ISAIA 59:2 - PATHIAN LEKHABU IRTHIANG C.L. Bible (BSI)

² Nin châinahai sikin a ni, nin Pathian leh nin kâr a irhla. Nin sualnahaiin a hmêl ar hli zoia, nin irhâi a inhriat thei loi a ni.

ISAIA 59:2 ပူးပေါင်းရင်းမြစ်များ

THUVÂRHAI 15:29

Mi sahai chongchaina chu Rengpa’n ar ngaitua ngaia, mi siahai rêk chu a hla pehai ngai.

ISAIA 1:15

Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 58:4

Bu nin ngheiin, nin ning an mura, nin inbuaihaia, irsual nuamin, kuttum nin thâk ngai. Hi nikhua nia nin chongchaina chu chunga mi’n inhre ri se, nin iti ma ni?

JEREMIA 5:25

Khasikin nin sual sinthôna sikin hi thilhai hi a boi zoia, nin sualna sikin thil sa nin idok a ni ta.

CHAP HLA 1:8

Jerusalem hin thil saloi a tho intam hrai sikin, a innim a ni ta. A’rngaiinhluhai khan an en irhniama, a silkai boi kha an hmusuak tâk sikin, Inzakin a khêka, hnung songsanin a om.

EZEKIELA 39:29

Israel mihai chunga ki’rtha chu buak ki ta, anni lai ata itiklai khom a dang tiang irheisanhai ta no ning, kei Rengpa Pathian hin ki iti a ni,” a tia.

MIKA 3:4

Kha tika chu Rengpa insam an ti, khannisianlân anni kha sâm no ni: a ni, kha tika chu an thil thoa an itho insa loizia ang takin, annihai ata a hmâi thup a ti.

JOSUA 7:11

Israelhaiin thil an insual a ni hi te. Ki Thuthung zôm hranga ki iti kha an insiata, thilser khak ata lâk an nei, an inrûka, kha kha an ni huanga, an neinun kâra an thup inrûk nôka.

1 SAMUELA 4:3

A la dam sipaihai kha an riakbuka an va kîr nôkin chu Israel ulianhai khan, “Itho sika mo a vuan hin Filistia mihai kuta Rengpa’n a ni indoktir hi o? Ei kuang a oma, ei râlhai kut ata ni saninzôk hrangin Silo ata Rengpa Thuthung Bôm kha hong la ei ti,” an tia.