ISAIA 46:3 - PATHIAN LEKHABU IRTHIANG C.L. Bible (BSI)

³ Jakoba le Israel in mi la dam murdihaio, Ki thu hi irngai roi, nin suak ata nangni ki ipuak inlian nin ni.

ISAIA 46:3 ပူးပေါင်းရင်းမြစ်များ

DÂN INHNINA 1:31

Ramchâra nin fe sûng khom khan lam tinrênga nangni a hruaia, pa’n a nâi a ipuak angin hi hmun hi nangni a ipuak intung a nih ti nin inhriat mai a ni,” ki tia.

ISAIA 51:7

Thudik inhriattu, lungrîla ki dân vonghaio, ki thu hi irngai roi, Mihriamhai demna irngai no unglân, nangni an manêpnahai chardong irlapui ual no roi.

INPÂKNA HLAHAI 71:6

Ka nu sûng ata ki suak ni ata irthokin nang ki’rhnêla; Ka nu sul ata ni lâk suaktu ni nia, Nang inpâk mai ki ti.

ISAIA 51:1

Sansuak nuama Rengpa zongtuhaio, ki thu hi irngai roi. Nin suakna lungpui hi en unglân, nin hong isuakna lungpui hi en roi.

ISAIA 48:1

Jakoba in mihaio, irngai roi, Israel Pathian irhming chu nin irlama, chi ta tak loiin ni itho mai mai a ni.

ISAIA 10:22

Israel mihai chu tuikhanglian kôla chiai nêkin tam khomhai sian, tômte hong kîr an ti. Irhmang hranga inkung an nia, an irhoipui.

ISAIA 1:9

Itinrêng Rengpa’n a dam sun tômte hi chu nihai no sianlân, Sodom khua ang khan irhmang zoi ei ti, Gomora khua angin om ei ti.

FESUAKNA 19:4

Aigupta chunga ki sinthohai le irmupuiin a tê a mitha chunga a ichôi ngai ang khan nangni ki chôia, ki kuanga nangni ki hruai intung lam nin hmua.

ISAIA 46:12

Milung lianhaio, ki thu hih irngai roi, Zoina nî sûn chu hla loiin nin bêa,

ISAIA 44:21

Jakoba, hi hi inhre mai ro, Israel, nangma hi chu ki siahlo ni ni, ki siahlo ni hrangin nang ki siama, O Israel, nang irnghil ngai ma ung.

ISAIA 37:4

Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

INPÂKNA HLAHAI 28:9

Ni mihai saninhringin lân, nangma tahai kha satvur roh: Annihai kha infa’n lân, kumkhua’n pom roh.

ISAIA 4:3

Zion-a a thi zoi loi le Jerusalema irhming irziakhai chu, “Mi irthiang,” ti an ti.

ISAIA 10:20

Kha ni tena Israel la dam sunhai le Jakoba irchi a thi zoi loi la omhaiin, anni soisaktuhai iam ngam zoi ta no nihaia, Rengpa Israel mi irthiang chu iam mai thei ta an ti.

ISAIA 10:21

Jakoba irchi a thi zoi loi, la omhaiin, an Pathian hrât tak kuanga hong kîr an ta.