ISAIA 5:16 - PATHIAN LEKHABU IRTHIANG C.L. Bible (BSI)

¹⁶ Dik takin roi a rêl sikin tinrêng Rengpa chu chôiindômin om a ti, thil diktaka Pathian irthiangin, a’rthiangzia inlangtir a ti.

ISAIA 5:16 ပူးပေါင်းရင်းမြစ်များ

1 THURCHI SUINA 29:11

Ni roiinpuia, sinthothei tak ni nia, ni’rsânga, ni saa, irnêng le irvâna thilhai hi ni ta a nia, o Pathian an laltak ni nia itinrêng chunga thuneitu ni ni.

INPÂKNA HLAHAI 21:13

O Rengpa, ni hrâtnaa khan chôiindômin lei omin lân: Khanchu ni sinthotheina inpâkin hla sak kin ti.

INPÂKNA HLAHAI 46:10

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.

INPÂKNA HLAHAI 9:16

Rengpa khan an hriattira, roi a rêl tâka. Mi sia chu ama kut suak ngeia khan an ôk ngaia.

ISAIA 12:4

Kha ni khan chu hiang hin ti ta nin ti: Rengpa inpâk unglân, ar hming chôiindôm roi, A sintho chu a mihai hril unglân, A’rhming inthang lam hi inpuang roi.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

ISAIA 2:17

Mihriam irpâkna om ta no nia, An irngaiirsângna khom irhniamtir ni a ti.

ISAIA 2:9

Mi tinin an ibiak hrang a nia, ite tûng hrang dang nei loiin.

ISAIA 28:17

A ngîr indet theina hrang hrui chu roirêlna dik le, a kai indetna hrangin dikna ki ihmang a ni. Minlak thoa an irsûnghualna in chu irialin a dêng siata, an irbukna hmun chu tuilianin suat a ti.

ISAIA 29:23

Ki ipêk an nâihai chu, an laia om an hmu tena chu, ki’rhming chôiindôm an ta, Jakoba mi irthiang chu inzak an ti. Israelhai Pathian chu mahrip tho an ti.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 33:10

Rengpa’n hiang hin a ti: “La hong pût ta hi rong, chôiirsâng ki ta, ki roiinpuinahai târinlang ta ki ti.

ISAIA 33:5

Chung tiang Rengpa chu a oma, a roiinpui vang na! Zion-a diktak le feltakin roi a rêl ta.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

ISAIA 61:8

Kei Rengpa hi diktaka roirêltu chu ki ni, Hâlirvôm hranga inhlan sa inrûk hi chu ki itheimâk a ni. Diktakin an sinthôna lômman chu pehai ki ta, kumtuanga thuthung siampuihai ki ti.

ISAIA 8:13

Itinrêng Rengpa hi a nih nin inza hrang chu. Ama vai hi a nih nin chia nin itho pe hrang chu.

EZEKIELA 20:41

“Nam dang lai ata nangni hruaisuak ki ta, nin irthekindarna ram ata nangni ki hruaikhôm tika chu nin thil mirimhoi inhlanhai leh lei lôm ki ti, nam danghaiin ki irthiangzia hmu an ti.

EZEKIELA 28:22

Khataka mihai kuanga khan kei Rengpa Pathian ngêt hin an chungthu hiang hin ki ihril a ni, tiin inhrilhai roh. Kei chu ni râl ki nia, o Sidon ni chunga ki sinthohai sika hin mihaiin nin pâk an ti. Ni sûnga omhai hi ki hremhai tena chu, ki’rthiangzia le Rengpa ki inizia hi anni khan inhresuak ta an ti.

EZEKIELA 28:25

Khan, Rengpa Pathianin hiang hin a tia, “Israelhai chu ki inthekindartirhaina ram ata kha bukkhômhai nôk ki ta, khanchu nam tinin ki’rthiangzia inhresuak an ti. Israelhai chu ki sinthotu Jakoba kuanga ki ipêk, anni ram ngêta om an ti.

EZEKIELA 36:23

Khan ki’rhming roiinpui tak irthiangzia nam tinhai laia nin lei porinchetir tâk kha ki târinlang tena chu Rengpa ki nih ti inhre ta an ti, kei Rengpa Pathianin ki iti a ni. Nangma chu nam tinhai laia ki’rthiangzia inlangtirtu ni hrangin nang hmang ki ti.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 38:23

Khaang khan nam tinhai kuang ki sinthotheina le ki’rthiangna chu inlangtir ki ti. Kha tena chu Rengpa ki nih ti inhre thei ta an ti,” a tia.

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

LEVI DÂN 10:3

Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

NAMBAR 20:13

Hi hi Israel mipuihaiin Rengpa chunga an chiarna hmun Meriba hmuna thil tung a nia, hitaka hin ama chu a’rthiang a nih ti an langtirna a ni.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

1 PETERA toc2 1 PETERA 1:16

Pathian Lekha Thu’n, “Keima ki’rthiang sikin, nangni khom nin irthiang hrang a ni,” a iti ang khan.

1 PETERA toc2 1 PETERA 2:15

Ite inhre loihai thu’nsîr inmôl kha thil sa thoa nangni in-ôktir hrangin Pathianin a inuam a ni.

1 PETERA toc2 1 PETERA 3:15

Krista kha inza unglân, nin lungrîla rênga nei roi. Nangnia om nin isabei nasan chu nangni irdon murdi chu sâm hrangin irsiam diam roi.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.