ISAIA 53:11 - PATHIAN LEKHABU IRTHIANG C.L. Bible (BSI)

¹¹ A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

ISAIA 53:11 ပူးပေါင်းရင်းမြစ်များ

ISAIA 42:1

En ro, ki siahlo nang ki chel mai, ki indittak kin thang a ni; a chunga ki’rtha kin sipa, nam tinrênghai chunga diktakin roirêl a ta,

ISAIA 45:25

Keima Rengpa hin Jakoba irchihai chu saninhringhai ki ta, anni’n ni chôiindôm an ti.

ISAIA 49:3

Ki siahlo chu ni ni, O Israel nangin ni chôiindôm ni ta, an ni tia.

ISAIA 52:13

Irngai ro, ki siahlo chu a sinthoa ir-iampui a ta, mihaiin chôiindôm an ti.

ISAIA 53:12

Mi lianhai laia a dongtum hrang ki hrê pea, mi hrâthai laia râllâk sum sem ta ki ti: Thi hranga ar pêkna sikin, mi sualhai laia tep sa a ni. Ama’n chu mi tamtak siatna irthûlin, mi sualhai hrangin a izong pehai ngai a ni.

ISAIA 53:8

An hong chela, a chungthu an rêla, A chardong hrang tûte’n donsui loiin, a hringna chu rammual ata an lâkpai pea, ki mihai sualna sika that a ni.

DANIELA 12:3

Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

LUKA 22:44

A zâm a’rzal tak taka, a’rthân kha thisen zung lian tak angin a zunga.

JOHANA 12:24

Thudik nangni ki hril; bu’rmal irnênga a tâka a thi no’n chu, ar mal dênin a om chiana, a thiin chu ra tamtak an sua ngai.

JOHANA 16:21

Nupangin nâihâ a tuang laiin chu a sân a char a dong ngaia, a zoro a tung tâk sikin; khannisianlân, nâi a neiin chu a chardong kha inhre ta mah, rammuala mihriam zuang suak kha a lôm sikin.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

ROM KHUAA MIHAI KUANGA TÎRTÔN PAULA LEKHATHON 4:24

Keinihai, ei Rengpa Jisua mithi lai ata kaithoitu iamtuhai, iamna sika thiamchang tâkhai hrang khoma irziak a ni.

ROM KHUAA MIHAI KUANGA TÎRTÔN PAULA LEKHATHON 5:9

A thisen sika khan Pathianin thiam a ni zuang inchangtir tâka; Pathian ninginmurna ata khom ama zâra ni sansuak ngei a ti.

1 KORINTH 6:11

Nangni khom senkhat chu khaanga mi nin lei ni ngai. Khannisianlân, sualna ata infâiin Pathian kuanga inhlan nin ni tâka, ei Rengpa Jisua Krista le ei Pathian Irtha sikin Pathian kuang thiam nin chang ta.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

GALATIA 4:19

Nâihaio, Krista angna nin nei mâka chu nâi irveiin nangni ki irvei a ni.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

1 PETERA toc2 1 PETERA 2:24

Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

1 PETERA toc2 1 PETERA 3:18

Krista khom ei sualhai sikin voikhat a thia, Pathian kuang nangni a hruai theina hrangin, mi fel chu mi felloihai ta hrangin a ithi a ni. Taksaa thatpai a nia, irtha tiang chu inhringin a om.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.

1 JOHANA 2:1

Nâihaio, thil sual nin tho loina hrangin hi thu hi nin kuang ki irziak a ni. Aniachu, tukhom hong sual ta sianlân, Pa kuanga nin sîrpuitu mi fel, Jisua Krista kha, ei nei.

2 JOHANA 1:1

Upa’n chu Nupang sa, Pathian inthang le a nâihai, thutaka ki lungthunghai chubai ki mûk. Keima vai khom ni loiin thutak inhretu dang murdi khomin lung nang an thung;

2 JOHANA 1:3

Thutak le lungthungnaa khan Pa Pathian le Pa Nâipa Jisua Krista kuang ata lungkhamna hai, za’rngaina hai, irngeina hai kha ei kuang om a ti.