ISAIA 48:13 - PATHIAN LEKHABU IRTHIANG C.L. Bible (BSI)

¹³ Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 48:13 ပူးပေါင်းရင်းမြစ်များ

ISAIA 40:26

Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 45:18

Irvân siamtu chu Pathian a ni, Irnêng khom a siama, dettakin an ngîrtira. Siat remrum khomin siam maka, om hmun satakin a isiam a ni. Ama thotu Rengpa’n hiang hin a ti: “Kei hi Rengpa chu ki ni, tûte a dang om mahai,”

INPÂKNA HLAHAI 102:25

Irnêng irnghatsan chu tianlaia ni phûm tâk a ni; Irvânhai khom ni kut suak a ni.

FESUAKNA 20:11

Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.

ISAIA 42:5

Pathian, irvân siamtu le kaiinphartu hin, Irnêng le a sûnga om indingtirtu, hringna phûk le irtha pe theitu, Rengpa’n hiang hin a ti:

ISAIA 40:12

Tu mo voikhatin tuikhanglian kha a kut zapha’n mo ar khî thei? Tu moh irvân khi a kuta inkhâpin irvân khi ar khî zoi thei hrang? Tu moh irnêng pil hi khilâtin a irtê zoi thei hrang? Tâng le mualhai hih tu mo phalla leh varh thei hrang?

ISAIA 40:22

Hi hih chu kôlkil irhual sûnga om a ni. A sûnga omhai hi chu ama ta hrangin chu kutpâr sûnga om ang a ni. Puanzâr angin irvân khi an phara, omna hrang puan in a isung ang hin.

INPÂKNA HLAHAI 147:4

Ârsi tam hrang zon an kung pea; An irhming a phua senga.

JOBA 37:18

Ama chu irvân khi ni kaipharpui thei moa? Thîrtang anga ngar chu!

ROM KHUAA MIHAI KUANGA TÎRTÔN PAULA LEKHATHON 4:17

“Chi tamtak paa nang siam ki ti,” ti irziak ang khan, a iiam Pathian, mithihai inhring nôktu, thil om loihai inomtirtu a iiam Pathian mithmua khan; Abrahama chu ei renga pa a ni.

ISAIA 40:21

Inhre mak chêi mo? nin irngai loi ma ni? A phut ata nangni an ihril mo ni ma! Irnêng irsiam dân hi inhre mak chêi mo?

ISAIA 45:12

Keima hih ki ni, irnêng siamtu chu, A sûnga om mihriamhai hi ki isiam an ni. Keima kutin irvân khom khi ki kaiphara, Thil om murdihai khi, keima ircham taka om an ni.

ISAIA 51:13

Irvân kaiphar theia, irnêng irnghatna phûm theitu, nangni siamtu Pathian hi nin irnghil ma ni ta? Dengintheitirtu ningmurna le an siat tumtuhai chi di dîpa nin iom mai hi? An ningmurna chu tuang zoi no chin ni.

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

JEREMIA 51:15

Rengpa’n a sinthotheina leh irnêng a siama, a vârna’n rammual an ngîrtira, an hriatna leh irvân a kaiinphar a ni.