ISAIA 57:15 - PATHIAN LEKHABU IRTHIANG C.L. Bible (BSI)

¹⁵ Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 57:15 ပူးပေါင်းရင်းမြစ်များ

INPÂKNA HLAHAI 34:18

Rengpa khan milunga beiindonghai kha a nâi ngaia, Lungrîla irsîrhai murdi chu a saninhring ngai.

INPÂKNA HLAHAI 138:6

Rengpa chu an chungtak ni khom sianlân, Mi irngaiintômhai kha ar ngaitua ngaia, Mi lârirpâkhai chu an kuanga irthokin irbi thei ngai mah.

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

ISAIA 52:13

Irngai ro, ki siahlo chu a sinthoa ir-iampui a ta, mihaiin chôiindôm an ti.

ISAIA 40:28

Inhre mak chêi mo? Rengpa vai hi kumtuanga Pathian chu a nia, kôlkil minli sûnga om murdi hi, Ama isiam ving a ni.

DÂN INHNINA 33:27

Kumtuang Pathian kha nangni enkoltu a ni, a bân hrât khan nangni a sûnghuala, nin makunga râl an hnotsuaka, “Inboipai zit roi,” a ti.

INPÂKNA HLAHAI 90:2

Tânghai om mâna, Irnêng le rammual nin ding mân khom khan, Kumtuang ata kumtuang dên khomin nang chu Pathian ni ni.

JAKOBA toc2 JAKOBA 4:6

Khasikin, Pathianin lungkhamna a ni ipêk hi a lian ual. Pathian Thubu’n, “Pathianin lârirpâkhai a doia, Irngaiintômhai chu lung an kham ngai,” ti a ni.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

2 THURCHI SUINA 34:27

ni’rleta, ni’rhnuai tâka. Jerusalem le a sûnga mi hrem ki ti, ki ti lai khan poi ti takin ni puan ni ir-ekthêra, ni chapa.

INPÂKNA HLAHAI 51:17

Pathian nuamlam irbôlnahai chu irtha milung koi hi a ni. O Pathian milung insiat le irsîr ngôi ngôi hi hmusit ngai mak chea.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

ROM KHUAA MIHAI KUANGA TÎRTÔN PAULA LEKHATHON 1:20

A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

INPÂKNA HLAHAI 93:2

Ni rêngtoihmun chu tiana khan lei indet a ni ta: Nang chu kumtuanga lei om tâk ni ni.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

LUKA 1:49

Sinthothei Pathian khom ki chunga sin lian tak a thoa, ar hming khom a irthiang a ni.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

1 PETERA toc2 1 PETERA 5:5

Khaang dênin nangni vânglaihai, ulian kuanga irpêklût roi. Sin nin irsanirhlôm theina hrangin thuhnuairôlna irbelin sin tho roi. Pathian Thubu’n, “Pathianin lârirpâkhai a doia, irngaiintômhai chu a lunginkham ngai,” ti a nia.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

THUVÂRHAI 8:23

Kumtuang ata siam ki nia, irnêng irsiang mân ngeia khan.

INPÂKNA HLAHAI 123:1

O, nang irvâna toi ngai, Nangma tiang ki mit kin lêng ngai hi.

INPÂKNA HLAHAI 115:3

Kin Pathian chu irvâna a oma; A inuam nuam a isin a ni.

INPÂKNA HLAHAI 97:9

Rengpa nang chu irnêng murdi chunga hin anchungtak ni nia: Nang chu pathian murdi chung taka chôiindômin ni om.

JOBA 6:10

Ki milung la’rngam mai a ti, irkhol loiin a na tuang khom inlân, lôm mai ki ta. Pathian chu a’rthiang ti kin hriata, a thupêkhai chu hnôl viat ma ung.

1 SAMUELA 2:2

Rengpa anga irthiang hi om mahai; Ama ang zel om mahai. Ei Pathian anga lungpui det zel tûte om mahai.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.

2 KORINTH 7:6

Khannisian, Pathian, lungrîl ngûi inthorinhar ngaitu khan Tita hongna sikin a nin thorinhartir.

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

MATHAIA 6:9

Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se.

