ISAIA 5:29 - PATHIAN LEKHABU IRTHIANG C.L. Bible (BSI)

²⁹ An khêk irhâi khom kâmkeibaknei inrûm ang a ni, an sa sê lai chu inrûm pumin an irputpaia; tûte sut thei zât ni mah.

ISAIA 5:29 ပူးပေါင်းရင်းမြစ်များ

IRPHUTNA 49:9

Juda hi kâmkeibaknei nâi ang a ni. Ki nâipa ni sa sê chu ni mâksan ta. A kûna, kâmkeibaknei angin an boka; kâmkeibakneinu angin tu’n mo nang a kai thoi ngam hrang?

INPÂKNA HLAHAI 50:22

Nangni Pathian irnghilhaio, hi hi irngaitua roi! khano’nchu nangni inpot chitna ki ti, nangni saninzôktu zel om no nihai.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 31:4

Rengpa’n ki kuang hiang hin a ti: kâmkeibaknei hâitaka inhrûm chu belrapuhai irhâi inhriatin, a phûkinthing loia chi viat loi angin, Itinrêng Rengpa Zion tânga hong suak khan chu, a tânghai zuang hâlhai a ta,

ISAIA 35:9

Khatak khan chu kâmkeibaknei om maka, ram sahrâng khom hong ngam no ni. Hmu hrang khom om no ni. Irtan saihai fena lampui a nia.

ISAIA 42:22

(Khannisian hi mihaiin rokna le longhai an tonga, Sirhupa an tâka, intângna ina an intâng zoia; Sala hrangin chel an nia, a san hrangtu tûte om mahai.

ISAIA 47:15

Ni nâipang lai ata ni irthoppuihai le ni ihmanghai ngai, khaanga omchian an lei ni tâka, an nuam tika nang rotsan an ta. Tûte’n nang san thei no nihai.

JEREMIA 2:15

Kâmkeibaknei angin an inhrâm khuma; A ram chu ramchârin an siama, a khopui khom a lua hrang boiin a ram zoi tâk.

JEREMIA 4:7

Kâmkeibaknei a khur ata a hong isuak angin, nam tinhai insiatchit hrang chu a hong irthok a ni ta. Judai ram insiat hrang le a hong tâk Judai ram khopuihai chu irfangin om an ta, an laia tûte irleng no nihai.

JEREMIA 49:19

Kâmkeibaknei rampui sêt tak ata Jordan dung hong zui sûlhringna hmuna hong angin hong a ta, Edom mihai chu an ram ata inrang takin irzûlpaihai ki ti. Khanchu hruaitu ki inthang khan nam chunga khan roirêl a ti. Keima le irkhi thei tu mo om? Tu mo ni doi ngam hrang? Tu roirêltu mo ni doi thei hrang?

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

JEREMIA 51:38

Babulon-hai chu an rêngin kâmkeibaknei angin an inhrâma, kâmkeibaknei tehai angin ngor ngor zel ti an ti.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

AMOSA 3:8

Kâmkeibaknei an hrûmin tu mo chi loi hrang? Rengpa pathian khan thu a hrila, tu mo hril loi theiloi hrang? tiin.

MIKA 5:8

Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.

NAHUMA 2:11

Tûte inchitir loia an oma, kâmkeibaknei chalhai, kâmkeibaknei puihai, kâmkeibaknei têhai an ichai vêlna, kâmkeibaknei irbu zôl le kâmkeibaknei têhaiin an fâkna hmun kha khôn mo a ini?

ZEFANIA 3:3

A sûnga a hruaituhai kha kâmkeibaknei inrûm lai an nia; a roirêltuhai kha khohloi tianga ine an nia; a tûk dêna insoi hrang ite hôi mahai.

ZAKARIA 11:3

Roirêltuhai chu lungzîngin an khêk ta, an roiinpuina chu ar hmang tâk sikin. Kâmkeibaknei inrûm irhâihai chu irngai roi. Jordan dung irhôra an omna rampui chu insiat a ni tâk sikin.

NAMBAR 24:9

Hi nam hi chu kâmkeibaknei hrât tak ang a nia, a inin chu tûte’n kaithoi ngam ngai mahai. Israelhai satvurtu chu satvurin om a ta, Israelhai khuasâltu chu khosâlin om a ti,” a tia.