ISAIA 55:5 - PATHIAN LEKHABU IRTHIANG C.L. Bible (BSI)

⁵ Ni inhriat ngai loi nam chu ni nuam lam takin koi ni ta, nang a lan hriat ngai loihaiin chu nang hor bel nuam mai an ti. Israel mi irthiangin kha kha tho a ta, nang chôiindôm a ti.

ISAIA 55:5 ပူးပေါင်းရင်းမြစ်များ

ISAIA 60:9

Ramchârna hmun hlatak ata hong an nia, Tarsis-a irkuanghaiin an hong hruaihaia, ram hlatak ata ni nâihaiin rângachakhai an hong chôia, Rengpa ni Pathian irhming chôiindôm hrang le Israel mi irthiang chôiindôm hrangin, ni mihai chu nam tin mithmuin Rengpa’n a chôiindôm ta.

ISAIA 60:5

Ni hmu tena chu râifân hmêl irput ni ta, râifân hraiin a omna lam inhre no chi ni. Nam tin sum le pâi chu tuipui chunga hong chôi an ti.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

ROM KHUAA MIHAI KUANGA TÎRTÔN PAULA LEKHATHON 15:20

Mi dang lungphûm chunga sin inding ki ni loina hrangin Krista lan hriatloina hmun kipa Thurchi Sa inpuang hi ki nuamlam a ni.

TÎRTÔNHAI SINTHO 5:31

Israelhai sual irlettira ngaidam an ni theina hrangin. Ama ngei kha Pathianin rêng le saninhringtu ni hrangin a chang tiang a chôiindôm ta.

TÎRTÔNHAI SINTHO 3:13

Abrahama, Isaka le Jakoba Pathian, ei irchibulhai Pathian khan a tîrtôn Jisua kha a ichôiindôm tâk a ni. Ama kha nin incheltira, Pilata’n insua a tum khomin nin sêl ngot kha a ni.

ISAIA 56:8

Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

ISAIA 55:4

Mihaiin ki roiinpuizia an inhriat theina hrangin, Ama chu nam hruaitu hrangin kin kung ta.

ISAIA 45:23

Mâni irhming sâmin khomâk ki’rsâma, Ki chonginkung chu iamom tak a ni. Ki thu hril sai tâk chu irlêk ta ngai ma ung; Ki makunga mitin khûksadelin ki’rhming sâm an ti.

INPÂKNA HLAHAI 18:43

Nangin mihai irsualna ata ni ni saninhringa; Nam tin lua ni ni siama: Ki inhriat ngai loi mihai khan ki sintho ta an ti.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

JOHANA 17:1

Kha thu kha Jisua’n an sîra, irvân tiang a tanga, “Ka Pa, a zoro a tung ta; ni Nâipa chôiiindôm roh, Nâipa khomin nang a chôiindômna hrangin;

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

ISAIA 52:15

Nam tamtak chu a thisenin a’rsûkinfâia, Renghai khomin ar khêl ti pumin an bâi phong ngam no nihai; an la ihril ngai loi thil hmu an ta, an la inhriat ngai loi thil lan hre thei an ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

1 PETERA toc2 1 PETERA 1:11

Annia Krista irtha om chu, Krista tuangna le a hnunga chôiindôma a om hrang thu, a lei inhriattira, i zoroa mo zuang tunga, itina zuang tung hrang moh ti inhriat an tum ngai a ni.

HEBRAI toc2 HEBRAI 5:5

Khaang khan, Krista khomin ochai inlaltak ni sika chôiindômna kha ama ta hrangin la mah. Khannisianlân, Pathianin a kuang, “Nangma ki Nâipa ni ni, a vuan sûn hin ni Pa ki hong ni tâk,”

EFESI 3:5

A tirtôn le deipuhai kuang Irtha’n atûna a inhriattir ang hin, tianlai khan chu hi thurîl hi mihriamhai lan hretir ngai mah:

LUKA 24:26

Krista’n kha thil kha tuangin a roiinpuinaa a lût hrang mo ni ma?” a tia.

EFESI 2:11

Nangni, irzirnaa Jentail, taksa kuta sertanhaiin, “Sertanloi” nangni an iti ngai kha.

2 SAMUELA 22:44

Ki mi pualoihai ata khom ni nin zôktira, nam tinhai lu ni hrangin ni ni hrung sua tâka. Atûn chu ki inhriat ngai loi mihai khom ki sinthotu an hong ni ta.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 45:22

Rammuala mi murdihaio, keima tiang hor hei unglân, keima vai hi Pathian ki ni, tûte a dang om mahai.

ISAIA 49:12

En ro, ki mi, ram hlataka honghai so, Hmâr tiang ata hong an nia, sim tianga panin Sinim ram hlataka hong an ni so.

JEREMIA 30:19

Kha hmun ata kha lômthu hrilna le raifânna irhâi hong suak a ta, ama chu inpungtir ki ta, hek thei ual ta no nia, roiinpuitir ki ta, nâiinpang no nihai.

EZEKIELA 39:7

Khanchu ki’rhming irthiang kha ki mi Israelhai laia inlârtir ki ta, ki’rhming irthiang porinchetira om hrang chu irngai thei no ning. Khanchu nam tinhaiin, Rengpa, Israel mi irthiang chu ki nih ti inhre ta an ti,” a tia.