ISAIA 57:14 - PATHIAN LEKHABU IRTHIANG C.L. Bible (BSI)

¹⁴ Hiang hin a ti: Buk inpông roi, lamlian siamin irnêng inpôngtir roi, ki mihai fena hrang sât infâi roi.

ISAIA 57:14 ပူးပေါင်းရင်းမြစ်များ

INPÂKNA HLAHAI 68:4

Pathian chôiindômin hla sak unglân, a’rhming inpâkin zâi roi; Tâlia ramchârhai fe thengtu hrangin chu lamlian hrang sung insip unglân; A’rhming chu Rengpa a ni; a makunga khan raiinfân roi.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 40:3

Irhâiin, “Ramchâra Rengpa lampui siam unglân, kin Pathian hrang ramchâra lampui intuantir roi.

ISAIA 49:11

Tâng tianghai lamlian siam ki ta, an fena hrang lampui siam pehai ki ti.

ISAIA 62:10

Kho sûng ata hi fesuak unglân, ki mihai hongna hrang lampui siam hrangin, irthok ta roi. Nel inbit unglân, lamlian siamna hrangin nel inbit roi. Lunghai irthiang infâi unglân, mi tin mithmua irsinsiana puan târ roi.

JEREMIA 18:15

Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

ROM KHUAA MIHAI KUANGA TÎRTÔN PAULA LEKHATHON 14:13

Khanchu, irsêl irhlôm uar no roi, tukhomin mâni urêng tûkna hrang mani, lunghoiloina hrang mani, siam tum no roi.

1 KORINTH 1:23

Keini’n chu Krista hembe thu kin ihril a ni, kha kha Judahai ta hrangin chu khâltu a nia, Jentailhai ta hrangin chu thil invêtom a ni.

1 KORINTH 8:13

Khasikin fâkin ki urêng suala an tûktirin chu, sa fa viat ta no ning, ki urêngpa suala a tûk loina hrangin.

1 KORINTH 8:9

Khannisianlân, nin zalênna sintho khan iamnaa hrât loihai kha suala an tûk loina hrangin irdîn roi.

2 KORINTH 6:3

Kin sinthôna hin tûte’n an ni demna hmu nohai sian ki nuam a ni, khasikin tûte lampuia khom lam chaninvâitir tum ma ung.

HEBRAI toc2 HEBRAI 12:13

Khan, ke’nbâi kha irlo’rphêt loia, indama a om ualna hrangin lam intûna fe roi.