ISAIA 49:7 - PATHIAN LEKHABU IRTHIANG C.L. Bible (BSI)

⁷ Israelhai irtantu mi irthiang, Rengpa’n hiang hin a ti: “Nangma, mi ihnuaisia, nam tin ien indong, roirêltuhai siahlo, rênghaiin suak ata ni izôk nang hmu an ta, mi lianhai khom ni makunga kûn an ta; Rengpa’n a thu an kung sikin Israel mi irthiangin nang an thang ta.”

ISAIA 49:7 ပူးပေါင်းရင်းမြစ်များ

MATHAIA 26:67

Khanchu, a hmâia an inchila, an zêma; senkhatin,

1 PETERA toc2 1 PETERA 2:4

Rengpa kha pan roi, ama chu Lung hring, mihriamhai ihnôl, Pathian inthang, hlu tak kha a ni.

ISAIA 53:3

Ennuam om loitak, mihai ihnôl, mihriam chuk loi, natna tuang chuan chuan, dam nî nei loi, Mi tin imâksan, ennuam loitak, ite bêa ei ibe loi chu a ni.

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

ISAIA 48:17

Nangma inthangtu, Israel mi irthiang, Rengpa’n hiang hin a ti: ‘Keima hi Rengpa ni Pathian chu ki ni. Ni hranga sin sa nang ki’rchutira, ni fena hranga lampui chu nang irhmutir ki ti.

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

ISAIA 49:1

Chômbunghaio, ki thu hi irngai roi, ram hlataka omhai khom irngaitua roi. Sûnga ki om lai ata Rengpa’n a ni koia, Nu pum sûnga ki om lai ata ki’rhming a phuaa.

ZAKARIA 11:8

Khanchu belrapu inthum, a ni hmumâkpu’n chu irngaitheihai ma unga, khasikin tha khat sûngin anni chu ki paithâkhai tâka.

ISAIA 52:15

Nam tamtak chu a thisenin a’rsûkinfâia, Renghai khomin ar khêl ti pumin an bâi phong ngam no nihai; an la ihril ngai loi thil hmu an ta, an la inhriat ngai loi thil lan hre thei an ti.

ISAIA 42:1

En ro, ki siahlo nang ki chel mai, ki indittak kin thang a ni; a chunga ki’rtha kin sipa, nam tinrênghai chunga diktakin roirêl a ta,

JOHANA 19:15

Khahai kha an khêka, “Inboipai roh, inboipai roh, Krosa hembe roh,” an tia. Pilata’n, “Nin rêng hi Krosa ki ihembe hrang mo?” a tia. Ochai inlalhaiin an sâma, “Kaisara ni no chu rêng dang nei ma ung,” an tia.

LUKA 23:35

Vântâng mipuihai khan ngîrin an thîra. Hruaituhai khom khan, “Mi dang lua an damhai ngaia, Pathian mi’nkung, Krista chu, a ni lele’n teh a bing khomin irdam ri se ba,” tiin an êroa.

LUKA 23:23

Anni khan inring takin an khêka, Krosa hembe hrangin an ngên ngota, an irhai khan an hnêpai tâka.

ISAIA 60:10

Nam danghaiin ni kul banghai hong sin nôk an ta, rênghai khomin ni sin tho an ti. Ki ningmur hraiin nang ki vîk nâkin, irsîrin lung nang kin kham nôk ta.

ISAIA 60:3

Ni vârna hnuaia nam tin lêng an ta, Rênghai khomin ni vârna kha innang mai an ti.

ISAIA 50:6

Vîk hrangin ki hnung zâng ki doa, ki hnerkamulhai khom an phôia, an nin chilthuana; khannisian inzakin ki hmâi thup ma ung.

ISAIA 48:7

Atûn khan kin omtira, matona khan chu inhre ngai mai chêi, om tâk lei ni sian chu, “Kin inhriat sai kêng,” ti nin ti.

INPÂKNA HLAHAI 68:31

Aigupta ram ata milianhai hong suak an ta; Ethiopia-hai chu an kut Pathian tiang phar hrangin irhnot an ti.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

JOHANA 19:6

Ochai inlalhai le a nghâkhaiin an hmu’n chu, “Krosa hembe roh, Krosa hembe roh,” tiin an khêka. Pilata’n an kuang, “Nangni’n hruai unglân, Krosa hembe roi, keiin chu ite a chunga a sualna hmu ma ung,” a tia.

JOHANA 18:40

Khannisianlân, inring takin an khêka, “Hi pa hi chu ni no ri se, Barabba kha ni ri se,” an tia. (Barabba kha hrâtlâksong ngai mi a ni.)

LUKA 23:18

Khannisianlân, an rêngin khêk irrualin, “Hi mi hi chu thatin lân, Barabba kha nin sua pe roh,” an tia.

LUKA 22:27

Tu mo roiinpui ual, khalâi ottu mo a sinthotu mo? khalâi ottu kha mo ni no ni? Khannisianlân, keima’n chu sinthotu angin ki iom kêng.

ISAIA 60:16

Nam danghai le an rênghaiin, nang inpâm an ta, an irhnuhai nan netir an ti, mi inzôktu chu, kei Rengpa hi ki ni, Jakoba mi hrât, a’rtantu chu ki nih ti inhre ta ni ti.

INPÂKNA HLAHAI 69:19

Nangin mi ni ihrilsiatnahai, Ki mualinphoinahai, inzaknahai hi nin hriat: A ni doituhai chu ni makunga an om zit a ni.

1 KORINTH 1:9

Pathian, a Nâipa Jisua Krista, ei Rengpa leh irpôlna nei hranga nangni koitu kha iiam a iom a ni:

IRPHUTNA 27:29

nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.

DÂN INHNINA 7:9

Khasikin, inhre roi, Rengpa nin Pathian hi kêng Pathian a ini, Pathian iamom, a thu’nkung a vong ngita, ama lungthunga, a thupêk zômtuhai chunga irlo sâng dêna khonza ngai kha.

INPÂKNA HLAHAI 47:9

Abrahama Pathian mihai ni hrangin, Mi tin laia mi lianhai chu an om khôma: Irnêng phôhai chu Pathian ta a nia; Ama chu a satêna chôiindômin a om.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 19:21

Rengpa chu Aigupta mihai kuanga inlang a ta, hâlirvôm thil inhlan le irbôlnahai inhlanin chubai mûk an ta, Rengpa makunga chonginkung an ti.

ISAIA 19:23

Kha ni sûn tena chu Aigupta ram ata Assuria ram dênin lamlian fe thei ta a ti, Aigupta le Assuria mihai chu irpan thei mai an ta, Pathian chubai mûk suam ta an ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

ISAIA 49:26

Deng nang intheitirtu chu an bingin an hmê infatirhai ki ta, Uain inrui angin an thisen inrui nôk an ti, Rengpa saninhringtu ki ni, nangma irtantu, Jakoba mi hrât ki ni, Mi murdi’n inhre ving an ti,” tiin.

ISAIA 66:23

Tha thar le Sabat nî rikipin, chubai ni mûk hrangin mi tin ni hong pan an ti,” Rengpa’n a ti.