ISAIA 53:12 - PATHIAN LEKHABU IRTHIANG C.L. Bible (BSI)

¹² Mi lianhai laia a dongtum hrang ki hrê pea, mi hrâthai laia râllâk sum sem ta ki ti: Thi hranga ar pêkna sikin, mi sualhai laia tep sa a ni. Ama’n chu mi tamtak siatna irthûlin, mi sualhai hrangin a izong pehai ngai a ni.

ISAIA 53:12 ပူးပေါင်းရင်းမြစ်များ

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

JOBA 30:16

Atûn chu ki ithi hrang a ni ta, Tuangnahai lakin nin tha maka,

INPÂKNA HLAHAI 2:8

Ni nghi roh, khanchu nam tin tin nir chon hrangin nang pe ki ta; Rammual pumpui ni ta ni zit a ti.

INPÂKNA HLAHAI 22:14

Tui anga bunpaiin ki oma. Ki ru murdihai khom irphêtin a oma: Ki milung hi khuaihlu angin a zôi zoi ta.

FESUAKNA 15:9

Râl kha irpâkin, irzûl ki ta, pha ngêt ki ti, râllâk sum sem ki ta, annia khan ki’rzukna murdi khopna hmu ki ti. Ki khandai kêlsua ki ta, ki kut leh anni thathai ki ti,” tiin.

ISAIA 49:4

Ki sinthôna chu maimang a changa, thil chanlamboiin irtha ki paia, thosuak ite nei ma ung ki irti a ni; khannisian ki chungthu hi Rengpa irêl hrang a ni, Ki sintho ang taka ni pêktu chu Pathian a ni.

ISAIA 52:13

Irngai ro, ki siahlo chu a sinthoa ir-iampui a ta, mihaiin chôiindôm an ti.

ISAIA 52:15

Nam tamtak chu a thisenin a’rsûkinfâia, Renghai khomin ar khêl ti pumin an bâi phong ngam no nihai; an la ihril ngai loi thil hmu an ta, an la inhriat ngai loi thil lan hre thei an ti.

ISAIA 53:6

Belra angin ei irthek indarh zoia, mâni nuamna tiang ei pan zoia, Rengpa’n ei rênga dik loinahai chu, a dârsuama a hong irnghat tâk a ni.

ISAIA 53:8

An hong chela, a chungthu an rêla, A chardong hrang tûte’n donsui loiin, a hringna chu rammual ata an lâkpai pea, ki mihai sualna sika that a ni.

DANIELA 2:45

Tâng tianga lung, kut ni loia tuk suakin, thîr, dâr, saihlûm, sumru, le rângachakhai a siata ni ihmu ang khan, Pathian roiinpuitak khan rêng makunga hin nakana thil hong om hrang chu inpuang a ni: khanchu irmang kha a tak ngêta, a hrilfiana khom a diktak a ni,” a tia.

MATHAIA 26:42

A va fe nôka, a chongchaia, “Ka Pa, hi tuangna khilât hi ki in noa, khâipai thei a ni no’n chu, nangma ircham ni ri se,” a tia.

MARKA 15:27

Khan, Jisua le hrâtlaksong, mi inhni an hembe sa, a chang tiang inkhat, a vei tiang inkhat.

MARKA 15:28

Khaang khan, Pathian thubu’n “Ama khom mi sualhai laia tep sain a om ta,” a iti kha a hong tung ta.

LUKA 22:37

Nangni ki hril, ‘Ama chu mi sual laia an tep sa ta,’ ti Pathian Lekha thu chu ki chunga tung ngêt hrang a ni. Ki chungthu an irziak kha tung irkip hrang a ni ta” a tia.

LUKA 23:25

Tehelna le mi that sika intângna ina mi intâng an ingên kha an suaa, Jisua kha an nuam nuama lo hrangin a pêkhai tâka.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

KOLOSA 2:15

Kha Krosa khan Krista’n irtha roirêltuhai le irchamneinahai, sinthotheinahai ata suak paiin, khahai an hnêna kha mi tin hmu hrangin a siam ta.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

HEBRAI toc2 HEBRAI 9:24

Krista chu mihriam isiam Hmun Irthiang, a tak millima khan lût mah, atûna Pathian makunga ei irthûla a ngîrna irvâna khin a ilût zôi a ni.

HEBRAI toc2 HEBRAI 9:26

Khaang khan ni no sianlân, irnêng irsiang phut ata voi tamtak a ituang hrang tâk a ni. Khannisianlân, atûn zoro mong hrang tôna hin ar bôlna sika sual an boi theina hrangin voikhatin a zuang inlang a ni.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

1 JOHANA 2:1

Nâihaio, thil sual nin tho loina hrangin hi thu hi nin kuang ki irziak a ni. Aniachu, tukhom hong sual ta sianlân, Pa kuanga nin sîrpuitu mi fel, Jisua Krista kha, ei nei.

1 JOHANA 2:12

Nâihaio, Krista zâra nin sualhai ngaidam a ni tâk sikin nin kuang ki irziak a ni.