ISAIA 52:7 - PATHIAN LEKHABU IRTHIANG C.L. Bible (BSI)

⁷ Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

ISAIA 52:7 ပူးပေါင်းရင်းမြစ်များ

INPÂKNA HLAHAI 59:13

Annihai chu ninginmurin inboipaiin lân, an om ta loina hrangin inboipaiin lân: Pathian Jakoba-hai kuang roi a rêl ti inhre ri sehai, Kôlkung dênin.

INPÂKNA HLAHAI 68:11

Rengpa’n thu a pêka, Thurchi hriltu nupang tamtakin an hrilin dara,

INPÂKNA HLAHAI 93:1

RENG chu rênga a toia, a roiinpuina’n ar bela; Rengpa chu ar bela, hrâtna’n a konga ar khit tâka: Rammual khom hi, an hnîng thei loina hrangin, indetin a oma.

INPÂKNA HLAHAI 96:10

Nam tin laia khan, “Rengpa chu rênga a toi,” ti roi: Rammual khom hi an hnîng theiloina hrangin, indettirin a oma: Ama chu theibîk nei loiin mi tin roi kha rêl a ti.

INPÂKNA HLAHAI 97:1

Rengpa chu rênga a toia; irnêng hi raifân takin om sianlân; Chômbung tamtak takhai chu lôm takin om ri sehai.

INPÂKNA HLAHAI 98:2

Rengpa khan a saninhringna kha an hriattira: A felna kha nam tin mithmua khan fia takin an langtir tâka.

INPÂKNA HLAHAI 98:3

Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

INPÂKNA HLAHAI 99:1

Rengpa chu rênga a toia; mi tin chu inthing ri sehai: Ama chu cherubhai chunga a toia; irnêng hi inhnîng ri se.

HLAHAI HLA 2:8

Ki lungdi hla inhnina irhâi ki inhriata, keima tianga hongin, mualpui lianpahai khom paltanin a ni hong pana.

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

ISAIA 40:9

Tâng irsânghaia lui maiin lân, Zion kuanga thu lômom chu inring takin hril ro, Jerusalem kuanga thu lômom chu inpuang ro, indîn loiin Judai ram khopuihai chu hrilhaiin lân, “Nin Pathian chu a hong tung ta,” ti roh.

ISAIA 41:27

Zion mihai hril masataktu chu keima ki ni, “En roi nin mihriamhai hong so,” tiin, thu lômom Jerusalem hriltu ki ni.

ISAIA 42:11

Ramchâra omhai le a sûnga kho omhaiin inpâk ri sehai, Kedara hai omna khuahaiin, ama chu inpâkhai sian, tâng sîpa irvâkin khêk ri sehai.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

NAHUMA 1:15

Tânghaia thurchi Sa intunga, irngeina thu tânginsampuitu ke kha en ta! O Juda, ni kûthai kha serin lân, ni thu’nkunghai kha sua ro: mi pualoi khan nang paltan nôk ta no ni; irhmangtir chit a ni tâka.

NAHUMA 2:1

Sukkhoi irnôitu kha ni makunga a zuang chum e: kulpui kha enkolin lân, lampui kha enkol ro; ni kong inngartirin lân, ni sinthotheina kha hrât takin siam insa ro.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

MARKA 13:10

Zoro hnungkhôn a hong tung mân Thurchi Sa hi mi murdi kuang insîrin a iom bak ngêt hrang a ni.

MARKA 16:15

Jisua’n an kuang, “Rammual pumpuia fe unglân, thil siam murdihai kuang Thurchi Sa hi insîr roi.

LUKA 2:10

Vântîrtôn khan an kuang, “Chi no unglân, irngai roi, mi tin ta hranga Thurchi Sa râifânom tak tak nangni ki zuang intung pe kêng.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

EFESI 6:15

Irngeina Thurchi Sa inpuang hranga irsiam diamna kha kekokin bun unglân,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 14:6

Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.