ISAIA 55:2 - PATHIAN LEKHABU IRTHIANG C.L. Bible (BSI)

² Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

ISAIA 55:2 ပူးပေါင်းရင်းမြစ်များ

INPÂKNA HLAHAI 22:26

Thuhnuairôlhai khan fâ an ta, khop an ti: Ama zongtuhai khan Rengpa kha inpâk an ti: Nin milung chu kumkhua’n hringin om ri se.

INPÂKNA HLAHAI 34:11

Hong roi, nâipanghaio, ki thu irngaitua roi: Rengpa chi lam dân nangni lei irchu rong.

INPÂKNA HLAHAI 36:8

Anni chu ni insûng thil sa’n inkhophai a ta; Ni lômna vadunga om kha in intir sahai ni ti.

INPÂKNA HLAHAI 63:5

Ki hringna hi irtin le sathâiin khop a ta, ki bâi hin raifân hmûr irputin nang inpâk sa ki ti.

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

THUVÂRHAI 1:33

Ki thu irngaihai rêk chu hoi takin om an ta, chitna zel om loiin, hoi riamin om ta an ti,” tiin.

THUVÂRHAI 7:23

Va’n a thina hrang a nih ti inhre loia châng a ipan ngai ang kha a ni.

THUVÂRHAI 8:32

“Thoi roi, ruathartehai, ki thu irngai roi, ki thupêk zôm unglân nin râlvân sa a ti.

THUVÂRHAI 9:5

“Tho hongin lân, ki bai hong fa’n lân, ki uain irpol hong in roh.

THUHRILTU 6:2

Pathianin mi irchon le neinunghai le mahripomnahai a pêka, a milunga a irzuk murdi chu irsam rêng rêng nei maka; khannisian Pathianin ama chu khahai kha a fâk hrang phal pe maka, khannisian mikhual chu hongin a fâkpai pe tâka. Hi khom hi chanlamboi a ni.

ISAIA 1:19

Ki thu nin zômin chu, nin rama thil sahai fa nin ti.

ISAIA 10:27

Kha ni tena chu Assuria thuhnuaia nin omna chu nangni insua ki ti, nin ringa a ringkol chu inkhiak ki ti,” a ti.

ISAIA 25:6

Hi tânga hin Itinrêng Rengpa’n mi murdihai hrangin hruai inthe a ta, Uain thum a sa chi le a hnînghai le, sâ khom a tui zât inzenin sinsiam a ti.

ISAIA 44:20

Nêngpil fâk anga ite nangloi a nia, an sâpna saloi khan a hruai insuala, sansuak thei ni ta ma, “Ki millim chôi hin ite tho thei mah,” tihna châng zel inhre thei mah.

ISAIA 46:6

An hmarsa ata rângachakhai kêlsua an ta, tangkaruahai varh an ta, kut theithiamhaiin pathian illim siam an ta, kûnin chubai an mûk tâka.

ISAIA 51:1

Sansuak nuama Rengpa zongtuhaio, ki thu hi irngai roi. Nin suakna lungpui hi en unglân, nin hong isuakna lungpui hi en roi.

ISAIA 51:4

Ki mihaio, ki thu hi irngai unglân, ki nam chanpuihai hi an mikuar sung ri sehai, dân thu ki kuang ata a hong suaka, ki mihai vârna hrangin roirêlna dik siam pehai ki ti.

ISAIA 51:7

Thudik inhriattu, lungrîla ki dân vonghaio, ki thu hi irngai roi, Mihriamhai demna irngai no unglân, nangni an manêpnahai chardong irlapui ual no roi.

ISAIA 62:8

Rengpa’n a kut chang tiang kher pharin thu an kunga, A bân irnak hrâtin tho ngêt a ti. Ni buhai chu nin râlhai nêk phal no ninga. Nin isinna ra uainhai khom, nam danghai in zoi hrang phal ta no ning.

