ISAIA 5:26 - PATHIAN LEKHABU IRTHIANG C.L. Bible (BSI)

²⁶ Rengpa’n ram hlataka omhai hrang, irsinsiana a târ suaka, kôlkil dêna mi ikoi irhâiin a koia, irhnot takin a hong ta so.

ISAIA 5:26 ပူးပေါင်းရင်းမြစ်များ

INPÂKNA HLAHAI 60:4

Nangma chituhai kuang chu puanzâr ni pêk tâka, Thutak sika zâr a ni theina hrangin.

INPÂKNA HLAHAI 72:8

Ama chu tuikhanglian ata tuikhanglian dang dên khomin ircham nei sa a ti, Tuipui ata kôlkung dên khomin.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ISAIA 13:2

Tâng irsângna hmuna irsinsiana târ unglân, sipaihai koisamhai unglân, kho lârirpâk tak kul mikot chu doi hrangin nin kut leh inthem roi.

ISAIA 13:3

Keima ngêtin ki mi indanghai thu ki pêka, ki mihriam songhai, a hrâthai chu, ki ningmur insumna hrangin ki ikoi a ni.

ISAIA 13:4

Tânga irhâi omhai khi irngai roi, ram tin ata nam tinrêng honghai, irhâi a ni duah; itinrêng Rengpa’n a sipai râl doi hranga a ibukhai a ni.

ISAIA 13:5

Kôlkil ata hong an nia, irvân irsângna ata zuang chum an ni, Rengpa’n a ningmurna hriamhreiin ram pumpui insiat a ti.

ISAIA 18:3

rammuala om murdi irnêng chunga siphaio, tâng sîpa irsinsiana an itâr lei thîr mai unglân, bekul irhâi le’rngai roi.

ISAIA 30:16

Nuam ma ung, sakor chunga chuang kin ti,” nin tia, chuang ta unglân rot ta roi, Sakor intân hrât chunga chuang kin ti, nin tia. Kha nêka hrâtin nangni irzûl an ti.

ISAIA 31:9

Beidong takin an rêng thi a ta, a zîngbupa sipai hruaituhaiin an puan irsinsiana intânsan an ti. Rengpa thusuakin hiang hin a ti. Zion tânga a mei ir-al mai a ta, Jerusalema a lungthu khom hring mai a ti.

ISAIA 39:3

Deipu Isaia chu Hezekia kuang a honga, “Kha mihai khan imo an hong itho hrang? kho tiang ata hong moh an ini?” a tia. Hezekia’n, “Ram hlatak ata hong an nia, Babulon khua ata hong an ni,” a tia.

ISAIA 7:18

Kha nikhuaa khan chu Rengpa’n Aigupta rama tui, Nail vadung hnâr ata irrualin luang suak a ta, Assuria ram ata khom khuaipâl koihai a ti.

JEREMIA 4:13

En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

JEREMIA 5:15

Israel mihaio, nangni doi hrangin ram hlatak ata irthokin Rengpa’n, nam a hong ihruaihai hrang a ni. Tianlai ata nam inthang bîk a hrât, an chong nin inhriat ngai loi chu.

JEREMIA 51:27

“Irdoi hrangin inhriattirna pe roi! Namhaiin an inhriat theina hrangin bekul tum roi! Babulon ram ta hrangin namhai chu irvôtir unglân, Ararat, Mini le Askenaza ramhai, ama doi hrangin inhrilhai roi. A doi hranga hruaitu’n mi bê unglân, khâi puang anga tamin sakor bûmhai roi.

CHAP HLA 4:19

Irvân ata irmu hrât tak nêkin a ni’rzûltuhai hi an ihrât ual a ni. Tângsîpa khom an ni’rzûla, ramchârna hmuna khom an ni lei khêl ngai.

EZEKIELA 38:17

Nangma chungthu ngêt hi matona khan ki lei hrila, ki sinthotu Israel deipuhai hmangin ki lei inpuang lai khan Israel doitu hrang mi inkhat hong hruai ki ti, ki lei tia,” Rengpa Pathianin a ti.

JOELA 2:7

Mi hrât tak angin an intâna; irdoi mi angin banga an lôna; mâni irdîn senga an fea, an irtâng dân buai mahai.

HABAKUKA 1:8

An sakorhai khom kâmkeite nêkin an chaninrang uala, khohloi tianga inêhai nêk khomin ichi an om ual; An sakor chung chuanghai kha an hong chum thiar thiara: A ni, an sakor chung chuanghai kha hlatak ata hong an ni; Irmupui âr chel hrang angin an zuang hrâta.

ZAKARIA 10:8

Ki mihai chu koihai ki ta, an rêngin bûmhai ki ti. Anni chu saninzôkhai ki ta, pung hranga hrila an iom angin, tamtakin lan punghai ki ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

DÂN INHNINA 28:49

An chong khom nin inhriat ngai loi, mi nunrông tak tak, kôlkung ata Rengpa khan hong indoitir a ta, irmu angin nangni zuang inbo thut an ti.