang hin.

INPÂKNA HLAHAI 9:20

O Rengpa, anni chu inchitirin lân; Nam tinin mihriam mai an nih ti inhre ri sehai.

INPÂKNA HLAHAI 99:1

Rengpa chu rênga a toia; mi tin chu inthing ri sehai: Ama chu cherubhai chunga a toia; irnêng hi inhnîng ri se.

FESUAKNA 14:4

Keima’n Faroa lungrîl inngartir pe ki ta, khanchu irzûlhai a ta; keima’n Faroa le a sipaihaiin ni chôiirsâng an ti; khanchu Aigupta mihaiin keima hi Rengpa chu ki nih ti inhre ta an ti,” tiin.

ISAIA 28:21

Perazim tâng chunga le Gibeon phâi ram a isiat ang khan, a thil tho hrang irkhêl ta tak le a itho hrang irkhêl ta takhai chu Rengpa’n zuang tho a ti.

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

ISAIA 63:12

Mosia chang tianga om, thil roiinpui tak thoa, an makunga tuikhanglian irsentira, kumkhuaa a’rhming chôiindômtu kha khôn moh a om ta?

JEREMIA 33:9

Jerusalem chu keima hrangin raifânna, chôiirsângna le songinruk ni a ta; Jerusalem mihai ta hrangin thil sa ki ithohai le khopui chunga vângsakna ki insum thu an lei inhriat tena chu, rammuala nam tinin chipumin an inthing hrang a ni,” a tia.

JEREMIA 5:22

Keima hi Rengpa chu ki ni, itho mo nin ni ichi loi? Ki makunga hin nin inthing loi hrang mo? Tuipui idîl phâk ten indangna hrangin chiaiphoi ki siama, a ikhêl thei loi hrang ramri det chu. Tuipui irsok khomsian, khêl thei no nia, tuiirsok khomin pha thei no ni.

AMOSA 4:12

Khasikin, o Israel, ni chunga hiang hin ki tho hrang sikin, o Israel ni Pathian irtongpui hrangin irsiam roh.

MIKA 1:4

Mei kôla khuaihlu ang le rôla chêntâk ang dênin, tânghai kha a hnuaia khan zôi an ta, irhôrhai kha hong kik chat a ti.

ZAKARIA 14:4

Kha tena chu ama chu oliv tânga ngîr a ti, Jerusalem nisua tiang khan. Khanchu oliv tâng chu a laitaka nisua tiang ata nitâk tiang irhôr lian tak changin irsenphat a ta, a chimrip kha hmâr tiang irson a ta, a chimrip dang kha sim tiang irson a ti.

DÂN INHNINA 2:25

a vuan ata irthokin nin makunga irvân hnuaia om murdi ki inchitir hrang a ni, nin irhming vai khom an inhriatin inthing nor nor an ti,’ a ni tia.