ISAIA 61:7 - PATHIAN LEKHABU IRTHIANG C.L. Bible (BSI)

⁷ Nin inzakna le mualinphoina om ta no nia, nangni ram ngêta om nin ta, lêt hniin nin irchonhai pung a ta, kumtuanga lômna chang nin ti.

ISAIA 61:7 ပူးပေါင်းရင်းမြစ်များ

JOBA 42:10

Joba’n a rualhai a chongchai pehai zoiin chu Rengpa’n Joba chu a hon damtir insa nôka, matona a inei lêthniin a pêk nôka.

ZAKARIA 9:12

O nangni atûna sabeina nei, sal intânghai, Lungthi taka nin omna hrang hmun tiang kîr nôk roi. Nangni ki hril, nin dengtheinahai kha a lêt hniin satvurna’n nangni thuan ki ti.

ISAIA 40:2

Jerusalem kuang irtharngamna thu hril lat roi, an ituang hrang chu insum hrang a ni ta, Rengpa kut chu a bâk inhniin an tuang ta.

INPÂKNA HLAHAI 16:11

Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.

2 RÊNGHAI 2:9

Tui an irkân zoiin chu, Elija’n Elisa kuang, “Nangma rengata ilâkin ki om mân, imo nang tho pe inlân ni nuam?” a tia. Elisa’n, “Ni’rtha man bâk hni ang hi dong ki nuam,” a tia.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

DÂN INHNINA 21:17

A nâipa ulian ual kha, a dôngma irngaiinat ual leh ni no khom sianlân, dongtum inhni a ipêk hrang a ni. Nâilutîrhai hi irngai poimo hrang an ni, dân ang taka an dongtum pêk hrang an ni.

INPÂKNA HLAHAI 126:5

Mitrithi tâk puma tûhaiin chu raifân takin ât an ti.

ISAIA 54:4

Chi no ro, inzak ta no chi ni, mualinphoi ta no chi nia, intem ual ta no chi ni, Ni vânglaia mualinphoinahai chu ni’rnghila, meithâi intirom anga ni omnahai ni’rnghilpaia.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ZAKARIA 8:12

Lungthi takin an loimânhai tho an ta, an grep kunghaiin ra tamtak insua a ta, irnêngin bu le bâl insua a ta, rotui khom tamtak om sa a ti. Hi satvurna murdihai hi ki nama mi la omsunhai chunga intungtir ki ti.

ISAIA 60:15

Nang en nuam loiin, nang an rotsana, Tûte’n nang pan nuam ta mahai. Keima hin kho hoitak nan changtir ki ti. Kumtuanga râifânna hmunin nang siam ki ti.

ZEFANIA 3:19

Irngai ro, kha tika chu nang ngaisaktu murdi kha ngaitua ki ti. Khan, ke’nbâi kha saninhring ki ta, Inhnotpaia om kha hruai khôm ki ti, Khan, irnêng chung murdia lei mualinphoina kha, Inpâkna le irhming inthangnaa inchangtir ki ti.