ISAIA 56:6 - PATHIAN LEKHABU IRTHIANG C.L. Bible (BSI)

⁶ Nam dang, Rengpa irbêla a sinthohai, Rengpa irhming irngai irsânga, a siahloa irpêk, Sabat insiat loia serhai ngai, ki thuthung vong maihai ngai chu.

ISAIA 56:6 ပူးပေါင်းရင်းမြစ်များ

JEREMIA 50:5

Zion panna lampui irdon an ta, kha tiang pan an ti. Keima leh kumtuang thuthung siam an ta, siat ta no ni.

ISAIA 58:13

Ki sûn irthiang sabat nin ser nôka, nin inhoina hai, nin mâksana, Rengpa sûn sabat hi nin inhlua, sintho hrangin fe mak chêia, mâni nuam lam irzûla nin tho mai mainahai, hmang viat loia nin chôiindômin chu,

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

ISAIA 44:5

“Rengpa ta kin ni,” mihaiin ni hong ti thei an ta, Jakoba irhming hong irphua sa an tia; senkhathaiin chu an bâna, “Rengpa ta,” ti irziak an ta, senkhathaiin Israel irhming irput an ti.

THUPHUANG 1:10

Rengpa nia khan Irtha Irthiangin a ni pôla; khanchu ki hnunga irhai bekul anga inringin,

TÎRTÔNHAI SINTHO 2:41

A thu zômhai murdi’n baptisma an changa; kha nî khan mi sângthum vêlin an thop sahai tâka.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

EFESI 6:24

Pathian lungkhamna kha lungthungna chuai theiloia ei Rengpa Jisua Krista lungthungtuhai kuang om ri se.

2 KORINTH 8:5

Kha kha kin itûng ban a ni! A masa takin Rengpa kuang an irpêk baka, kha hnung chu Rengpa lungdo’n ki kuang an irpêk nôk a ni.

1 KORINTH 16:22

Tukhom, Rengpa lungthung loi chu vânnisalin om ri se! Maranatha: Ei Rengpa a zuang e!

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

ISAIA 61:5

Nam danghai chu hmanghai nin ta, nin sa vâihai enkol an ti, ram dang mihaiin nin loi phol an ta, nin grep irhuanhai chuan an ti.

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 61:6

Nangni hi chu ‘Rengpa Ochai’ tih ni nin ti. Pathian sinthotuhai nangni ti an ti. Nam tinhai irchongna chu fa nin ta, an roiinpuinahai leh irvô nin ti.

EZEKIELA 20:13

Khannisian, Israel mihaiin ramchâra khan ki chunga tehel an zonga, mi’n an zôma an hring theina hranga ki thupêkhai chu zôm nuam mahaia, ki dânhai an irheisana, ki Sabat nîhai lak an insiat zêla, khasika khan anni inboipai hrangin ki ninginmurna chu an chunga insum ning mo, ki tia.

EZEKIELA 47:22

hihai hi kumkhua irchon hrang chu ni a ta, khanchu ram dang mi nin laia om nâi le tehai lei nei tâkhai khom khan ram kha nin irsem tena anni khomin dongtum nei an ti. Anni chu Israel mihai anga tep sa ni an ta, Israel mihai laia khan tasân pumin ram kha anni’n dong an ti.

ZAKARIA 6:15

Khan Rengpa tempil chu hmun hlataka mihai chu hongin sinpuihai an ti. Khan indingtharin a om nôk tena chu, Sipaihai Rengpa’n nin kuanga a ni zuang itîr a nih ti inhre ta nin ti. Hi thil hi Rengpa nin Pathian thupêkhai chu nin zôm vinga ni’n chu, la tung a ti.

1 RÊNGHAI 8:41

“Nam dang, Israel ni loi, ram hlataka omhai khomin ni roiinpuizia le sinthotheina an inhriatin, nang an biak theina hrang le, hi tempila a chongchaiin chu,