ISAIA 6:3 - PATHIAN LEKHABU IRTHIANG C.L. Bible (BSI)

³ “Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

ISAIA 6:3 ပူးပေါင်းရင်းမြစ်များ

EZRA 3:11

“Ama chu a saa, a lungkhamna khom Israel mihai chunga om kumkhua a ti,” tiin Rengpa inpâk le a kuanga lômthu hrilin hlain an saka. Rengpa in lungphûm an phûm tâk sikin Rengpa an inpâkna khan mipuihai chu an khêk sup supa.

INPÂKNA HLAHAI 57:11

O Pathian, nang chu irvân khêl raka khin chôiindômin lei omin lân, Ni roiinpuina chu irnêng murdi chunga hin lei om ri se.

INPÂKNA HLAHAI 66:2

A’rhming roiinpuizia chu hla’n sak suak unglân: An pâkna chu roiinpuitir roi.

INPÂKNA HLAHAI 72:19

A’rhming roiinpui tak hi kumkhua’n inpâkin om sa sianlân; Irnêng pumpui khom hi a roiinpuinaa insipin om ri se. Amen, Amen.

INPÂKNA HLAHAI 8:2

Nâitesenhai le irhnu nêk laihai bâia suak khan, Nangma nang doituhai sikin zôkna kulpui nin dinga; Phuba latuhai murdi ni’rngamtir ta.

INPÂKNA HLAHAI 90:16

Ni sintho chu ni siahlohai kuang inlang sianlân, Ni roiinpuina chu an nâihai kuang inlang ri se.

INPÂKNA HLAHAI 97:6

Irvânhai khin a felna chu tâng an sampuia, Mi tinrêng khan a roiinpuizia an hmu tâka.

INPÂKNA HLAHAI 99:3

Anni khan nir hming roiinpui tak ichiom tak kha inpâk ri sehai; Ama chu a irthiang a ni.

INPÂKNA HLAHAI 99:9

Rengpa ei Pathian chu chôiindôm unglân, A tâng irthianga khan chubai mûk roi; Rengpa ei Pathian kha a’rthianga.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

ISAIA 24:16

“Kôlkil ata, mi dikhai chu chôiindômhai roi,” tia hlasak irhâi inhria ei ti. Ki’rzal ta, ki’rzal ta, ki lu chung a rik! a ni hnôltu’n a ni hnôl maia, a ni ihnôl dân khom a irkhêl a ni.

ISAIA 40:5

Rengpa roiinpuina chu inlang hrang a ni ta, mi murdi’n hmu zit an ti,” Rengpa’n a ti.

ISAIA 54:5

Nang a siamtu chu ni pasal ni a ta, A’rhming chu itinrêng Rengpa a ni. Israelhai irtantu, mi irthiang, irnêng pumpui Pathian iti a ni.

EZEKIELA 43:2

khan, irngai ro, nisua tianga irthokin Israel Pathian roiinpuina chu a hong tung ta, khan arhâi khom tui tamtak ang a ni. Khanchu a roiinpuina khan hnuai kha an vârtira.

EZEKIELA 44:4

Khan nin hmâia hmâr tianga dâi mikot khan a ni hruaia; khan ki hei thîr vêla, irngai ro, Rengpa roiinpuina khan Rengpa in kha a sipa; khanchu khûksadelin ki’rteta.

HABAKUKA 2:14

Tuikhanglian kha tuihaiin a isip angin, Rengpa roiinpuina inhriatna khan irnêng hi a isip hrang a ni.

ZAKARIA 14:9

Khan Rengpa chu irnêng chung murdia rêngin om a ta; mi tinin Pathian angin ama chu biak an ta, ar hming khom inkhat vai ni a ti.

NAMBAR 14:21

khannisian ki ihring mai hrang le Rengpa roiinpuina irnêng murdi a la isip hrang ang hin thu kin kung,

EFESI 1:18

Ama vâr nin hmu theina hrangin nin lungrîlhai ar honga, nangni a koinaa tûngna om hai, a mihai hranga a inkung satvurna irkhêl tamzia hai leh.