ISAIA 49:9 - PATHIAN LEKHABU IRTHIANG C.L. Bible (BSI)

⁹ Intângna ina omhai chu, ‘Suak roi,’ ti ki ta. Inthima omhai chu, ‘A vâra hong suak roi,’ ti sa ki ti. Kêlbelra angin lampuia irtet an ta, mual sûl tam loina hmuna khom sûlhring hmu mai an ti.

ISAIA 49:9 ပူးပေါင်းရင်းမြစ်များ

INPÂKNA HLAHAI 102:20

Mi intâng inrûm kha irngai hrang le, Thi hranga inkunghai kha khoi hrangin;

INPÂKNA HLAHAI 146:7

Ama khan nêpsiana tuanghai hrangin roi a rêl ngaia; Phîngchâm tuanghai kuang fâkrua a pêk ngai. Rengpa’n chu mi intânghai an sua ngaia;

INPÂKNA HLAHAI 22:26

Thuhnuairôlhai khan fâ an ta, khop an ti: Ama zongtuhai khan Rengpa kha inpâk an ti: Nin milung chu kumkhua’n hringin om ri se.

INPÂKNA HLAHAI 69:33

Rengpa’n inrianghai chu irngaitua’n, A mi intânghai chu hmusit ngai ma.

ISAIA 41:18

Mual le tângdunghaia tui inluangtir ki ta, irhôra tuihnâr inomtir ki ti, tâng chârna hmuna dîl siam ki ta, ramchârna khom tui luang a ti.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

ISAIA 42:7

Mitchôhai mit invâr hrang le, rôl sûnga om insuak hrangin, inthim laia om sansuak hrangin.

ISAIA 48:17

Nangma inthangtu, Israel mi irthiang, Rengpa’n hiang hin a ti: ‘Keima hi Rengpa ni Pathian chu ki ni. Ni hranga sin sa nang ki’rchutira, ni fena hranga lampui chu nang irhmutir ki ti.

ISAIA 5:17

Khanchu an lêngna hmuna belrahai an irhmang ngai angin, hmun ramna hmuna sûlhai chu kêlin fa an ti.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ISAIA 9:2

Inthim hnuaia omhai namin chu, vâr roiinpui tak an hmu tâka, raminthim taka omhai hrangin khua a hong vâr ta.

EZEKIELA 34:23

Khanchu ki sinthotu Davida anga rêng inkhat an belrapu hrangin pehai ki ta, ama’n anni chu donsuihai a ti.

EZEKIELA 34:29

Ram satakhai pehai ki ta, kha ram ata kha châm khom inboipai ta ki ta, nam danghaiin hmusit ta no nihai.

JOELA 3:18

Kha nikhuaa khan hiang hin hong ni a ta, tâng irsânghai khan uain thum inzungtir a ta, tânghai kha irhnutuiin luang a ta, Judai ram vadungte murdihai kha tuiin luang a ta: Rengpa in ata tuihnâr zuang pût suak a ta, Sitim irhôr irziltir a ti.

LEVI DÂN 25:54

I ang lama khom, irtansuak a ni no khomin Jubili kuma chu, a mihai leh insua ngêt hrang a ni,

MIKA 5:4

Ama kha chu ngîr a ta, Rengpa hrâtna’n a sâ rual kha infâ a ta, Rengpa a Pathian irhming roiinpuina ngei khan: khan, anni kha zôkin om mai an ta; ama kha irnêng mong dênin a iroiinpui hrang a ni.

LUKA 1:79

irvân ata vârin, inthim le thina dâihlim hnuaia omhai êl invâr a ta, Irtharngamna lama kal nin chôitir a ti,” a tia.

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

DÂN INHNINA 32:13

Tâng rama an chuang suaktira, rama thil mônghai kha an fâka, lung hmuna khom an oliv a ra mer mura.

KOLOSA 1:13

Ama khan inthim irchamneina ata a ni san suakin, a Nâipa lungthung taktu rama khan a ni hruai inlût ta a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.