ISAIA 5:6 - PATHIAN LEKHABU IRTHIANG C.L. Bible (BSI)

⁶ Mapai ki ta, a ôn sât ta no ning. A hmun khom chuan infâi ta no ning, hloi ilhling neiin sip zoi a ta, sûmhai thu pe ki ta, rua inthotir ta no ning.

ISAIA 5:6 ပူးပေါင်းရင်းမြစ်များ

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 8:35

ni mihaiin thil an tho inchâia mittui angin, an sual an irleta an sual ngaidama an chongchaiin chu.

JOBA 31:40

Bu bila sûl mông angin, Barli irthûlin hloi thar mông ri se. Joba thu chu a hek ta.

THUVÂRHAI 24:31

Irngai ta, ilhling kungin a sip zita, hloi vai a oma. A’rhuan dâihai khom a chim rem ruma.

ISAIA 24:12

An khopuihai a siat zoi tâka, kul mikothai khom an suk siat zoi ta.

ISAIA 30:23

Loia nin chimûhai chu rua inphâtir a ta, a ra satakin hong tam a ti.

ISAIA 32:10

Zoro sôtnote zoia chu, nangni lêng irngam taka omhaio lan thing nin ti. Grep ra irhmal hrang nei no chin ni, thei ra irhmal hrang ite nei no chin nih.

ISAIA 49:19

Nin ramhai a siat zoiin a iram chit a ni kha te, A lua hranghai an hong tungin chu, chîn pehai hrai a ta, nangni inramtirtuhai chu irhmang zoi an ti.

ISAIA 55:13

Ilhling bila meisâr thing hong mông a ta, Hloitharpa bila hruirâng mông sa a ti. Rengpa sintho inhriat maina hrangin kîr ta loi hrang, kumtuanga irsinsiana ni a ti.

ISAIA 7:19

Zuang vuang an ta, tuidung irhelna rôl panghaia, tâng ram rôl kâra khom, ilhling le sa lêngna hmunhaia kâi sup an ti.

JEREMIA 14:1

Rengpa’n khokang chungchânga a ni iti pe chu,

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 25:11

An ram pumpui chu ramin masan ni a ta, mita hmua inlâi thei ni a ti. A kôlvêla nam tinin Babulon ram rêng sin kum sômsari sûng chu tho an ti.

JEREMIA 45:4

“Khanchu irngai ro, irnêng pumpuia ki lei isiam inding tâk kha insimtir nôk ki ta, ki lei iphun tâk kha ki iphâipai hrang a ni.

CHAP HLA 2:6

Irhuana neinun chu ram angin, an inkhômna in a ram zoi tâka, Zion-a khan inkhômpui le Sabat serna nihai khom a hek ving tâka, a ningmur hrai sikin, an rêng le ochaihai hnôlin an om ta.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

HOSEA 9:6

Irngai roi, siatna zuang tung a ta, indarh an ta, Aigupta khan anni kha hong irkhôm ual a ta, Memfis khan lei phûm a ti; an tangkarua thil inditomhai kha kâng irkholin bôm a ta. An puan inhai khan hloi ilhlingnei om a ti.

JOELA 1:7

Ki grep hrui an siattira, ki theipui thing hôk a khêt infâi zita, a pai irhmanga; a ônhai khom a khêt invâr zoi ta.

AMOSA 4:7

Khan, bu ât hrang zoro tha thum a la ni laiin nin chunga rotho hrang khom ki khapa; khopui inkhat chunga kin thotirin, khopui dang chunga inthotir ma ung: hmun khat chunga kin thotir ngaia, a tho no hmun kha a châr ngaia.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

THUPHUANG 11:6

Khahai khan Pathian thu an insîr sûng chu rua tholoi hranga irvân khâr theina irtha an neia, tui, thisen, inchang theina irtha an nei sa, khabana rammual hi an nuam dôr dengintheina tinrênga dengintheitir theina irtha an nei sa a ni.