ISAIA 48:18 - PATHIAN LEKHABU IRTHIANG C.L. Bible (BSI)

¹⁸ Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 48:18 ပူးပေါင်းရင်းမြစ်များ

INPÂKNA HLAHAI 119:165

Ni dân lungthunghaiin chu irtharngamna lian tak an nei ngaia; Ite’n inrîl thei ngai mah.

INPÂKNA HLAHAI 36:8

Anni chu ni insûng thil sa’n inkhophai a ta; Ni lômna vadunga om kha in intir sahai ni ti.

ISAIA 33:21

Khatak khan chu, Rengpa roiinpuina nin entir a ta, tui tamna rama, tui lam hoitak hmuna om ei ta, râlhaiin irkuang hong chôi thei loina hmuna, irkuang lian hong lût thei ta no ni.

ISAIA 42:24

Jakoba chu tu mo hrâtlâksonghai kuanga pêk, Israel chu tu mo hrâtlâksonghai kuanga pêk? Rengpa mo ni ma? A chunga khan thil sual an thoa, a lampui zui loiin a dânhai khom zôm loiin an oma.

ISAIA 45:8

Irvân irsâng ata zoina rua zuang tho sianlân, ra insua ri se. Keima Rengpa hin annihai kha intungtir ki ti.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

ISAIA 61:11

Irnênga chîmu a hong ikêi ang hin, Irhuana thil phun a hong incher ngai ang hin Rengpa kin Pathianin inhnêna intungtir a ta, Nam tinrêngin inpâk an ti.

ISAIA 62:1

Zion sikin dâihrek thei ta no ninga, Jerusalem sikin omchian thei ta no ning. A dik lam chu an lang infela, saninhringna a nina meivâra a vâr inlang infel no’n chu.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

HOSEA 10:12

Mâni ta hrangin felna tû unglân, lungkhamna ât roi; nin irnêng hoihai choiirlet unglân, Rengpa zong zoro a nia, a honga satvurna nangni a vur mâka chu.

AMOSA 5:24

Khannisianlân, roirêlna dik kha vadung angin luang sianlân, felna kha ivapui kang ngailoi angin luang ri se.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

DÂN INHNINA 32:29

Vâr ualhai sian chu inhre thei an ti, an om hrang dân thîr thei an ti.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti: