ISAIA 54:3 - PATHIAN LEKHABU IRTHIANG C.L. Bible (BSI)

³ Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 54:3 ပူးပေါင်းရင်းမြစ်များ

IRPHUTNA 26:22

Khan, khatak ata kha a’rsona, tuisunsuak dang a choi nôka; kha kha chu irsêlpui ta mahai: khanchu, “Atûn kêng Rengpan ‘hmun liantak a ni la isiam pe, hi rama hin irchi tamtak inpungin om ta ei ti,” tiin a’ rhming khom “Rehobot,” a iti a ni ta.

IRPHUTNA 28:14

khan nir chi khom irnêng chung sip an ti, nitâk tiang, nisua tiang, sim tiang, hmâr tiang la bit zoi nin ti: nangma ata nam tin la hong harsuak an ti.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 14:2

Khan mihaiin hruaihai an ta, an omna hmun intunghai an ti, khanchu Israel in sûng mihaiin Rengpa rama khan nupang le pasalhai la nei an ti; suaka infetirtuhai kha suaka om an ta, anni dengintheitirtuhai chunga roi la rêl an ti.

ISAIA 26:15

Rengpa’n ei nam a nin pungtira, a nin liantira, ei omna ramri a ni’rzatir pea, nangma chôiindômin ni iom a ni ta.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 48:19

Ni’rchihai chu hnuaia vâiphin anga tam ni a ti, ni tû le nâihai chu tep zoi loi ni an ti. Ki makunga chu hek ual no nihai.

ISAIA 49:12

En ro, ki mi, ram hlataka honghai so, Hmâr tiang ata hong an nia, sim tianga panin Sinim ram hlataka hong an ni so.

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 52:9

Jerusalem kho chîntea omhaio, raifân takin khêk unglân; Rengpa’n a mihai chu lungngam sakin, Jerusalem chu ar tan ta.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

ISAIA 55:5

Ni inhriat ngai loi nam chu ni nuam lam takin koi ni ta, nang a lan hriat ngai loihaiin chu nang hor bel nuam mai an ti. Israel mi irthiangin kha kha tho a ta, nang chôiindôm a ti.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

ROM KHUAA MIHAI KUANGA TÎRTÔN PAULA LEKHATHON 10:18

Khante, an mikuarin an inhriat ngailoi tak tak ma ni? Inhriat e: “An irhâi chu ram tina an thanga, An thu chu kôlkung dênin an thang suak ta,” ti a ni.

ROM KHUAA MIHAI KUANGA TÎRTÔN PAULA LEKHATHON 11:12

Khaang khan, an tûk luan rammual irchongna a nia, an hlosamna man Jentailhai irchonga a niin te, an hong kop irkip tena len vâng chu itin tak mo a ini hrang tâk!

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.