ZAKARIA 2:13

Mi murdihaio, Rengpa makunga khan dâichit roi: Ama kha a hmun irthiang ata a hong thoi tâka, tiin va hril ro, a tia.

INPÂKNA HLAHAI 111:9

Ama khan a mihai kuang irtanna a zu tîra, A thuthung chu kumkhua hrangin an kunga; A’rhming chu a’rthiangin a roiinpui a ni.

INPÂKNA HLAHAI 99:3

Anni khan nir hming roiinpui tak ichiom tak kha inpâk ri sehai; Ama chu a irthiang a ni.

2 KORINTH 1:4

A kuanga irthok ata ei idong changpuina ngei kha hmangin buaina chi tinrêng nei mihai ei changpui theina hrangin ei buaina tinrênga Pathianin a ni changpui ngai.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

2 KORINTH 2:7

Khan khoma ngaidam unglân, lungrîl na’n a sip hrai nona hrangin inthor sa roi.

TÎRTÔNHAI SINTHO 3:14

Mi Irthiang le Fel tak kha nin hnôla, mi thatpa kha insua pe hrangin nin ngêna.

DANIELA 4:17

Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

ISAIA 6:1

Reng Uzia thi kum khan Rengpa ki hmua, a rêngtoihmun irsâng tak chôiirsângin a toia, a songkol hmorin Tempil chu a sip vinga.

1 RÊNGHAI 8:27

“Khannisian nang Pathian tak hin irnêng mihai laia hin om nuam ual le nang irhoitir ma ung? Irvâna lua om loi ni nia. Ki tempil sina hin om nuam theiin mo?

IRPHUTNA 21:33

Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma.

FESUAKNA 15:18

Rengpa’n kumtuangin roirêl a ti,” tiin.

INPÂKNA HLAHAI 138:7

Lungzîng laia om khom inlân, Nangma’n ki hringna ni hrunga. Ki râl ningmurhai doi hrangin ni bân ni phara, Ni kut chang tiang ni saninzôk ni ti.

THUVÂRHAI 16:19

Mi lârirpâkhai le râllâk thil irsem nêkin chu irngaiintôm taka inriang ni hi a sa ual.

ISAIA 33:5

Chung tiang Rengpa chu a oma, a roiinpui vang na! Zion-a diktak le feltakin roi a rêl ta.

DANIELA 2:11

Khanchu rêng inphût hi thil intak a nia, taksa inlang theiloi mi pathianhai ti no’n chu a entir thei hrang tûte om mahai,” an tia.

JOELA 2:13

nin puan ni loiin nin milung thêr unglân, Rengpa nin Pathian tiang khan irhei roi: ama kha lunginkham thei tak le inrennaa sip, milung irnêm le khonzâna nei intam, thil saloi ata hong kîr ngai a ni,” a tia.

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

FESUAKNA 15:13

Nangma lungkhamna sika irtan sai tâk, ni mihai hruai ni ta; ni hrâtna’n ni omna hmun irthianga hruai intunghai ni ti.

FESUAKNA 40:34

Khanchu puan in kha sûmin a tuama, RENGPA ompuina vâr irkhêl khan a sipa.

FESUAKNA 40:35

Hi sika hin Mosia kha puan in sûnga a ilût thei ta loi a ni.

JOBA 22:29

Nang paihai khom sian, ngîrsuakna a om ti ni ti. Mi irngaiintômhai chu saninzôk ni an ti.

INPÂKNA HLAHAI 34:19

Mi fel intaknahai chu a tama, Khannisianlân Rengpa’n khahai murdia khan a sansuak ngai.

INPÂKNA HLAHAI 51:19

Khanchu felna irbôlnahai chunga lômna nei ta ni ta, hâlirvôm thilinhlan le hâlirvôm pumirhlan chunga khan: Khanchu ni maichâm chunga khan sehrâtchalhai inhlan ta an ti.

ISAIA 18:4

Rengpa’n hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

ISAIA 63:15

Ni omna hmun irthiang le hoi, irvân irsâng lai ata khan, zuang thîrin lân, ni zuang en ro, ni sathnem irngaina le hrâtna, ni khonzana le inrenna kha a idâi zoi ma ni ta?

CHAP HLA 3:41

Irvâna Pathian tianga lungrîl irhongin chongchai ual ei ti.