ISAIA 5:24 - PATHIAN LEKHABU IRTHIANG C.L. Bible (BSI)

²⁴ Annihai sika hin meiin fapôl a ikâng angin, ilhling a ikâng inhek angin, an irzunghai kâng inhekin, an sa lai takin hek zoi a ti; itinrêng Rengpa dân chu zôm loiin. Israelhai mi irthiang an hnôl sikin.

ISAIA 5:24 ပူးပေါင်းရင်းမြစ်များ

2 RÊNGHAI 19:22

Tu mo nin nuisana, nang a inlâp pe? tu hrangin mo ni hnuk irhâi ni inringtir? Tu kôla mo mualphoi ni irlâk loi? Israel mi irthianghai lai ata a ni.

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

JOBA 18:16

A hnuai tianga irzunghai chu hmon a ta, chung tianga a ônhai chu châr a ti.

JOBA 8:17

A’rzunghai chu irnêng rîla lûtin lung a kher indeta.

INPÂKNA HLAHAI 50:17

Sepna hi ni khôkmâka, Ki thuhai hi hnung tiang ni pai maia.

FESUAKNA 15:7

Ni roiinpuina liantak khan, nangma nang a doituhai an irhmang zoi ta; Ni ningmurna ni zuan suma, fapôl angin an kâng zoi ta.

FESUAKNA 5:12

Kha tena chu sinthotuhai chu Aigupta ram pumpuia fapon zongin an chaia,

ISAIA 1:31

Mi sinthothei tak chu, mei irbu ang hi a ni, a sintho khom meirisi ang hi a ni, kâng ir-ût a ta, tûte’n that thei no nihai.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 24:6

Khasikin irnêng hi khosâl a ni tâka. A sûnga omhaiin an sualna ra an fâka, mihriamhai kângin an oma, a thi zoi loi chu tômte an ni.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 30:12

Khasikin, Israel mi irthianghaiin hiang hin an ti: “Ki thu hih nin hnôla, nghaltôk songa vâr taka tho nin inthanga, nin irsongpui tak a ni ta.

ISAIA 30:9

Tehelzong ngai nam an nia, nâi milak thei tak an ni, Rengpa thupêk irngai nuam loi nâihai an ni.

ISAIA 47:14

Mei ikâng irhmang thei fapôl ang ma mai ni an ti, meichok lai ata irsansuak thei loiin, anni hrangin lum pehai a ta, mei irvâm uat hrang om loi angin om a ti.

ISAIA 7:9

Efraima lu chu Samari a nia, Samari lu chu Remalia nâipa hi a nia. Nin ni iam no’n chu inding suak no chin ni tiin,’ a tia.

ISAIA 8:6

Hi mihai hin Silo tui, dam tui in nuam loiin, Rezina le Remalia nâipa an lei lôma,

ISAIA 9:18

Sual hi hloitharpa le ilhlingnei kâng theitu mei ang a ni. Rampui hnuaia sûlhai khom a kâng theia, a ikhu hlut hlut ngai a ni.

ISAIA 9:19

Itinrêng Rengpa ningmurna khan, ram chu an kângtira, mihriamhai chu hâl hranga irtikkhôm mai mai an ni. Tûte mâni urênghai khom san thei loiin;

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

JEREMIA 8:9

Nin mi vârhai chu hmâimôk irsak an ni ta, lungzîngin an ir-ôk a ni ta, ki thuhai an hnôla, vârna nei ual an irtia.

EZEKIELA 15:6

Khasikin, Rengpa pathian khan hiang hin a ti: “Ramhnuai thing laia grep hruihai hranga meia ki itua mai ang khan, Jerusalem luatuhai chu siam ki ti.

HOSEA 11:9

Ki ningmurna irkhêltak kha sua no ninga, Efraima kha irhmangtir tum nôk ta no ning. Keima chu mihriam ni loiin, Pathian ki nia, Nangmaa om mi irthiang kha, khopui kha hong lût khum no ning.

HOSEA 5:12

Khasikin Efraima hrangin irthî ang ki nia, Juda sûngkua ta hrangin hmonna ang ki ni.

HOSEA 9:16

Efraima kha zêmin a oma, an irzung kha a châr zoia, ra insua maka. A ni, suak khom sianlân, an sul ra inditom tak kha that lele ki ti.

JOELA 2:5

Irdoina tâli irhâi angin tâng chunga an irchôm mer mura, fapôl kâng chok luai luai ang le irdoinaa mipui hrât tak irsiam diam angin.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

AMOSA 2:9

“Khannisianlân anni makunga Amor-hai, Sidar thing anga irsâng le thing sesua anga hrât khom kha ki’rhmangtira; a chung tiang ata a ra le a hnuai tiang ata a’rzung khom kin boitira.

NAHUMA 1:10

Ilhling râng anga omin, An uain in khan inchie indui ual angin om khom sian, ilhlingbuk angin le fapôl châr anga irhmangtir zit la ni an ti.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

LUKA 10:16

Jisua’n a irchutirhai kuang, “Tukhom nin thu irngai chu, ki thu irngai a ni. Tukhom nangni hnôl chu a ni hnôl a ni, tukhom ni hnôl chu a ni tîrtu hnôl a ni,” a tia.

LUKA 3:17

An sêpna hrangin mira a chôia, insêp a ta, butak chu a panga thun a ta, a’rsî kha mei thi ngailoia hâlirvôm a ti,” a tia.

LUKA 7:30

Farisai le Dân irchutirtuhai chu baptisma kha chang nuam mahai, anni ta hranga Pathian irfûktir kha nuam mahai.

JOHANA 12:48

Tukhom ni hnôla ki thu pom nuam loi chu a chungthu rêl pe hrang inkhat a nei. Ki thu’nsîr ngei kha, zoro hnungkhôna chu a chungthu rêl petu la ni a ti.

TÎRTÔNHAI SINTHO 13:41

‘Hmusittuhai, en u ta! ar khêl ti unglân irhmang roi; nin dam sûnga sin ki itho hi, mi’n nangni hrilfiah pe khom sian iam viat no chin ni, iti kha,’ a tia.

DÂN INHNINA 28:24

Nin loia pildi le vâiphin inthotir a ta, zuang insiat zit a ti.

1 THESALONIKA 4:8

Khasikin, hi thu uksak loi chu mihriam a ipoisak loi ni maka, Irtha Irthiang nangni pêktu Pathian kha a ipoisak loi a ni ual.

1 SAMUELA 15:23

A chunga sualnahai hi tasân theihai sualna leh hmunkhat a ni, tukulliannahai hi millim biakna leh hmunkhat a ni. Rengpa thupêk ni hnôl tâk sikin ama khomin rêng hrangin nang a inuam loi a ni,” a tia.

1 SAMUELA 15:26

Samuela’n Saula kuang, “Nang fepui viat no ning, Rengpa thupêk ni hnôl tâka. Rengpa khomin Israel rêng ni hrangin nang a inuam ual ta loi a ni,” a tia.