ISAIA 47:6 - PATHIAN LEKHABU IRTHIANG C.L. Bible (BSI)

⁶ Ki mihai chunga hin ki ning an mura, ki mi inthanghai ki soisakhaia, ni kuta ki hong pêk tâka, lung len kham mak chea. Putarhai khom irdîn viat loiin ni hmanghai maia.

ISAIA 47:6 ပူးပေါင်းရင်းမြစ်များ

2 SAMUELA 24:14

Davida khan Gada kuang, “Ki milung kêng a zîng khak! I khom ni sian, mihriamhai kuttum ni tho chu nuam ma unga; Rengpa kuta irpe ki ta, a lunginkhamna a liana,” a tia.

2 THURCHI SUINA 10:11

ka pa khan nin puak a inriktir ok a ni’n chu keima’n chu bôk sa nôk ki ti; hrui leh vîkna tonghaiin keima’n chu âinuvêt leh nangni hrem ki ti, ti ro,” an tia.

2 THURCHI SUINA 28:9

Samari khuaa khan Rengpa deipu inkhat Obeda a oma, Israel sipai rualin Judai ram ata an suaka, an ichelhai le Samari khuaa lût hrang kha a lei hmuhaia, an kuang, “Nin irchibulhai Pathian Rengpa chu Judahai chunga a ninginmura, nangni a inhnêtir tâk a ni; khannisian nin thata, an chunga nin nunsiatzia a ihmu mai a ni.

2 THURCHI SUINA 36:17

Rengpa’n anni soisak hrangin Babulon rêng a hong hruaia, rêngin Judai rama ruathartehai chu tempil sûnga khom a that phiarhaia. Ulian le nâipang lêk loiin, nupang pasal, hrisêl le sêl loi dênin ite inrenna boiin. Pathianin a kuta a ipêk ving a ni.

2 THURCHI SUINA 36:20

A thi zoi loihai chu Babulon-a a hruaihaia, ama le a rualhai chu suaka, Persia hai an hong tung dênin an oma.

EZRA 5:12

Khannisianlân kin pi le puhaiin irvân Pathian kha a ning an inmurtir le a milung an inchuk no sikin Kaldai mi Babulon rêng Nebukadnezara kuta a pêka, hi in hi a insiat a nia, mihriamhai chu Babulon tiang a hruaia.

INPÂKNA HLAHAI 69:26

Ni izêm kha chu deng an intheia, Ni sabêhaia milung dûk chu an insîr ngaia.

ISAIA 10:6

Pathian inhre loihai nam doi hrangin ki tîra, ki ninginmurtirhai thatpaihai hrangin, va huanga van ru pe hrangin, kholâi dialdôk anga sirpol hrangin.

ISAIA 13:16

An nâitesenhai an mithmuin vîk that pehai an ta, an inhai khom ram zoi a ta, an dôngmahai siatpui pehai an ti.

ISAIA 14:17

“Ama hi kêng hnuai inhnîngtira, ram tin inhnîngtirin, rammual hi an chârin, khua omhai irhmangin sala omhai an mâni in sûng tianga tîrhai ngai loi,” tiin ni thurchi la hril an ti.

ISAIA 14:6

mi tin ningmur pumin an vîkhaia, nam tin ningmur puma tûte ikhap nang loia dengtheina roirêlnahai chu.

ISAIA 43:28

Khanchu, ki hmun irthianga hruaituhai porinchetirin, Jakoba chu khosâltongin siam ki ta, Israelhai chu irsêlna bûra siam ki ti.

JEREMIA 50:42

An thalhai le khandaihai chôia; nunter le khonzâna nei loi an ni. An irhâi chu tuipui irsok irhâi inring ang kha a nia, an sakorhai chunga an hong chuang lai khan Babulon ram doi hrangin an irsiam diam tâk a ni.

CHAP HLA 1:14

Ki sualna murdihai kha, irsinsiain a irchunkhôma, ama’n ki ringa a nin hlitira, A rik hraina sikin ki’rzal zoi tâk, Rengpa’n ki râlhai kuta a ni pêka, an makunga ite tho loiin ki om tâk.

CHAP HLA 1:21

Ki khêk irhâi hi nir ngai pe ro ba, Lungngam saktheitu tûte om mahai, A ni intuangtir a nih ti ki râlhaiin an inhriatin chu ki râlhai a sân an râi a fân, ni zoro ten chu hong tung ta sian, Keima ang hin tuang ri sehai.

CHAP HLA 2:2

Rengpa’n ite indîn loiin, Judai ram khuahai chu an siatpaia, A ningmurin an irkulna banghai khom chim zoiin a om ta. An ram le an ulianhai khom a’rzaltirhai zoi ta.

CHAP HLA 4:16

Rengpa ningmurna an inpung u ual a ni, ite bê’n bê ta maka, deipu khom en nuam ual ta loiin. Kin ulianhai khom don ta loiin;

CHAP HLA 5:12

Reng nâihai khom an kut leh an kaiphiarhaia, upahai inzak loiin,

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

EZEKIELA 28:16

Thil zuar le irchonin ni buaia, kha khan sualna le thisen insuakna’n nang a hruai inlûta. Khasikin ki tâng irthiang chu masan hrangin nang ki tia, nang a hrungtu irvântirtôn khan lunghlu irtêkhai lai ata kha nang a’rzûlpai ta.

OBADIA 1:10

“Ni urêngpa Jakoba irchihai ni thata, ni rok sikin, kumkhua’n mualinphoi le irhmangtirin om ni ti.

OBADIA 1:16

Ki tâng irthianga siatna khilât, ki mihai iin tâk ang khan, nam murdihai khan an in mai hen hrang a nia, in paiin irlem zit an ta, irzir loi ang dênin om an ti.

ZAKARIA 1:12

Khataka Rengpa vântîrtôn khan a sâma, “O sipaihai Rengpa, Jerusalem le Juda khopui chunga, hi kum sômsari ni ninginmurnahai hi i dôr ten mo lung ni inkham loi hrang?” a tia.

ZAKARIA 1:15

khan, nam chai nuam mai maihai ata khan a sân ki milunghoi tak tak maka; ki milung hoi loi vai a ni nâkin, anni hranga thil saloi kha an tho’nsual tâk a ni.

MATHAIA 7:2

Nin isêl lam ang takin Pathianin nangni sêl a ta, mi chunga dân nin ihmang tak kha nin chunga khom hmang an ti.

DÂN INHNINA 28:50

Nâipang khom, tar khom, tûte zel lunginkham no ni.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.