ISAIA 57:2 - PATHIAN LEKHABU IRTHIANG C.L. Bible (BSI)

² Irtharngam takin an om tâka, nuam taka omhai ngai chu, an zâlhmun an irngam thei ta.

ISAIA 57:2 ပူးပေါင်းရင်းမြစ်များ

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

2 THURCHI SUINA 16:14

Davida khopuia, a thân hranga a ichoina khan an phûma. An phûm mân mosola hai, sahriak mirimhoihai an pola, ama sûnpuina’n meipui an sêm ir-al tâka.

JOBA 3:17

Kha khan mi sualhaiin, inbuaitir ta no nihaia, a’rzalhai irngam ta an ti.

INPÂKNA HLAHAI 37:37

Mi sêlnaboi irsinsia’n lân, mi dik tak chu en roh, Khaang mi mongna hrang kha chu irtharngamna a ini hrang a ni.

THUHRILTU 12:7

Ni taksa chu irnêng pila suak a nia, ni thi tika khom ni taksa chu irnêng pila ngêt kîr nôk a ta, nir tha chu Pathian kuang kîr nôk a ti.

ISAIA 14:18

Nam tina rênghaiin a tam dôrin, an in tianga lungthia zâlin,

ISAIA 26:7

Mi dikhai lampui ni siam nuama, an fena hrang nin tûn pehai ngai.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

EZEKIELA 32:25

Elama chu irdoinaa thata lei omhai kâra khan a zâl tâka, a kôlvêla khan a sipaihai thân khom kha a oma. An rêngin sertan loi an nia, an rêngin irdoinaa thata om an ni. An hring lai khan chitna chu an inzaptira, khannisian atûn chu hmâimôk taka thiin an zâl tâka, irdoinaa thata omhai itong ang kha an tong ta.

DANIELA 12:13

Khannisian nang chu mongna nî dênin fe’n lân; sûnhai hekna chu irngam a ta, ni man hrang dôra om ni ti,” a tia.

MATHAIA 25:21

A pu khan a kuang, ‘Siahlo sa le iamom, ni tho’n sa! tômte chunga iam ni oma tamtak chunga nang inomtir ki ti; ni pu lômna dong sa roh!’ a tia.

LUKA 1:6

An ruaiin Pathian mit hmua fel takin an oma, sêlna boiin Rengpa dân le a thu zômin an om ngaia.

LUKA 16:22

Mi inriang kha a thia, Abrahama kôla toi hrangin vântîrtônhaiin an fepui tâka. Mi irchongpa khom a thia, an phûma.

LUKA 2:29

“Rengpa, atûn ni thu ang ngêtin, ni suak hi irtharngam takin ni infetir hrang a ni tâka.

LUKA 7:50

Khan, nupang kuang khan, “Ni iamna hin nang a isaninhring a ni, irtharngam takin fe ta ro,” a tia.

2 KORINTH 5:1

Ei omna irnênga in hi siat khom sian, irvâna in, kuta sinloi, kumtuanga om mai hrang, Pathian kuanga in det chu ei neih ti ei inhriat.

2 KORINTH 5:8

Ir-ial takin ei om, ki iti, taksaa om loia Rengpa kuanga om ei nuam ual a ni.

FILIPI 1:23

A lai lakloa omin, a’rngaina lamchang khom inhre loiin ki iom a ni. Hi hringnun hi mâkin, Krista kuanga om ta inlân ki’rzuk tak tak, kha kha a sa ual ok a ni.

THUPHUANG 14:13

Khanchu, irvâna irthokin hnukirhaiin, “Hi hi irziak roh: Atûna irthokin Rengpaa thihai chu an vân a sa,” a iti kin hriat. Irtha khan, “A ni tak tak! An sinsôlna irthokin irngam ta an ti; an sinthôna ra khan a zui sikin,” tiin a sâma.