ISAIA 54:13 - PATHIAN LEKHABU IRTHIANG C.L. Bible (BSI)

¹³ Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 54:13 ပူးပေါင်းရင်းမြစ်များ

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

FILIPI 4:7

Khanchu, mihriam inhriat phâk loi, Pathian irtharngamna khan nin milung le nin lungrîlhai kha Krista Jisuaa khan nangni enkol pe a ti.

INPÂKNA HLAHAI 119:165

Ni dân lungthunghaiin chu irtharngamna lian tak an nei ngaia; Ite’n inrîl thei ngai mah.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

HEBRAI toc2 HEBRAI 8:10

Nikhua hong tung hranga Israelhai kuang thu ki ithung hrang chu hi hi a ni. An milung sûnga ki dânhai sia ki ta, An lungrîla irziak sa ki ti. Keima an Pathian ni ki ta, Annihai kha ki mihai ni an ti.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

ISAIA 26:3

Dettaka nangma kuanga irnghathai chu irtharngam takin nin omtira.

ROM KHUAA MIHAI KUANGA TÎRTÔN PAULA LEKHATHON 5:1

Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.

1 JOHANA 2:27

Nangni chu, a sahriak nangni pol kha nangnia a om maia, tukhom irchu nang mak chêi. A sahriak nangni irpoltirna khan thil tinrêng nangni ar chutira, kha kha a dika, milak ni mah. Khanchu, nangni a irchutir ang khan Kristaa khan om mai roi.

LUKA 24:45

Khanchu, Pathian lekha thu inhre thiam thei hrangin an lungrîl an vâr pehaia.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

EZEKIELA 34:28

Pathian nei loi namhaiin longindarh ta no nihaia, ramsahai khomin anni chu thatin fa ta ngai no nihai. Anni chu lungthi takin om an ta, tukhomin insî thei ta no nihai.

MATHAIA 16:17

Jisua’n a kuang, “Simon Barjona, taksa le thisenin nang a inhriattir ni maka, ka Pa irvâna mi’n nang a inhriatir a ni.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

1 JOHANA 2:20

Nangni chu, Mi Irthianga khan sahriak nangni a’rthutira, itinrêng nin inhriat a ni.

1 THESALONIKA 4:9

Nin kuang chu urênghai irlungthungna thu irziak nang maka, Pathianin nangni ngei lung irthung irhlôm hrangin nangni a irchu a ni.

1 KORINTH 2:10

Eini chu Pathianin a thutak irthup kha Irtha’n a nin hriat tâka. Irtha khan tinrêng a suisuak ngai Pathian thil tum inthûk tak khom.

EZEKIELA 37:26

Kumtuanga lungthi taka an om theina hrangin anni leh thuthung siam ki ta, khataka khan phunhai ki ta, inpunghai ki ta, ki biakbuk chu an rama sia ki ta, khataka khan kumtuangin om ta a ti.

JEREMIA 33:6

Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

INPÂKNA HLAHAI 71:17

O Pathian, ki nâipangte ata nangin ni nir chutira; Atûn ten ni sintho irkhêlhai chu kin hriattir ngai.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

EFESI 4:21

A thu nin zôma, thutak, Kristaa om kha, irchutir nin ni tâka.

EZEKIELA 34:25

Lungthi taka an omna hrangin an kuang thuthung siam ki ta, ki belrahai chu zôka an om theina hrangin le ram hnuaihaia an riak theina hrangin, ram sûnga ramsa murdihai chu irzûlpaihai ki ti.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

HOSEA 2:18

Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.

TÎRTÔNHAI SINTHO 2:39

A inkung hi nangni le nin nâihai le ram hla taka mi murdihai hrang le Rengpa ei Pathianin a kuanga a ikoihai hrangin a ni,” a tia.

HEBRAI toc2 HEBRAI 8:11

Khanchu, tûte’n, Rengpa kha inhre ro, tia mâni bômhai mani, mâni ram mihai mani an irchutir nang ta no ni. A chîn taka irthokin a lian tak dênin an nin hriat hrang tâk sikin.

INPÂKNA HLAHAI 147:14

Ni ramri sûnga irngeina an lêngtira, Bu chi satakin nang a insip ngai a ni.

ISAIA 28:9

An inhriat theina hrang tu’n mo ar chutirhai tum. An thu chu tu ngânin moh ar ngai nuam la om hrang? Irhnu nghei phinga nâipanghai hranga ma nih?

ISAIA 29:24

Irtha tiang irhmanghaiin inhre thei an ta, a chiar nuamhai khomin ar chu nuam ta an ti.

ISAIA 50:4

Rengpa ki Pathianin thuhril theina a ni pêka, Mi irzal takhai inthor theina kin hriat theina hrangin a ni tin a ni kai inhara, a sûn a zânin mi irchutir theina ki neiin kin hriata.

ISAIA 54:12

ni tuala rubi lung hmang ki ta, ni kul mikota khan lung irtêk hmang ki ti, ni kul banga lung mantam hlutak hmang ki ti.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

MIKA 4:2

Khan, nam tamtakhai kha fe an ta, zuang kîr unglân, Rengpa tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, Rengpa thu kha Jerusalem ata a zuang isuak hrang a ni.

ZAKARIA 10:7

Israel mihai chu sipaihai angin hrât an ta, Uain intu angin raifân takin la om an ti. An irchi suanpârhaiin hi inhnêna hi inhre mai an ta, Rengpa sinthohai sikin an râi la fân a ti.

INPÂKNA HLAHAI 119:33

O Rengpa, ni roizêk lampui chu nir chutirin lân, Khanchu a mong dênin zôm ki ti.