ISAIA 5:18 - PATHIAN LEKHABU IRTHIANG C.L. Bible (BSI)

¹⁸ Sual ata irdînthei loihai, suala irlet nuam loihai chung chu rik pehai a ti.

ISAIA 5:18 ပူးပေါင်းရင်းမြစ်များ

INPÂKNA HLAHAI 10:11

A lungrîla chu, “Pathianin a irnghil a ni: A hmâi chu a thupa; itika khom hmu no ni,” a ti ngai.

INPÂKNA HLAHAI 14:1

Mi invêtin a lungrîlin, “Pathian om mah,” a ti ngaia, an siat zoia, thil intirom an thoa, tukhom thil sa tho rêng om mahai.

INPÂKNA HLAHAI 36:2

“Ki tho’nsualna hmusuak no nihai, ni khôkmâk ual no nihai,” tiin. Mâni mithmua ar pâk nôk ngaia.

THUVÂRHAI 4:17

Siatna le nunrôngna kha an ta hrangin chu bu le anh ang a ni.

ISAIA 28:15

“Thinahai le thu ei thung tâka, mithi khuahai leh chong ei irkhâm ta, soisakna tuipui hong lian khomsian, ni ngîm viat no ni. Irbuk theina hrangin ei irhuanga, zôkna hrangin minlak ei thoa,” nin irtia.

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 23:24

Ki ihmu thei loina hrang hmuna tûte irbi thei no nihai. Irvân le irnêng hmun tina ki om ti hi nin inhriat loi ma ni?

JEREMIA 36:23

Jehudia khan tuan thum tuan minli vêl a tep zoiin chu, rêng khan chemte leh a ât thêra, meia a pai tâka. Lekhabu inzuat kha a kâng zoi mâka chu khaang khan a itho a ni.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

ZEFANIA 1:12

Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

JOHANA 16:2

Sinagok haia nangni kêlsua an ta; nangni that tumtuhaiin Pathian sin an itho anga an bê zoro la hong tung a ti.

TÎRTÔNHAI SINTHO 26:9

Keima ngei khomin Nazaret Jisua irhming doi lamin thil tamtak tho inlân ki lei ti ngaia.

ROIRÊLTUHAI 17:13

Mika’n, “Levi irchia mi ngêt ochai ki nei tâka, Rengpa’n vângsakna ni pe ngêt a ti, ti kin hriat!” a tia.

ROIRÊLTUHAI 17:5

Mika’n Pathian in a sina, Efod leh millim a siama, a nâipa inkhat chu ochai hrangin an kunga.