ISAIA 54:4 - PATHIAN LEKHABU IRTHIANG C.L. Bible (BSI)

⁴ Chi no ro, inzak ta no chi ni, mualinphoi ta no chi nia, intem ual ta no chi ni, Ni vânglaia mualinphoinahai chu ni’rnghila, meithâi intirom anga ni omnahai ni’rnghilpaia.

ISAIA 54:4 ပူးပေါင်းရင်းမြစ်များ

JOBA 11:16

Ni dengtheinahai irnghil ni ta, Tui luang angin inhre thei mai ta ni ti.

ISAIA 25:8

Rengpa Pathianin thinahai chu invol a ta, a mihai mitrithi hui infâi a ti; rammual pumpuia a mihai inhnêa omhai khom om ta no ni, Rengpa’n kha kha a insîr tâk a ni.

ISAIA 29:22

Abrahama santuhai chu, Jakoba irchihai thu hiang hin a hril: Jakoba chu mualinphoi ta no nia; a hmêl khom danglam ta no ni.

ISAIA 4:1

Kha zoro tena chu nupang sariin pasal inkhat chel an ta, “Fâk nêk le silkaihai tum ving kin ta, kin irhming siat loina hrangin, dôngma’n ni lua ro,” la ti an ti.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

ISAIA 50:7

Rengpa ki Pathianin a ni changpuia, khasika mualphoi ki irlâk loi a ni; lungngar ki lei irsaka, inzak viat loiin.

ISAIA 51:7

Thudik inhriattu, lungrîla ki dân vonghaio, ki thu hi irngai roi, Mihriamhai demna irngai no unglân, nangni an manêpnahai chardong irlapui ual no roi.

ISAIA 54:14

Dikna sikin det ni ta, dengintheitirtuhai rot an ta, chi hrang nei no chi ni, chi omna lakin nang nâi ta no ni.

ISAIA 61:7

Nin inzakna le mualinphoina om ta no nia, nangni ram ngêta om nin ta, lêt hniin nin irchonhai pung a ta, kumtuanga lômna chang nin ti.

ISAIA 65:16

Ram sûnga mi satvurna zongtuhaiin, Pathian iamom irhming sâmin khuasâl an ti. Matona buainahai a hek zoi tâka, ki ihmu loina rama an om zoi ta.

JEREMIA 31:19

Ni nir heikîrtir zoiin chu ki’rsîra, kin hriatthiam zoi tena chu ki’rlet tâka. Ki vânglaia ki’rhming siatna pêlin mualphoi le inzakin ki iom a ni,’ tiin.

CHAP HLA 1:1

E he! Jerusalem khua irhming satak ni ngai kha te, a lei siat rem rum ta ngaia! Nam tinhai irngaiirsâng lei ni ngai kha meithâi angin te a om tâka. Khua roiinpui tak lei ni kha, siatin te a om tâka.

EZEKIELA 16:22

Intirom ni nina le ni hurna murdia khan nâipang ni ni laia, korongboia ni iom le ni thisena porinchea ni om lai kha ni inhriat ta loi a ni,” a tia.

EZEKIELA 16:43

Thoibop ni chang lai zorohai kha inhriat mai ta mak chea, aniachu hiang thilhaia hin ki ning nin murtir tâk sikin, irngai ro, ni nunzia ang takin, ni chunga intungtir ki ti, ti hi Rengpa pathian thusuak a ni: Khan, ni porinchena tinrêng belsa’n hi ni hurna hi tho ta no chi ni,” a tia.

EZEKIELA 36:15

Ram khan nam danghai nuisona thu inhre ta ngai no nia, mihai innuisan tong ta ngai no ni. Ram khan a nâi le tehai chu longindarh ta ngai no ni, Rengpa Pathianin a ti,” tiin.

JOELA 2:21

O ram, chi no’n lân, raifânin lôm ro; Rengpa khan thil roiinpui takhai a tho tâk a ni.

ZEFANIA 3:11

Kha nikhuaa khan ki chunga ni tho’nchâina thiltho sikhaia khan inzak ta no chi ni, kha tika chu ni sûng ata ni mi, lârirpâkna raiinfânpuituhai kha la pai ki ta, ki tâng irthianga hin lârirpâk hrangin om ta no chi ni.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

1 PETERA toc2 1 PETERA 2:6

Pathian Lekha Thu’n, “En ta, lung hlu tak ki inthang a kila lungphûm chu Zion-a ki sia ta, Tukhom ama iam ka chu mualinphoi no nihai,” a tia.