ISAIA 61:2 - PATHIAN LEKHABU IRTHIANG C.L. Bible (BSI)

² Rengpa’n a mihai an zôk hrang zoro le a râlhai; a ni pêk hrang zoro a tung tâk ti inpuang hranga a ni itîr ki ni. Lusûnhai kha irtharngam sakhai hranga a ni itîr ki ni.

ISAIA 61:2 ပူးပေါင်းရင်းမြစ်များ

ISAIA 1:24

Khanchu, Rengpa tinrêng Rengpa’n Israelhai mi hrât thu suakin hiang hin a ti: kho mo, ki râlhai chunga lei irsiam sabak hi rong, a ni doihai chunga phuba lei la hi rong.

ISAIA 13:6

Khêk sup sup unglân, Rengpa nikhua chu anai ta, itinrêng thotheiin siatna intungtir a ti.

ISAIA 2:12

Kha ni tena chu itinrêng Rengpa’n, lârirpâkhai, irngaiirsânghai, le mi huang hmang murdihai, irhnuaitirhai a ti.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 34:2

Nam tin chunga Rengpa ning an mura, an sipaihai laia a ning an mur pe a ni. Thathai ving hrangin a siahai ta, that hrangin ar fûktir zoi ta.

ISAIA 34:8

Rengpa’n phuba a lâk zoro a chuk ta, Zion ta hranga thuan nôkna zoro a phâk ta.

ISAIA 35:4

Lungrîl sôlhai chu, “Ei Pathianin phuba la a ti, Nin milung inngar unglân, chi viat no roi, nangni thuan a ta, nangni saninhring ngêt a ti,” ti roi.

ISAIA 40:1

Ki mihai hi lungngam sakhai roi, lungngam sakhai mai roi, nin Pathianin a ti:

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

ISAIA 57:18

An omdân chu kin hriat vinga, khannisian an natnahai indam pehai ki ta, hruaihai ki ta, sanhai mai ki ti, lusûn tuanghai irtharngam sakhai ki ti.

ISAIA 58:5

Khaanga bu nghei kha ki nuam lam nin isôn ma ni? Denginthei nikhua nia nin irsiampuihaia, sûlhna a ichuai angin nin kûn chiana, nêngpil laia bora dâpin nin zâl ngai. Khahai ang khan kêng bu nghei hi nin itho? keima hrangin lômomna moh ni ni pe ni?

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

JEREMIA 31:13

Dôngmate chu raifânin lâm a ta, ruatharte le tarhai khom lôm an ta, an chardongna lômna inchangtir pehai ki ta, an beidongna irtharngam sakhai ki ti.

JEREMIA 46:10

Hi hi Rengpa Pathian itinrêngthotheitu nikhua chu a ni: A vuan hin phuba la ki ta; a vuan hin a râlhai chu dûk tho ki ti. A khandai khan anni kha a nuam dôr fa a ta, an thisen chu a milung chuk mâka in mai a ti. A vuan hin itinrêngthothei irbôlna’n mi tamtak, hmâr tianga Eufrates dung kôla a ithat a ni.

MIKA 3:8

Khannisianlân Jakoba-hai kuang an tho’nsualna inhriattir hrang le Israelhai kuang an sualna inhriattir hrangin Rengpa irtha sika thilthotheinahai roirêlnahai le hrâtnahai khan ki isip tâk a ni.

MATHAIA 5:4

“Irtha’nvâihai chu an vân a sa e, irtharngam la ni an ti.

LUKA 4:19

Rengpa’n a mihai an zôkna hrang zoro a hong intung tâk tih inpuang sa hrangin,” ti hi.

LUKA 6:21

Nangni atûna phîngchâmhaio, nin vân a sa, Nin la khop hrang sikin! Nangni atûna chaphaio, nin vân a sa, nin lan nui hrang sikin.

2 KORINTH 6:2

Pathianin, “Nangni ki ngaitua zoro a hong tungin, Nangni ki ngaituaa; Nangni ki saninhring zoro a hong tungin, Nangni ki changpui ngai,” a ti. Irngai roi! Atûn hin zoro lômom tak a nia, atûn hin saninhringna ni chu a ni.

1 THESALONIKA 2:16

Saninhringna an ni theina hranga thuhril khom an ni khapa, sual chungirchuan thoa, a hnungkhôn taka chu Pathian ningmurna an chunga a itung tâk a ni.