ISAIA 54:7 - PATHIAN LEKHABU IRTHIANG C.L. Bible (BSI)

⁷ Zoro sôtnote nang ki mâksana, lung nang kin kham hrai sikin, nang koi nôk lat ki ti.

ISAIA 54:7 ပူးပေါင်းရင်းမြစ်များ

INPÂKNA HLAHAI 106:47

O Rengpa kin Pathian, ni saninhringin lân, Nam tin lai ata ni hruai bûm nok roh. Ni’rhming irthiang chu inpâk hrang le Inpâkna song hrangin.

INPÂKNA HLAHAI 107:3

Ram tin ata a hruai bûm, Sak le thang, sim le hmârhaia khan.

INPÂKNA HLAHAI 30:5

A ninginmur kha mitkhap kâr vai a nia; A indit bîknaa khan hringna a om ngai: Chapna hi riak hrangin khohloi tiang a hong lût theia, Zînga chu raifânna a zuang tung ngai.

INPÂKNA HLAHAI 30:6

Kei chu ki hlochuk lai khan, “Itika khom inhnîng no ning,” ki tia.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 26:20

Ki mihaio, in sûnga lûtin, in irkhâr khum unglân, Pathian ningmur a chum mâka chu lei irbi viat hi roi.

ISAIA 27:12

Kha ni tena chu Rengpa’n Eufrates vadung ata Aigupta tui dênin, bu ât angin, a mi Israelhai chu inkha khatin irfuanghai a tih.

ISAIA 27:8

Sala om hrangin a tîr suakhaia, nisua phâivua saloi a’rngamtir ta.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 49:18

Tangin lân, thîr hi ro, ni mihai irthoka irhâi hi, an hong irthok chak a ni ta. “Keima ki om,” Rengpa thusuakin a ti: Moiin a’rvôna a irsongpui angin, a mihai chu songhai ni ti.

ISAIA 49:21

Hi mihai hi tu mo nin neitira? Ki nâi neihai ki sûnhai zoi tâka, sala intângin kin vâia, hihai hih tu mo a nin liantir pe a ini tâk? Ki bing vaiin an ni mâka, hihai hi kho tianga mi mo an ini? la ti ni ti.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

ISAIA 56:8

Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 60:4

Ni mit hong inlêngtirin lân, ram hlatak ata ni nâihai chu an hong ta, ni nâinuhai an hong puakhai.

ISAIA 62:4

“A’rkhêl,” nang ti no nihaia, “A’rhmangnu,” nang ti ual no nihai. ‘Indiknu’ nang ti ta an ti. Rengpa ni chunga a lôma, ni ram ta hrangin pasal angna nei a ti.

ISAIA 63:7

Rengpa khonzazia dân hi hong hril nôk ki ti. Keima hranga a sin tho murdihai hi, Israel in sûng mihai hranga a isa lam hi lungkhamna ni vur mai ngai sikin, Ama inpâkin hla sak ki ti.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

JEREMIA 51:5

Israel le Juda chu, Israel mi irthiang, ki chunga hin sual khomsian, keima Rengpa Pathian Itinrêngthotheiin ki intha loi a ni.

CHAP HLA 3:31

Rengpa hin chu ni hnôl mai ngai no ni.

CHAP HLA 3:32

A nin renin lung a ni ithung ngêt hrang a ni.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

MIKA 4:6

Rengpa’n hiang hin a ti, “Kha nikhuaa khan ke’nbâi bukkhôm ki ta, irzûlpaia om le ki intaktira om kha buk ki ta;

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

EFESI 1:10

Kha a lungdo kha a zoro a chuk tika Pathianin thilsiam murdihai, irvân le irnênga omhai murdi intêl zita, Krista kha a lu taka siam hrang a ni.

DÂN INHNINA 30:3

Rengpa nin Pathian khan nin chunga satna nei nôk a ta, nam dang dang laia nangni a indartirna ram ata nangni hong hruai kîr nôk a ta, nangni irhniangtir nôk a ti.

JAKOBA toc2 JAKOBA 4:6

Khasikin, Pathianin lungkhamna a ni ipêk hi a lian ual. Pathian Thubu’n, “Pathianin lârirpâkhai a doia, Irngaiintômhai chu lung an kham ngai,” ti a ni.

2 PETERA toc2 2 PETERA 3:8

Inditom takhaio, hi hi irnghil no roi, Rengpa ta hrangin chu sûn khat hi kum sângkhat ang a nia, kum sângkhat khom hi sûn khat ang a ni.