ISAIA 52:9 - PATHIAN LEKHABU IRTHIANG C.L. Bible (BSI)

⁹ Jerusalem kho chîntea omhaio, raifân takin khêk unglân; Rengpa’n a mihai chu lungngam sakin, Jerusalem chu ar tan ta.

ISAIA 52:9 ပူးပေါင်းရင်းမြစ်များ

INPÂKNA HLAHAI 98:4

Irnêng lua murdihaio, Rengpa chôiindômin raifân takin khêk unglân: khêk suak unglân raifânin zâi roi, a ni, inpâkna hla sak roi.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

ISAIA 14:7

Irnêng chung hi a’rngama, an thim vol vola; hla an hong sak suaka.

ISAIA 40:1

Ki mihai hi lungngam sakhai roi, lungngam sakhai mai roi, nin Pathianin a ti:

ISAIA 43:1

Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

ISAIA 61:4

Matona khua lei ramhai chu inding thar nôk ki ta, a lei chim siat zoihai khom sinsiam nôk ki ta, zoro sôttaka khopui lei ram tâk khom siam insa nôk an ti.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

MIKA 4:10

O Zion nâinu nupang nâiha ise nâi nei hrang angin a na tuangin lân, irvei ro atûn khopui ata fe suak ni ta, rama om ni ta, Babulon ten khomin a ife hrang a nia; kha khan sansuakin om ni ta, kha khan ni râlhai kut ata Rengpa khan nang sansuak a ti.

GALATIA 4:27

Pathian Thubu’n, “Nang a ching tâk, nâi nei ngai loi, lôm roh! Nang nâiha irvei ngai loi, raifân takin khêk suak roh! Nupang pasal neinu nêkin chu nupang chardong om, mi imâknu khan nâi a nei intam ual a ti,” ti irziak ang khan.