ISAIA 61:10 - PATHIAN LEKHABU IRTHIANG C.L. Bible (BSI)

¹⁰ Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 61:10 ပူးပေါင်းရင်းမြစ်များ

FILIPI 3:9

Dân zôm sika ni loiin Krista iam sika thiamchang ki ni, iamna sika Pathian makunga thiamchangna chu.

INPÂKNA HLAHAI 132:9

Ni ochaihai chu felna’n inthuam sianlân; Ni mi irthianghai chu raifânin khêk ri se.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 5:11

Kha vai khom kha ni mah, atûna irngeina ni pêktu ei Rengpa Jisua Krista zâra Pathiana ei ilôm a ni.

INPÂKNA HLAHAI 132:16

A ochaihai chu saninhringna’n inthuam ki ta, A mi irthianghai chu raifânna hla sakin khêk an ti.

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.

ISAIA 49:18

Tangin lân, thîr hi ro, ni mihai irthoka irhâi hi, an hong irthok chak a ni ta. “Keima ki om,” Rengpa thusuakin a ti: Moiin a’rvôna a irsongpui angin, a mihai chu songhai ni ti.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

GALATIA 3:27

Kristaa baptisma chang murdi’n chu Kristaa khan nin irvô tâk a ni.

LUKA 15:22

A pa khan a siahlohai kuang, ‘Songkol satak kha hong la lat unglân, innghâktir roi, kutsabi inbuntir unglân, kekok khom inbuntir roi.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

2 THURCHI SUINA 6:41

O Rengpa Pathian, zuar siam suakin lân, ni omna hranga hin zuang ro, ni roiinpuizia inlangna bôm leh hong lût ro. O Rengpa Pathian ni ochaihai chu an sin thônahai hi satvurhaiin lân, ni mi irthianghai chu ni thil sa tho pehai hin lômhai sian.

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

ROM KHUAA MIHAI KUANGA TÎRTÔN PAULA LEKHATHON 3:22

Jisua Krista an iam sikin Pathianin mi thiam a inchangtir a ni, tukhom a iam murdihai chu, danglamna zel om mah.

HABAKUKA 3:18

Rengpaa khan raiinfân ki ta, ki saninhringna Pathiana khan lôm ki ti.

1 SAMUELA 2:1

Hani kha a chongchaia, “Rengpa chunga ki lungrîl a lôm tak taka, ki hrâtna chu Rengpa chôiirsângin a om ta, ki râlhai chu ki bâiin a phenênga, Pathian saninhringna khan ki lôm tak tak a ni ta.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

FILIPI 4:4

Rengpaa khan lôm mai roi, ti nôk ki ti, lôm roi!

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

THUPHUANG 21:9

Khan, berbu sari hremna hnungkhôn tak sari chôitu, vântîrtôn sarihai laia inkhat kha ki kuang a honga, “Hongin lân, Moi, Belrate dôngma hrang nang irhmutir ki ti,” a ni tia.

INPÂKNA HLAHAI 28:7

Rengpa chu ki hrâtna le ki phô a nia; Ki milung hin ama kha a iama, Khanchu changpuiin ki oma; Khasikin ki lungrîl hi a lôm tak taka; Ki hla khan ama kin pâka.

ZAKARIA 10:7

Israel mihai chu sipaihai angin hrât an ta, Uain intu angin raifân takin la om an ti. An irchi suanpârhaiin hi inhnêna hi inhre mai an ta, Rengpa sinthohai sikin an râi la fân a ti.

JEREMIA 2:32

Dôngmate’n a’rvônahai irnghilin, moiin mo, a’rneina tukrivo a irnghil thei hrang ma ni? Ki mihai rêkin chu tep zoi thei nêka sûn, a tam ual an irnghila.

NEHEMIA 8:10

Khanchu an kuang khan, “Fe unglân, thil thâi fa unglân thil thum in roi, ite suang hrang boihai hrangin thonhai unglân, a vuan hin Rengpa ta hrangin sûn irthiang a ni, nin milung insiat no unglân; Rengpa chunga lômna kha nin hrâtna a ni,” a tia.

IRPHUTNA 24:53

Khan Abrahama siahlopa chu sumru irvôna hai, rângachak irvôna hai, puandiar sahai kêlsuain, Rebeki a pêka; a nuchahai le a nu khom thil man tam takhai a pêka.

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.

JOBA 29:14

Diknahaiin ki ompuihaia, Roirêlna dik chu ki songkol le ki rênglukhum a ni.

INPÂKNA HLAHAI 35:9

Khanchu ki hringna hi Rengpaa khan raiinfân a ta: A saninhringnaa khan lôm a ti.

HLAHAI HLA 1:10

Ni bianga sam kâia khan en an hoitira, ni ringa lunghlu irtheihai leh khan.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 17:10

Nangni saninhringtu Pathian nin irnghila, nin zôkna lungpui chu inhre nuam loiin. Enhoi takin irhuan nin sinhaia, nam dang pathian biak nin uara,

ISAIA 25:1

O, Rengpa, ki Pathian ni ni, nir hming chôindômin nan pâk ki ti, Thilirkhêl tamtak ni thoa, Tianlai ata ni lei irfûktir chu, Iamom takin hlo a chuk ngaia.

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 49:4

Ki sinthôna chu maimang a changa, thil chanlamboiin irtha ki paia, thosuak ite nei ma ung ki irti a ni; khannisian ki chungthu hi Rengpa irêl hrang a ni, Ki sintho ang taka ni pêktu chu Pathian a ni.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 58:14

Rengpaa khan lômna hmu nin ta, rammuala hin chôiindôm ni nin ta, nin pu Jakoba irchon nangni pe ki ti, Rengpa bâiin a ti.

ISAIA 65:18

Ki thilsiam thara chu, lômin râifân kumkhua ta nin ti. Lômna’n Jerusalem ki siam inthara, a mihai khom lôm mai an ti.

EZEKIELA 42:14

Khan ochaihai chu biakbuk sûng ata pên tianga tualzôla khan an fe nuama ni’n chu hi tentanhai hin Rengpa sin an ithôna silkai irthianghai chu an imâksan hrang a ni. Khanchu mipuihai irbûmna an fe mân silkai danghai leh an irbel ngêt hrang a ni,” a tia.

ZAKARIA 3:5

Khan, kei chu, lukhum enhoi tak inkhumtir ri se, ki hong tia. Khanchu, lukhum enhoitak kha an khumtir tâka, silkaiin an irbela, khan, Rengpa vântirtôn kha a kôla a ngîra.