ISAIA 52:1 - PATHIAN LEKHABU IRTHIANG C.L. Bible (BSI)

¹ O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

ISAIA 52:1 ပူးပေါင်းရင်းမြစ်များ

1 THURCHI SUINA 16:29

Rengpa irhming roiinpui chu inpâk unglân, thilpêk hrang chôiin a ina hong lût roi. Irthiang le enhoi taka irvoin, Rengpa makunga hong kûn roi.

NEHEMIA 11:1

Mipui hruaituhai chu Jerusalema an oma; sômkhat laia inkhat khopui irthiang Jerusalema inomtir le sômkhat laia kuak kho danga om hrang hai inhriatna’n mipuihaiin tâ an sâna.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

FESUAKNA 28:2

Ni upa Arona ta hrangin ochai tukfam songkol irfual mahripom tak siam pe roh.

FESUAKNA 28:40

“Songkol irfual kong khit le lukhumhai, Arona nâipasalhai hrang siam pehai ro; man neia irvôtir hrang a ni.

ISAIA 1:21

I thoa khopui iamom tak chu Notizuar angin teh a om tâka? Dik taka, roirêlna, mi dikhai omna chu, mi thathai omna teh a hong ni tâka!

ISAIA 1:26

Tiana nin roirêltuhai anga kha, sia nôk ta ki ti, nangni irfûktirpuhai ang kha nangni pe nôk ki ti; khanchu, “Khopui iamom le dik,” nangni ti nôk an ti.

ISAIA 26:2

Kul mikothai inhong unglân, nam iamomhai hong lût ri sehai. Thil dik tho ngai namhai chu.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 4:3

Zion-a a thi zoi loi le Jerusalema irhming irziakhai chu, “Mi irthiang,” ti an ti.

ISAIA 48:2

Khopui irthiang mi kin nih nin irtia, Israelhai Pathian iamtu nin irtia, ama irhming chu itinrêng Rengpa a ni.

ISAIA 49:18

Tangin lân, thîr hi ro, ni mihai irthoka irhâi hi, an hong irthok chak a ni ta. “Keima ki om,” Rengpa thusuakin a ti: Moiin a’rvôna a irsongpui angin, a mihai chu songhai ni ti.

ISAIA 51:17

Harin lân, harin lân, Jerusalem thoi ro, Rengpa ningmurna uain chu ni in ta, inrui thei dôrin ni iin a ni ta.

ISAIA 51:9

Rengpa, harin lân, harin lân, thoi ro, tianlai mihai kuanga ni hrâtzia ni inlangtir angin, hong inlangtir nôk ta roh. Nang hi ni mak che moh Rahab tuk india, tuipuia dragon sun that theitu kha?

ISAIA 60:1

Thoiin lân, vâr suak ta ro, ni vâr a hong tung ta, Rengpa roiinpuina khan nang an vâr pe ta.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

ISAIA 64:10

Ni kho irthianghai chu ramchâr a chang zoi ta, Zion khua chu ramchârna hmun a chang zoi ta, Jerusalem khua chu a ram zoi ta.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

EZEKIELA 44:9

Rengpa Pathianin hiang hin a ti a ni: Mi râlhai lungrîla sertan loi, taksa khoma sertan loi mi râlhai i ang khom Israel irchihai laia lei om tâkhai khom chu, ki hmun irthianga khan an ilût hrang ni ma,” a tia.

DANIELA 10:9

Khannisian a chong irhâi chu kin hriata; a ni, a chong irhâi kin hriatin chu, inbokin ki hmâi hnuaia siain ki in irnghil tâka.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

NAHUMA 1:15

Tânghaia thurchi Sa intunga, irngeina thu tânginsampuitu ke kha en ta! O Juda, ni kûthai kha serin lân, ni thu’nkunghai kha sua ro: mi pualoi khan nang paltan nôk ta no ni; irhmangtir chit a ni tâka.

HAGAIA 2:4

O Zerubabela, atûn chu hâitakin om roh, ti hi Rengpa thu suak a ni; o ochai inlaltak Josua, Jehozadaka nâipa, nang khom hrât takin om roh, khan, nangni hi rama mi murdihaio, hrât takin om sa roi ti hi Rengpa thu suak a ni. sin tho roi, nin kuang ki oma, ti hi Sipaihai Rengpa thu suak a ni:

ZAKARIA 3:4

Khan, a makunga ngîrhai kha a hong chongpuia, “A sil le kai porinche kha hlîk pe roi,” tiin. Khan, ama kuang khan, “Irngai ta, ni tho’nsualnahai kha kin boipai tâka; khanchu silkai hlutakin nang irbeltir ki ti,” a tia.

MATHAIA 4:5

Kha hnung chu Diabola khan Jisua kha, Jerusalem khopui irthianga a hruai lûta, tempil sîpa an ngîrtira,

LUKA 15:22

A pa khan a siahlohai kuang, ‘Songkol satak kha hong la lat unglân, innghâktir roi, kutsabi inbuntir unglân, kekok khom inbuntir roi.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

ROM KHUAA MIHAI KUANGA TÎRTÔN PAULA LEKHATHON 3:22

Jisua Krista an iam sikin Pathianin mi thiam a inchangtir a ni, tukhom a iam murdihai chu, danglamna zel om mah.

EFESI 4:24

thutaka suak, felna le irthiangnaa Pathian anga siam, mihriam thar khan, irbel roi.

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

EFESI 6:10

A mong taka chu Rengpa le a hrâtna ata kha sinthotheina la mai ngai roi.

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

THUPHUANG 19:14

Irvâna sipaihai khan puan irnêm chekhlang le fâi tak sila, sakor ngoihai chunga chuangin an zuia.

THUPHUANG 19:8

Puan irnêm, fâitak le irtêk tak a sil hrangin pêk a ni,” a iti kin hriat. (Puan irnêm kha Pathian mihai sintho sa a ni.)

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.