ISAIA 55:1 - PATHIAN LEKHABU IRTHIANG C.L. Bible (BSI)

¹ Hong roi, tuiinhrâl murdihaio, tui hi hong pan roi. Tangka sum nei loihai khom hong unglân, nin nêk hrangin bu hi tangka sum ni loiin hor chôk unglân, uain le dûttui hi hor cho roi, a man boiin.

ISAIA 55:1 ပူးပေါင်းရင်းမြစ်များ

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

ISAIA 44:3

Ramchârhai tui buak ki ta, ramna hmuna tui inluangtir ki ti. Ni’rchihai chunga ki’rtha sem ki ta, ni tû le ni nâihai satvur ki ti.

INPÂKNA HLAHAI 143:6

Ki kulhai hi ni tiang ki phar ngaia; Ki hringna hi ramchâr tak angin Nangmaa a inhrâl a ni.

THUPHUANG 22:1

Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,

MATHAIA 13:44

“Irvân Ram chu mi inkhatin loia irchon phûm inrûk a hmu suaka, a phûm nôka raifân takin a fea, a inei murdi a va zuara, kha loi kha a irchôk tâk ang kha a ni.

MATHAIA 10:8

Damloihai indam unglân, mithihai kaithoi unglân, phârhai irthiangtirhai unglân, ramilhlihai inhnot suak roi. Manboiin nin mana, manboi ngêtin pe roi.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

INPÂKNA HLAHAI 63:1

O Pathian, nang chu ki Pathian ni nia; zîng taka nang zong ki ti: Ramchâr tak, tui om loinaa hin ki hringna hi nangma irzukin a dangchâra, ki taksa hin nang a irngai a ni.

ISAIA 52:3

Rengpa’n hiang hin a ti: “Man pe loia suaka izuar nin nih, tangka sum boiin irtan ni nin ti.

THUPHUANG 3:18

Khasikin nir chong theina hrangin rângachak meia irthiang tâk hai, ni korongboi ser an lang loina hranga ni sil hrang puan chek hai, ni hmu theina hranga mitna hloi hai ki kuang ircho hrangin nang ki ti.

1 PETERA toc2 1 PETERA 2:2

nâitesen suakthar angin irtha tianga irhnutui irthiang ite polloi kha irzuk roi, kha irhnutui kha nin inin chu irsôn nin ta, hringna hmu nin ti.

ROM KHUAA MIHAI KUANGA TÎRTÔN PAULA LEKHATHON 3:24

Khannisianlân, Jisua Krista irtanna zâra Pathian chu a lungkhamna sika vai mi manboiin thiam an changtir ta.

HOSEA 14:4

An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

HLAHAI HLA 5:1

O ki lungdi le ki rualnu, ki’rhuan sûnga ki lûta, rimhoi le mura-hai chu ki’rkhôma; Ki uain tui le ki sehrât irhnutui chu ki ina. Rual lungthung takhaio! fa unglân, in unglân, lungkhamna nin inrui mâsenga chu.

THUVÂRHAI 8:4

O nangni mihriamhaio, nangni ki ngên; irnênga mi tinrênghai ki ikoihai a ni.

MATHAIA 26:29

Nangni ki hril, ka pa Rama nangni leh uain thar ki in nî a tung mâka chu hi uain hi in nôk ta no ning,” a tia.

ZAKARIA 9:15

Sipaihai Rengpa’n a mihai chu hrung a ta, Anni’n an râlhai chu lan boipaihai an ti. Irdoinaa zu inrui angin la khêk an ta, an râlhai thisen chu lan suaktir an ta; Irbôlna thisen berbu ata maichâma buaka a iom angin la luang a ti.

HLAHAI HLA 1:4

Ni kuang ni hruaiin lân, rot zel ei ti; ki ta hrangin rêng nin lân, ni tentana ni hruai lût ro, Ei raiinfân suam ei ta, lungirthungna uain irhnik takin insuam ei ti, dôngmate murdi’n lung nang inkhamhai khom sian.

1 KORINTH 3:2

Nin la fâk thei no sikin bu hrum ni loiin irhnutuiin nangni kin fâa; atûn ten khom la fa thei mak chêi.

ZAKARIA 10:7

Israel mihai chu sipaihai angin hrât an ta, Uain intu angin raifân takin la om an ti. An irchi suanpârhaiin hi inhnêna hi inhre mai an ta, Rengpa sinthohai sikin an râi la fân a ti.

ZAKARIA 2:6

Hong roi, hong roi, hmâr ram ata intân suak roi, ti hi Rengpa thu suak a ni. Irvân phâivua ang dênin kin darhtir tâka, ti hi Rengpa thu suak a ni.

RUTHI 4:1

Boaza chu roirêlna hmun, dâi mikota a hong fea, a toia. An urêng irkaipui tak chungchâng thu Boaza’n a ihril kha a honga. Boaza’n, “Ki rualpa, hi tiang hongin lân, hong toi ta,” a tia. Ama chu a va fea, a toi tâka.

HLAHAI HLA 1:2

Ni hmûr leh khan ni tumin lân, Ni lungkhamna chu uain nêkin a sa ual sikin,

CHAP HLA 5:4

Tuidâi khilât khat khom irchôk vaiin kin in thei ta. Kin thingtua ngai khom irchôk a nang tâk.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

TÎRTÔNHAI SINTHO 8:20

Khannisianlân, Petera’n a kuang, “Pathian thil manboi pêk hi suma irchôk ni tum sikin, ni sum leh ni pumpuiin irhmang ni ti.

THUVÂRHAI 9:5

“Tho hongin lân, ki bai hong fa’n lân, ki uain irpol hong in roh.

EZEKIELA 47:1

Khanchu, mihriam khan biakbuk lûtna khan a ni hruai nôka, khanchu irngai ro, tui chu a lûtna hnuai ata kha suakin biakbuk nghana tiang nisua tiang khan a luanga. Khan tuihai chu sim tiang panga biakbuk hnuai tiang ata kha sim tiang panga maichâm omna tiang khan a luanga.

EZEKIELA 47:9

Khanchu tui luangna hmun tina khan ramsa chi tinrêng le ngahai om an ta, tui khan tuipui thia tuihai kha irthiangtir a ta, a luangna hmun tina hringna intungtir a ti.

THUVÂRHAI 9:1

Vârna khan in a sina, a chopui sari a phuna.

ISAIA 1:19

Ki thu nin zômin chu, nin rama thil sahai fa nin ti.