ISAIA 51:5 - PATHIAN LEKHABU IRTHIANG C.L. Bible (BSI)

⁵ Kin hnêna hrang zoro anai ta, keima ngêtin ki mihai chunga roirêl ki ta, ramhaiin ni thîr an ta, ki kut nghâk an ti.

ISAIA 51:5 ပူးပေါင်းရင်းမြစ်များ

INPÂKNA HLAHAI 110:6

Nam tin laia roirêl a ta, Irsual hmunhai chu ruakin sip a ta; Ram tina lu chu sât rem rum a ti.

INPÂKNA HLAHAI 67:4

O, nam tin chu lôm taka omin, raifânin zâi ri sehai: Nangin mi tin chu theibîk nei loia roirêl pe’n, Irnêng chunga nam tin chu ni iop hrang a ni.

INPÂKNA HLAHAI 85:9

A saninhringna chu ama chituhai nâia khan a om ngêt ngêt ngai a ni; Kin rama hin roiinpuina a om theina hrangin.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 24:15

Nisua tianga mihai khomin Rengpa chôiindôm an ta, Israelhai Pathian Rengpa irhming chu tuipui kôla omhai khomin inpâk an ti.

ISAIA 26:4

Rengpa chu kumtuangin iam mai roi, Rengpa chu kumtuanga zôkna lungpui a ni,

ISAIA 33:2

Rengpa kin chunga ni khonzâna insumin lân, nang kin nghâk mai, a ni tin kin hrâtna ni pe’n lân, beidong nia ni san inzôk ngai roh.

ISAIA 33:22

Rengpa chu roi ni rêl pe hrang ni a ta, Rengpa chu ei hruaitu a nia, Rengpa chu ei rêng a ni, Ama’n ni hrung mai a ti.

ISAIA 40:10

En ro, Rengpa Pathian chu mi hrât hongin a honga, a kut hrâtna hmangin roirêl a ta, a isansuakhai hruai a ta, a irtanhai infâhai a ti.

ISAIA 42:4

Rammuala hin roirêlna diktak a om mân hin, sôl no nia, a bei khom indongtir no ni. Ram ronghai hin a thu an inghâk mai a ni.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

ISAIA 49:1

Chômbunghaio, ki thu hi irngai roi, ram hlataka omhai khom irngaitua roi. Sûnga ki om lai ata Rengpa’n a ni koia, Nu pum sûnga ki om lai ata ki’rhming a phuaa.

ISAIA 54:17

Nangma doina hrangin an hriamhrei siamhai chu inhroi loiin. Nangma doituhai chu thei loi changin om an ti. Hi hi Rengpa siahlohai dong hrang chu a ni, zoina pe a ti, Rengpa thusuakin a ti.

ISAIA 56:1

Rengpa’n hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

ISAIA 59:16

Dengtheina tuang zoi hrang tûte om mahai, Rengpa’n ar khêl a ti hrai tâka, ama kut ngêtin san nôk a ti, dikna chu a iti mai a ni.

ISAIA 60:9

Ramchârna hmun hlatak ata hong an nia, Tarsis-a irkuanghaiin an hong hruaihaia, ram hlatak ata ni nâihaiin rângachakhai an hong chôia, Rengpa ni Pathian irhming chôiindôm hrang le Israel mi irthiang chôiindôm hrangin, ni mihai chu nam tin mithmuin Rengpa’n a chôiindôm ta.

ISAIA 62:11

Nam tin inhriatin Rengpa’n an puang ta. Zion nâihai chu hril ro, “Rengpa’n nangni a hong san ta, a isansuakhai a hong hruaihaia. A irtan saihai an fâhai ta,” tiin.

ISAIA 63:5

Ni changpui hrang tûte hmu ta ma unga, a ni thop hrang tûte om mahai ti hril hnông loiin, ki bingin kin hnêpaia, ki ningmurna khan a ni inhâitir a ni.

JOELA 3:12

Namhai kha irphût irhlômhai sian, Jehosafata khurpadopa khan hong kâi ri sehai: kha khan a vêla nam murdi chunga roirêl hrangin ki itoi hrang a ni.

ZEFANIA 2:11

An chunga khan Rengpa kha ichiom tak ni a ta; irnêng chunga pathianhai murdi kha a inboipai hrang a nia; kha khan mihriamhai khan ama kha biak ta an ta, mi tinin mâni hmun seng ata chubai mûk an ti.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

MATHAIA 3:2

“Irlet roi, Irvân Ram anai tâk e!” a tia.

MARKA 16:15

Jisua’n an kuang, “Rammual pumpuia fe unglân, thil siam murdihai kuang Thurchi Sa hi insîr roi.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

TÎRTÔNHAI SINTHO 17:31

Nikhua a khita, kha nia khan a mi phuntu kha rammuala mi murdihai roi dik takin inrêltir a ti. Kha thu kha chu Pathianin ama kha thina irthoka kaithoiin mi murdi kuang an hriattir ta,” a tia.

ROM KHUAA MIHAI KUANGA TÎRTÔN PAULA LEKHATHON 2:16

Pathianin mi tinrêng ngaituana irthup Jisua Krista hmanga a rêl niin chu Thurchi Sa ki insîr anga hin rêl a ti.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

DÂN INHNINA 30:14

Hi hin, ni kôla hin a om mai hi te, nin hriat tâka, an sîr khom nin sîr nin sîr mai kha te; zôm chian ro.

1 SAMUELA 2:10

Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.