ISAIA 51:3 - PATHIAN LEKHABU IRTHIANG C.L. Bible (BSI)

³ Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 51:3 ပူးပေါင်းရင်းမြစ်များ

IRPHUTNA 13:10

Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia.

INPÂKNA HLAHAI 85:8

Pathian Rengpa thu’nsîr hrang chu irngaitua ki ti: A mihai le a mi irthianghai kuang irtharngamna thu a insîr hrang a ni: Khannisianlân anni chu invêtna tiang irhei ta no ri sehai.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 35:6

Ke’nbâihai khom sakhi angin intân thei an ta, Chong theiloi khom raifânin zâi thei an ti. Ramchârna hmuna tui suak a ta, Tâng chârna hmuna khom tui luang suak a ti.

ISAIA 41:16

Zâp ni ta vuang inlêng a ta, kêllaiherin sêm irhmang zoi a ti. Rengpaa khan lôm ni ta, Israel mi irthianghai chu chôiindômin om an ti.

ISAIA 43:19

Thil thar ki itho hrang hi thîr ual ta roi, A hong tung vâng ta, nin ihmu loi ma ni? Ramchâr hmuna lampui siam ki ta, ramchârna hmuna tuipui inluangtir ki ti.

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

ISAIA 49:13

Irvânhaio, râifân takin khêk unglân, irnêng chung khom hi lômin khêk sa ri se. Tânghai khom lômin khêksuakhai sian, Rengpa’n a mihai chu irtharngam a saka; dengthei hranghai chu an renhai ngai.

ISAIA 49:19

Nin ramhai a siat zoiin a iram chit a ni kha te, A lua hranghai an hong tungin chu, chîn pehai hrai a ta, nangni inramtirtuhai chu irhmang zoi an ti.

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 51:12

Keima hi ki nih irtharngamna intungtu, a thi thei mihriam, pârhai anga mihring nâihai hi, ithoa mo nin la ichihai mai?

ISAIA 52:9

Jerusalem kho chîntea omhaio, raifân takin khêk unglân; Rengpa’n a mihai chu lungngam sakin, Jerusalem chu ar tan ta.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 65:18

Ki thilsiam thara chu, lômin râifân kumkhua ta nin ti. Lômna’n Jerusalem ki siam inthara, a mihai khom lôm mai an ti.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

EZEKIELA 28:13

Pathian irhuan Eden-a khan ni lei oma, lunghlu chi tinrênghai leh ni’rvoa; rubi, topaz, barli, karnelian, jasper, safir, emeral, garnet le lunghlu danghai leh khan. Rângachak tukrivohai khom ni neia, khaanga siama ni om nî khan, nangma ta hranga siamin an iom a ni.

EZEKIELA 36:11

Mihriam le sahai nangni inpungtir ki ta, tiana nêkin tamtak hong ni ta nin ti; nâi le tehai khom tamtak nei sa nin ti. Tiana nin lei iom ngai ang khan, nangni inomtir nôk ki ta, matona nêkin tuanintungin nangni siam ki ti. Khanchu Rengpa chu ki nih ti inhre ta nin ti.

EZEKIELA 36:35

Khanchu mi tinin, ‘Hi ram hi matona khan chu ramchâr a nia, khannisian itina mo Eden irhuan anga omin, hi khopui insimpaia, longindara, siata mâksana omhai khom kha lua nôkin kulhai indinga a iom nôk tâk ma ni?’ tiin la hril an ti.

JOELA 2:3

An maton tiang le hnung tiang kha a kâng fâi thiaia; an hmabâk ram kha Eden irhuan ang ni khomsian, an khêl hnung chu ramchâr ram chârkhohroi a ni thiaia, ite hôi nei mahai.

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;