ISAIA 5:13 - PATHIAN LEKHABU IRTHIANG C.L. Bible (BSI)

¹³ Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

ISAIA 5:13 ပူးပေါင်းရင်းမြစ်များ

2 RÊNGHAI 17:6

Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.

THUVÂRHAI 10:21

Mi sa chonghai khan mi tamtak a siam insatir ngaia, invêtna rêkin chu mâni thina an tungtir ngai.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 23:9

Itinrêng Rengpa’n a ti a ni, an irsongpui ngai roiinpuina a heka, an mi inzakomhai chu mualinphoiin an om ta.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 3:1

Rengpa, itinrêng Rengpa’n Jerusalem le Judai ram ata, an irnghatna tinrêng a lâk thiai a ni ta, An itûng bu le tuihai khom,

ISAIA 3:3

sômringa hruaituhai le an isong ualhai khom, ni ihmanghai le dôi theihai, tasân theihai a lâkhai thiai ta,

ISAIA 44:19

Senkhat chu thingtuain ki hmanga, bu ki phoinaa, sa ki roa, ki fâka, senkhat chu millim ki siamnaa, thingtum bong kôla kûnin chubai ki imûk a ni hi, ti inhriat zel om mahaia, a hmu thei khom om mahai.

ISAIA 49:21

Hi mihai hi tu mo nin neitira? Ki nâi neihai ki sûnhai zoi tâka, sala intângin kin vâia, hihai hih tu mo a nin liantir pe a ini tâk? Ki bing vaiin an ni mâka, hihai hi kho tianga mi mo an ini? la ti ni ti.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

JEREMIA 14:18

Dâi pên tiang ki fe lakin, irdoina hmuna thi miruak tamtak ki hmua; Kho sûnga ki lûtin, phîngchâma thi mipui ki hmuhaia. Deipuhai le ochaihai chu an inhriat loina ram an pan tâka,” tiin.

JEREMIA 14:3

Mi irchonghaiin an suakhai tui chôi hrangin an tîra, Tuikuang tiang an fea, khannisian tui hmu mahai, an tuibêlhai a rongin an hong ichôi nôk a ni. Inzak le beidongin an hmâi an thupa.

JEREMIA 8:7

Tuichir le ivahai khomin kîr zoro an inhriata, vasuhai, pelôihai, le sâlvahaiin irthon zoro an inhriata. Khannisian ki mihaiin chu nangni rêlna hranga ki dânhai nin irnghil a ni.

CHAP HLA 4:9

Fâk hrang hmu zoi loi, irzuk ngôi ngôiin phîngchâma thi nêkin chu, khandaia that hoi ual a ti.

EZEKIELA 7:12

Zoro chu a hong tung ta, nikhua chu a hong nâi tîr tîr ta; irchôktu chu raiinfân no sianlân, a zuartu chu beiindong ual no ri se; ningmurna chu an rênga chunga a itung hrang a ni sikin.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

AMOSA 8:13

Kha nikhuaa khan dôngmate le ruathartehai satlaihai ten khom kha dangchârin chinginrîl an ti.

LUKA 19:44

ni sûnga om ni nâihai ten luan nang pai rak an ti; ni sûnga lung irchon rêng rêng hôi no nihai, Pathianin nang a zuang kan lai kha nin hriat no sikin, kha kha ni chunga hong tung a ti,” tiin.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

2 PETERA toc2 2 PETERA 3:5

Tianlaia khan Pathian thu’n, irvânhai khi siam a ini le irnêng chu tui ata siam suak a inihai, tui le tui kâra a isia hai,