ISAIA 56:5 - PATHIAN LEKHABU IRTHIANG C.L. Bible (BSI)

⁵ Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ISAIA 56:5 ပူးပေါင်းရင်းမြစ်များ

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

ISAIA 26:1

Kha zoiin chu hi hla hih Judai rama sak an ti: “Khopui iamom taka ei lênga, ei zôkna hrangin kul bang a ni siam pea.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 48:19

Ni’rchihai chu hnuaia vâiphin anga tam ni a ti, ni tû le nâihai chu tep zoi loi ni an ti. Ki makunga chu hek ual no nihai.

ISAIA 55:13

Ilhling bila meisâr thing hong mông a ta, Hloitharpa bila hruirâng mông sa a ti. Rengpa sintho inhriat maina hrangin kîr ta loi hrang, kumtuanga irsinsiana ni a ti.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 60:18

Ni rama khan nghaltôk songnahai tôm a ta, Ni ram chu siatin hek ual no ni. Ni banghai chu ‘Saninhringna’ ti ni ta, ni mikot chu, ‘Inpâkna’ ti ni ti.

ISAIA 62:12

Rengpa irtanhai chu, “Nam irthiang,” ti an ta. Nang khom, “Rengpa zong suak, khopui mâksan thei loi,” nang ti an ti.

ISAIA 62:2

Nam tinrêngin nin dikzia chu hmu’nfel an ta, Rengpa iphua irhming thar irput ni ti.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

ISAIA 66:22

“Irvân thar le irnêng thar ki isiam hrang chu, ki kuanga om mai a ta, khaang ngêt khan nin irchihai le nin irhminghai om mai a ti.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

MATHAIA 16:18

Khasikin nang Petera; lungpui ni ni tih nang ki hril, hi lungpui chunga hin ki koiindang inding ki ta, thina khomin inhnê no ni.

JOHANA 1:12

Mi senkhatin chu an lei lôma, ama iamtu murdihai chu an kuang Pathian nâihai ni theina hrang a pêka.

EFESI 2:22

Nangni khom amaa khan Irthaa Pathian omna in hrangin mi danghai leh sia insa nin ni.

1 TIMOTHEA toc2 1 TIMOTHEA 3:15

Khannisian, kin hnung taka Pathian sûngkua, Pathian hring Koiindang, thutak vongtuhai chu, i anga om hrang mani, nin hriat theina hrangin ki hong irziak a ni.

HEBRAI toc2 HEBRAI 3:6

Krista rêk chu Pathian in sûng mihai chunga Nâipa’n iam a iom a ni. A in sûng mihai chu einihai hi ei ni, ei ihâina intûk indetin ei itûng hi ei irnghat ngit ngânin chu.

1 JOHANA 3:1

Irngai u ta, Pa lung ni thungna hi a lûminna bâka! Pathian nâihaia a ni ibe tâk hi; khaang kha ei hong ini kêng. Hi sika hin rammualin nin hre ma, ama kha an inhriat no sikin.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

THUPHUANG 3:12

An hnêtu kha chu ki Pathian biak ina chopuiin siam ki ta, kha hmuna khan om ta a ti. Khan, amaa khan ki Pathian irhming le, ki Pathian khopui Jerusalem thar, ki Pathian kuang ata irvâna irthoka zuang chum hrang irhming le ki’rhming thar irziak ki ti.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.

1 SAMUELA 1:8

Khanchu a pasal Elkana khan a kuang, “Hani, itho mo ni chapa? Itho mo bu ni inêk loi? Itho mo beidong ngaisiata ni iom? Nâipasal sômkhat nêk khomin ni tah hrangin chu ki isa ual loi ma ni?” a ti pea.