ISAIA 48:6 - PATHIAN LEKHABU IRTHIANG C.L. Bible (BSI)

⁶ Ama hi nin hmua, nin inhriat ta, A dik ti mak chêi mo? Atûn ata thil thar nangni inhril ta ki ti, nin inhriat loi thilhai chu.

ISAIA 48:6 ပူးပေါင်းရင်းမြစ်များ

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 119:13

Ni bâia roirêlna suak murdihai chu ki bâiin kin puanga.

ISAIA 21:10

Ki mi Israel hruaia khit thunghaio, Israelhai Pathian Itinrêng Rengpa’n Thurchi a nin hriattir ta, nin kuanga khom ki inpuang a ni ta.

ISAIA 42:20

Thil tamtak a hmua, khannisian zôm loiin a oma, mikuar a doa, khannisian inhre thei mah.

ISAIA 42:8

Kei hi, Rengpa nin Pathian chu ki ni. Tûte’n ki roiinpuina nir koppui thei no nihaia, an nin pâkna khom millim irkoppui phal ma ung.

ISAIA 42:9

Irngai roh thu lei hril ngaitu a hong tung ta, Thu thar inpuang ki ta, a hong tung mân nang ki lei ihril a ni.”

ISAIA 43:19

Thil thar ki itho hrang hi thîr ual ta roi, A hong tung vâng ta, nin ihmu loi ma ni? Ramchâr hmuna lampui siam ki ta, ramchârna hmuna tuipui inluangtir ki ti.

ISAIA 48:7

Atûn khan kin omtira, matona khan chu inhre ngai mai chêi, om tâk lei ni sian chu, “Kin inhriat sai kêng,” ti nin ti.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

JEREMIA 50:2

“Namhai kuang thurchihai chu hril roi! inpuang roi! Puanzâr târ unglân, thurchihai chu hril roi! Thilirthup sia no roi! Babulon chu an rîl tâka! A pathian Marduka chu a milung an hnâng pe ta, Babulon millim chu mualphoi an irlâk tâka. An pathian dik loihai chu an milung an hnâng pehai ta!

AMOSA 3:6

Khopuia mi chi loi hrangin bekul an tum thei ma ni? Rengpa itho ni no’n chu khopuia khan siatna a iom thei ma ni?

MIKA 6:9

Rengpa khan khopui kha a insam a ni, vârna nei mi khan nir hming kha chi a ti: hêmvuak leh a sinsiamtu kha inhre mai roi.

MATHAIA 10:27

Inthima nangni ki ihril hi sûn khovâra insîr unglân, inrûka nin inhriat hi in chunga chuangin tânginsampui roi.

JOHANA 15:15

Suak nangni ti ta no ninga; suakin chu a pu sintho inhre maka; rualhai nangni ti ta ki ti; ka Pa kuang ata thil ki inhriat murdi nangni kin hriatir tâk sikin.

TÎRTÔNHAI SINTHO 1:8

Khannisianlân, Irtha Irthiang nin chunga a zuang tung tika sinthotheina la nei nin ti; khanchu, Jerusalema, Judai le Samari ram pumpuihaia kôlkung dênin ki thu inhretuhai nin ini hrang a ni,” a tia.

1 KORINTH 2:9

Pathian Thu’n, “Pathianin ama lungthunghai ta hranga an irfûk angin chu, Mita hmu ngailoi le mikuara inhre ngai loi. Mihriam lungrîla lût ngai loi a ni,” a iti angin.

THUPHUANG 1:19

Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 4:1

Kha irzoiin chu inlârna dang ki hmua, ki hong ena, irvâna mikot irhong ki hmu. Khanchu, bekul irhai ang hnukirhai kin hriat masaa ni chongpuitu khan, “Hi hin hongin lân, inhnunga thil hong om hranghai nang inhmutir ki ti,” a tia.