ISAIA 5:1 - PATHIAN LEKHABU IRTHIANG C.L. Bible (BSI)

¹ Ki inuamtak ta hrangin hla hong sak ki ti, Ki inhroi tak grep irhuan hla chu. Ki indit takin grep irhuan a nei ta, Mual chung le irnêng sana taka khan.

ISAIA 5:1 ပူးပေါင်းရင်းမြစ်များ

INPÂKNA HLAHAI 101:1

Lungkhamna le roirêlna thu kha hla’n sak ki ta: O Rengpa, nangma inpâkin zâi ki ti.

INPÂKNA HLAHAI 45:1

Ki milung hi thil sa’n a lêt don dona; Inlaltak chungchâng thua ki thil phua chu ki insîr hrang a ni: Ki milei hi lekha irziak thei tak pen a ni.

INPÂKNA HLAHAI 60:5

Ni indit takhai hi saninzôka an om theina hrangin, Ni kut chang tiang saninhringin lân, ni sâm roh.

INPÂKNA HLAHAI 80:8

Aigupta ram ata grep hrui ni hong lâka: Nam tin chu nin hnot suaka, ni phun tâka.

HLAHAI HLA 2:16

Ki lungdi chu ki ta a nia, kei khom ama ta ki ni, a belra pâlhai chu lili pâr bila an lêngtirhai ngai.

HLAHAI HLA 5:16

A ni, O Jerusalem nâinuhai, ki lungdi chu inditom tak a nia, chong tin laia ama chongbâi vai hi a thum tak a nia, ama hi ki lungdi omdânhai chu a ni.

HLAHAI HLA 5:2

Ki zâl lai khomin, ki milung chu a harkanga, Ki lungthung tak khan a hong intôk e! Ni hon hong pe ro, ki irngaiinnat ki lungthung, ki vasu sêlna boi, Ki lu irdo’n an duia, ki samhai chu zân irzilin a’rdap zoi ta, tiin.

HLAHAI HLA 6:3

Ki lungdi chu ki ta a nia, kei chu ama ta ki ni; a sâhai chu lili pâr bila an fâhaia.

JEREMIA 12:10

Ram dang roirêltu tamtakin ki grep irhuan an insiata, Ki loihai chu an chîlpol neng tâka. Ki ram enhoi tak chu ramchârin an siam zoi ta.

JEREMIA 2:21

A chi diktak, grep ra sa zât angin nang ki phuna, khan en ro, imo ni hong ichang tâk? A thua hmanghmunboi grep hrui angin kêng ni om ta.

EZEKIELA 15:2

“Mihriam nâipa, rampui hnuaia thing laia grep hrui chu thing danghai nêkin imo a nia?

EZEKIELA 19:10

Ni nu chu grep kung ivadung kôla irhuana phun ang hi a ni. Tui a tam sikin ra nuam tak le a ôna hnâ sipin a hong om ta.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

MATHAIA 21:33

Jisua’n an kuang, “Chongirkhek dang irngai nôk roi: voi khat chu mi tu mani ram chongpu a oma, kha mi khan grep irhuan a thoa, dâiin ar kula, grep sôrna hrang khur a choia, a nghâkna hrangin in irsâng a sina. Khanchu, grep kha a nghâk hranghai kuta bângin, ram danga an zin ta.

MARKA 12:1

Khan, Jisua’n chongirkhekin an kuang thu an sîra, “Voikhat chu mi inkhatin Grep irhuan a siama, dâiin ar kula, grep sômna hrang khur a choia, in irsâng a sina. Khanchu, loi enkol ngaihai kuang a chuan irhlo hrangin a pêka, ram danga an zin tâka.

LUKA 20:9

Vântâng mipui kuang Jisua’n hi chongirkhek thu hi a hril tâka, “Mi inkhatin grep irhuan a siama, irhuan enkoltuhai kuang a chuan a’rhlotirhaia, ram danga zoro sôttak a zu irhmanga.

JOHANA 15:1

“Kei hi Grep râng diktak ki ni, ka Pa ar huan enkoltu a ni.

DÂN INHNINA 8:10

Ruk dôr fâk hrang nin neia, ram satak nangni a pêk sikin Rengpa nin Pathian kha inpâk nin ti.

DÂN INHNINA 8:7

Rengpa nin Pathian khan ram sataka nangni hruai a ta, ivate tui luang zon zon tamna, tuihnâr le irnêng sûngrîl tui zuang luang suak tamna, tâng le irhôr hoitak takhai,