ISAIA 57:17 - PATHIAN LEKHABU IRTHIANG C.L. Bible (BSI)

¹⁷ An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 57:17 ပူးပေါင်းရင်းမြစ်များ

THUHRILTU 6:9

Irzukna nêkin chu mita hmu hi a sa ual: hi khom hi chanlamboi le a korong a ni.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 2:7

Annihai ram chu tangka le rângachakin a sipa, an sum nei dân khom inhre phâk zoi loi a ni. An ram sûnga sakor in an bita, an tâli nei dân khom tep zoi zât ni maka.

ISAIA 42:24

Jakoba chu tu mo hrâtlâksonghai kuanga pêk, Israel chu tu mo hrâtlâksonghai kuanga pêk? Rengpa mo ni ma? A chunga khan thil sual an thoa, a lampui zui loiin a dânhai khom zôm loiin an oma.

ISAIA 45:15

Israelhai Pathian, anni saninhringtu chu Pathian irthup ni lei ini a ni.

ISAIA 56:11

Ui huatirham ang hin khop thei loia, belra enpu chu ni pumin, a siat le a sa theitha thei loi; mâni nuam lam anga omin, an hranga inlâpna vai zong maiin.

ISAIA 64:9

Rengpa kin chunga hin ni ninginmurtir ta no’n lan, kin tho insualnahai inhre mai ta no ro; ni en mai ta no’n lân, ni mihriam inzen kin ni.

ISAIA 66:3

Khannisian, hi mihai ta hrang hin chu sehrât thata inhlan mani, mihriam thata irbôl mani danglam ual mah. Belra inhlan mani, ui thata inhlan mani baidi irhlan mani, vok thisen inhlan mani, mirimhoi an hâl khoma, millim an biak khomin, anni hrangin danglam ual ma. An nuam lam takin sin an zonga thil intirom biak an nuam ngaia.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 2:30

Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

JEREMIA 3:14

Iamom loi mihai hong kîr roi, ki nuchahai kêng nin ni, khopui tina irthokin inkhat lua, nam tina irthokin inhni lua nangni inthang suak ki ta, Zion tânga nangni hruai intung ki ti.

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 51:13

Kha rama khan ivadung tamtak le sum le puan a inei ok a nia, a zoro a hekin, a hringna hrui chu insatin a om tâk.

JEREMIA 6:13

Mi tukhom a chîn a lian dik loitaka sum hlo suak an itum a nia; deipuhai le ochaihai khomin mipui an huanghaia.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

JEREMIA 8:6

Nangni ki irngai chiana, tûte thu dik hril zel om mak chêi. Tu mi khom ni unglân, a thil tho’nsual sikin a poi ti maka, tu mi khomin, thil dik loi ki isin ma nih ta o! tiin irdonna siam ma, sakor irdoina hmun pana intân angin mi tin mâni lampui nin ipan chit a ni ta.

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

LUKA 12:15

Khan an kuang, “Irdîn unglân, irzukna tinrêng ata irdîn roi, mihriam hringna bi hi irchon lâmkhîl sika ni mah,” a ti pehaia.

KOLOSA 3:5

Nin rammual om dân sual: irditna hai, porinchena hai, hurna hai, irzukna sual hai huatirhamna hai (kha kha millim biakna a ni,) hihai hi thatpai roi.

1 TIMOTHEA toc2 1 TIMOTHEA 6:9

Irchongna nuam mihai chu inthêmnaa an lûta, huatirhamna invêt, châng ichiom taka an in-ôka, an siatpuia, an irhmang ngai a ni.

2 PETERA toc2 2 PETERA 2:14

An mitin uire hrang an en vêl maia, sual tho hnông thei mahai. An lungrîla huatirhamna lam a sân an inhriata, Pathian khosâl tong an ni.

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.