ISAIA 56:8 - PATHIAN LEKHABU IRTHIANG C.L. Bible (BSI)

⁸ Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

ISAIA 56:8 ပူးပေါင်းရင်းမြစ်များ

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

INPÂKNA HLAHAI 106:47

O Rengpa kin Pathian, ni saninhringin lân, Nam tin lai ata ni hruai bûm nok roh. Ni’rhming irthiang chu inpâk hrang le Inpâkna song hrangin.

INPÂKNA HLAHAI 147:2

Rengpa khan Jerusalem chu an ding nôka; Sala intâng Israelhai a hruaikhôm nôka.

ISAIA 43:6

Suak ving hrangin hmâr tiang hrilhai ki ta, kalkhumhai hrai loi hrangin sim tianga omhai hrilhai ki ti, ki nâipasalhai ram hlatak ata hong hruai unglân, ki nâinuhai kôlkung ata hong hruaihai roi.

ISAIA 49:12

En ro, ki mi, ram hlataka honghai so, Hmâr tiang ata hong an nia, sim tianga panin Sinim ram hlataka hong an ni so.

ISAIA 49:22

Rengpa Pathianin hiang hin a ti: “Nam tin mithmua ki bân phar ki ta, irsinsiain, ni nâihai pomhai an ta, ni nâinuhai pohai an ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 54:7

Zoro sôtnote nang ki mâksana, lung nang kin kham hrai sikin, nang koi nôk lat ki ti.

JEREMIA 30:17

Nang indamtir nôk ki ta, ni sâbehai khom indamtir ki tah ti hi Rengpa thu suak a ni. ‘Mâksan tûte irngaipoimo loi Zion,’ nang an ti sikin,” a tia.

JEREMIA 31:10

O namhaio, Rengpa thu hi irngai roi, tuikhanglian kôla ram hlatakhai khom hrilhai roi, Israel indartirtu khan hruaikhômhai nôk a ta, belrapu angin anni chu enkolhai a ti, tiin.

EZEKIELA 34:12

Belrapu’n a belra irthekindarhai bukkhôma a idonsui nôkhai angin donsuihai ta ki ti. Kha inthim le sûm zîng nia an inthekindarna hmunhai ata kha hruai kîrhai nôk ki ti.

HOSEA 1:11

Khan, Juda nâihai le Israel nâihai kha pung khôm an ta, an lu hrang inkung an ta, kha rama irthokin hong fe an ta, kha rama irthokin hong fe an ta, Jezreel nikhua kha a iroiinpui hrang a ni.

MIKA 4:6

Rengpa’n hiang hin a ti, “Kha nikhuaa khan ke’nbâi bukkhôm ki ta, irzûlpaia om le ki intaktira om kha buk ki ta;

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

JOHANA 11:52

An nam irthûl vai khom ni loiin Pathian nâi rammuala indarhai pâl khata a hruaikhôm nôkna hrang khom a insîr a ni.

JOHANA 7:35

Juda thuneituhai khan, “Khôn mo a fea, ei ihmu ta loi hrang? Ei mihai Grik khopuia fea, Grikhai irchutir a itum ma ni?

EFESI 1:10

Kha a lungdo kha a zoro a chuk tika Pathianin thilsiam murdihai, irvân le irnênga omhai murdi intêl zita, Krista kha a lu taka siam hrang a ni.