ISAIA 55:8 - PATHIAN LEKHABU IRTHIANG C.L. Bible (BSI)

⁸ Ki lungrîl le nin lungrîl chu ir-ang thei ma, ki om dân le nin om dân khom irmîl thei ngai ma, Rengpa thusuakin a ti.

ISAIA 55:8 ပူးပေါင်းရင်းမြစ်များ

INPÂKNA HLAHAI 92:5

O Rengpa, ni sinthohai chu a roiinpui bâka! Ni ngaituanahai chu an thûk tak tak a ni.

INPÂKNA HLAHAI 40:5

O Rengpa ki Pathian, nangin sinirkhêl ni ithohai leh, keini tiang ni ngaituanahai hi a tam tak taka, Khahai kha ni makunga inlangtir zoi zât ni maka; Inhriattirin hril hrang ni inlân, Tep zoi zât ni no ni.

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

EZEKIELA 18:29

Khannisian, Israel mihai khan, “Rengpa hin mumal neiin sin tho ma,” an tia. Israel mihaio, mumal nei loiin sin tho ma unga, nangni omdân hi a idik loi mo ni ma?

INPÂKNA HLAHAI 25:10

A thu’nkung le a thu inhriattir zômtuhai ta hrangin chu, Rengpa lampui murdihai kha lungkhamna le thutak zit a ni.

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

ISAIA 53:6

Belra angin ei irthek indarh zoia, mâni nuamna tiang ei pan zoia, Rengpa’n ei rênga dik loinahai chu, a dârsuama a hong irnghat tâk a ni.

THUVÂRHAI 21:8

Thiamloi changhai lampui chu a kôi ngaia; mi sahai lampui rêk chu a tûnthai ngai.

THUVÂRHAI 25:3

Reng khan imo a ingaitua inhre thei viat no chi ni; a ngaituanahai chu irvân irsâng angin a’rsânga, tuikhanglian inthûk tak angin a inthûk a ni.

2 SAMUELA 7:19

O Rengpa Pathian hi khom hi nangma mithmua chu thil chînte ni a ti, khannisian kum tamtak la hong tung hranga ni suak irchi suanpârhai hong om mai hrang lam lei hrilin, O Rengpa Pathian thoithar la hong om hrang kha ni nir hmutir tâka.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

INPÂKNA HLAHAI 33:11

Rengpa inkung chu kumkhua’n om indet a ta, A milunga a ingaituanahai chu irlo tin tin dênin om indet a ti.

ISAIA 14:24

Itinrêng Rengpa irhmingin hiang hin a ti, “Tho ki itum chu tho ki ta, a sa ki iti chu hlochuk a ti.

ISAIA 58:13

Ki sûn irthiang sabat nin ser nôka, nin inhoina hai, nin mâksana, Rengpa sûn sabat hi nin inhlua, sintho hrangin fe mak chêia, mâni nuam lam irzûla nin tho mai mainahai, hmang viat loia nin chôiindômin chu,

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

1 SAMUELA 16:7

Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.

2 RÊNGHAI 5:11

Naamana chu ningmur hmêl irputin a fea, “Hong suak a ta, ki kôla ngîrin Pathian Rengpa irhming sâmin a natna laihai inthemin, nin dam a tih ki ti laiin.

JOBA 35:5

Irvân tiang tangin lân, sûmhai khi thîr ro, Nangma nêkin an irsâng ual a ni.