ISAIA 57:5 - PATHIAN LEKHABU IRTHIANG C.L. Bible (BSI)

⁵ Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

ISAIA 57:5 ပူးပေါင်းရင်းမြစ်များ

1 RÊNGHAI 14:23

Millim pathian biakna hmun tamtak an siama, tâng sîphai le thing hnuai haia, lung saloi le pathiannu Aseri irlimhai an phuna.

2 RÊNGHAI 17:10

Mual le tâng tam dôrin, thingkung sa le inhrip omna dôra lung millim le pathiannu Aseri irlim thing an phun insiphaia.

2 RÊNGHAI 17:7

Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta.

2 RÊNGHAI 23:10

Molekhai, an nâipasalhai an that thei ta loi hranga Hinom irhôra Tofet kha a soisak ngheka.

2 THURCHI SUINA 28:3

Hinom irhôra mirimhoi a hâla, Israel mihai makunga Rengpa inhnotsuakhai nam dang tho dân intirom tak takhai chu a thoa, a nâipasalhai ngêt khom millimhai makunga hâlirvôm thilinhlan hrangin a thata.

FESUAKNA 32:6

Zînga chu irbôlnahai a hâl hrang le irngeina thilinhlan fa hrangin sahai an hong chôia. Mipuihai chu hruaithe fa hrangin an toi tâka, kha kha uain inrui inhnâi le taksa irzukna sinin an inchangtira.

ISAIA 1:29

Sesua thinga siam Biak In khârnahai kha lan zak nin ti, Irhuan ser nin isiamhai khom inzakpui nin ta,

JEREMIA 17:2

Nin mihaiin maichâmhaia le tâng sîphaia thinghring kung tin hnuaia pathiannu Aseri millim chubai an mûka,

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

JEREMIA 50:38

A ram chunga khua hâl pe unglân, a ivadunghai inchâr pehai roi. Babulon ram chu millim irkhêl tamna a nia, khahai khan mihai invêtin a isiamhai a ni.

JEREMIA 51:7

Babulon ram chu ki kuta rângachak khilât ang a nia, rammual pumpui ki in intir hrang a ni. Nam tinin uain an ina, an invêt zoi ta.

JEREMIA 7:31

Hinom irhôra an nâipasalhai le nupanghaiin mei leh hâlin an irbôl theina hrangin maichâm ‘Tofet,’ iti an siama. Hi tho hranga hin thu pe ma unga, ki irngaituana lua a ilût phâk loi a ni.

EZEKIELA 16:20

Khakhêla khom, ni nâinu ni nâipa, ni inei pehai chu an kuanga irbôl hranga hmang zit hrangin ni pêka; ni hurna hi thil irnêp a ini ma ni?

EZEKIELA 20:26

An thilinhlanhai leh khan anni inporinchetirhai ki ta, an nâilutîrhai khom irbôlna hrangin hmang an ta; thei loi chang an ta, khanchu kei hi Rengpa chu ki nih ti an inhriat theina hrangin.

EZEKIELA 20:28

Pêk ki itum ram ki hruai intungin tâng irsânghai le thing hringhai an hong hmua; kha khan, an irbôlnahai an inhlan tâka, ki ninginmurtirna thilpêkhai an inhlana, an mirimhoihai an hâla, an thilinhlan uainhai an bunsuaka.

EZEKIELA 20:31

Millim kuanga thilinhlan le irbôlna hrangin nin nâihai hâl hrangin a vuan nî ten hin porinche’n nin la oma, Israel insûnghaio, ni chongpui hranga hong mo nin ni? Mi hring ki ni hi, Rengpa pathian thusuakin a ti. Nangni ni chongpui zât ni ma ung.

EZEKIELA 6:13

Khan, tâng irsânghai, tâng sîp murdia hai le thing hring tin hnuaia le seso thing buk tin hnuaia an millimhai kuanga mirimhoi an inhlanna hmuna, an maichâm vêla an millimhai bula an mithi ruakhai a om tika chu kei hi Rengpa ki nih ti inhriat an ti.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

NAMBAR 25:6

Khan irngai roi, Israel laia mi inkhat, Midian nupang hi Mosia le mipuihai chu irtongna Biakbuk kotbâi kôla an chap lai tak hin an mithmua puan ina a hruaia.

DÂN INHNINA 12:2

Nin va iluapai pehai hrang namhai an pathian an ibiak, hmun tâng irsângtak taka mihai, muala mihai, thing buk tinrêng buk irhlîma omhai kha, nin insiatpai zit hrang a ni.

THUPHUANG 18:3

A hurna uain hrât kha nam murdi’n irnênga rênghaiin ama kha an uirepui ngaia, a hoihôkna thil irchôk hraina sikin rammuala bepârhaiin an irchong sa ngai,” tiin a khêka.