ISAIA 62:9

A âttuhai ngêtin bu chu nêk ta an ta, Rengpa inpâk pumin, grep ra irhmaltuhaiin, kin irthiang tiin kholâia in an ti.

ISAIA 65:23

An sin sôlnahai chu chanlamboiin om no nia, an ineihai khom vânduaina tong hrang om no nihai, an tû le nâihai dênin Rengpa’n satvur a ti.

JEREMIA 12:13

Ki mihai chu bu an inrîtin, hloisûl an irtika; an sinsôl bâk ngaia, khannisian ite an ra om ngai mah. Ki ningmur irkhêl tak sika khan, an chîmuhaiin ra an insua thei loi a ni,” a tia.

JEREMIA 17:24

“Hi mihai hin ki thupêkhai chu an izôm ngêt hrang a nih ti hril roh. Sabat nî chu dâi mikot palin puak ite a sûng tiang an hong ichôi inlût hrang ni mah. Sabat nî chu sûn irthiangin ser an ta, sin ite an izong hrang ni ma.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 31:14

Ochaihai chu bu tui tak leh vâihai ki ta, ki mihai chu ki satna khan khop sa an tih ti hi Rengpa thu suak a ni.

HOSEA 12:1

Efraima khan phâivua a iama, nisua phâivua khan a zui ngaia; milak thu le irsen indarna thu an pungtir sit sita, Assuria leh thu an inkunga, Aigupta tiang khan hriak a pêl lûta.

HOSEA 8:7

phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti.

HABAKUKA 2:13

En u ta, namhai kha tep loia mâni an irlungkhama, chi tinhai khan mei ta hranga sin an isôl hi, Sipaihai Rengpa ata a ini loi ma ni?

MATHAIA 15:9

An irchutirna chu mihriam thupêk an irchutir sikin, an ni biakna hi a korong a ni, Pathianin a ti,’ tia a lei irziak kha,” tiin a sâma.

MATHAIA 22:4

Khan, siahlo danghai a tîr nôka, ‘Ki ifialhai kuang khan, irngai u ta, hruai chu ki’rsiam diam tâka, ki sehrât chalhai le sa ki ivâihai ki thata, itinrêng irsiam diam a ni tâka, hruaithe fâk hrangin hong ta roi ti roi,’ a tia.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

MARKA 7:14

Khan mipuihai kha a koi bukhai nôka, an kuang, “Nin rêngin ki thu hi irngai unglân, hi hi inhrenfel roi;

LUKA 15:23

Sehrâtchal tuai mar tak kha hong kai unglân, that roi, raifân takin hruai inthe ei ti.

JOHANA 6:27

Bai a hek nôk thei irzûlin irvâk irvâk no unglân, kumtuang dêna om mai hrang hringna bu, Mihriam Nâipa’n nangni a ipêk hrang kha zong ual roi, Pathian, Pa khan ama a’rsinsia tâk sikin,” a tia.

ROM KHUAA MIHAI KUANGA TÎRTÔN PAULA LEKHATHON 10:17

Khanchu, thu chu inhriat sikin iam a nia, thu kha chu Jisua Krista thu kha a ni.

ROM KHUAA MIHAI KUANGA TÎRTÔN PAULA LEKHATHON 9:31

Dân zôma thiamchang tum Israelhai khan kêng dân angin chu thiam chang zoi ta mahai.

DÂN INHNINA 11:13

Khanchu, a vuana nangni ki ihril thupêkhai hi zôm roi, Rengpa nin Pathian hi lungthung unglân, a sate’n a sin tho roi.

HEBRAI toc2 HEBRAI 13:9

Irchutirna chi dang dang le irkhêl tak tak hruai irhmangin om no unglân, Pathian lungkhamna irthoka lungrîl hrâtna hmu hi a sa, fâk thua dân zômin chu ni no ri se; kha dân zômhai khan ite irfêna hmu mahai.