ISAIA 45:7 - PATHIAN LEKHABU IRTHIANG C.L. Bible (BSI)

⁷ A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 45:7 ပူးပေါင်းရင်းမြစ်များ

AMOSA 3:6

Khopuia mi chi loi hrangin bekul an tum thei ma ni? Rengpa itho ni no’n chu khopuia khan siatna a iom thei ma ni?

INPÂKNA HLAHAI 75:7

Pathian chu roirêltu a ni ual: Ama chu inkhat an lômtira, inkhat a’rsângtir ngai.

JOBA 2:10

Khannisianlân, Joba’n a kuanga khan, “Nupang into chong angin te ni chonga. Pathian kuang ata thil sa ei donga, thil saloihai khom ei idong loi hrang mo?,” a tia. Hianga thil a tuang khom hin a Pathian chu insîrinsiat mah.

AMOSA 4:13

Irngai ta, tânghai inding suaka, phâivua siama mihriam kuanga khan a ngaituana imo a ni hril suak pea, zîng kha inthimtira, irnêng hmun irsânghai chîltu kha ar hming Rengpa, Sipaihai Pathian kha a ni.

ISAIA 31:2

Ama’n chu a tho dân an hriata, thil saloi khom a tho dân an hriata, a thu sût ual no ni. Thil sual thohai chunga an kut insum an ta, anni santuhai laia khom an kut insum sa an ti.

JEREMIA 31:35

Rengpa’n hiang hin a ti, sûn invârtir hrangin misa a sina, zân invârtir hrangin tha le ârsihai ar fûktira, irhâi tam hrangin tuikhanglian chu an ri dur dura, ar hming chu itinrêng thothei Rengpa a ni.

JEREMIA 13:16

Rengpa nin Pathian chôiirsâng roi, inthim a zuan tunga, tâng tiang nin irthon mân hin; nin itûng ngai vâr kha inthim le a vârro lai takin a hong ni mân hin.

NAHUMA 1:8

Ama doituhai rêk chu tuilian irkhêl tak hmangin inboitir zit a ta, a râlhai kha khua inthima irzûl lût a ti.

JEREMIA 51:20

Khan Rengpa’n, “Babulon ram, nangma chu ki sekchôi ki’rdoina râltukfam ni ni. Namhai le rêng ramhai ki isuk irnôina ram ni nia,

TÎRTÔNHAI SINTHO 4:28

Nangin ni lei inkung anga intungtir ni itum kha, hlo inchuktir hrangin an ipungkhôm a ni.

AMOSA 5:6

Rengpa kha zong unglân, hring nin ti; khano’nchu, Josefa ina mei angin suak a ta, kâng zoi a ta, Bethel khuaa thatpai hrang tûte om no nihai:

EZEKIELA 32:8

Irvâna vâr murdihai inthimtir ki ta, hi rammual chunga hin inthim inlêngtir ki ti. Kei Rengpa Pathian hin ki iti a ni.

INPÂKNA HLAHAI 29:11

Rengpa khan a mihai kuang hrâtna pehai a ta, Rengpa khan a mihai kha irtharngamna’n satvurhai a ti.

INPÂKNA HLAHAI 8:3

Irvân, ni kut suakhai, Thâ le ârsi ni inkunghai khi, ki ngaitua zoro’n chu,

JOBA 34:29

Ama lei dâihrek sianlân, Tu mo thiam lan changtir thei hrang? A hmêl a thup khomin tu mo hmu thei hrang? Nam le mimal ta hrang khomin hmunkhat a ni.

FESUAKNA 14:20

Aigupta sipaihai le Israelhai kâra a hong om tâka. Zân sôtin sûm kâra a vâr insuakin, a dang tiang a zîng inchangin, khaang khan tûte irpan irnâi thei loiin an oma.

JUDA 1:13

Tuikhanglian ivôrpai, mâni mualirphoi irsak, ârsi chaninvâi, Pathianin kumtuang inthim irsa khak lei sia pehai ang kha an ni.

JUDA 1:6

Vântîrtônhai khom an irchamneinahai pom nuam loia, an omna hmun mâksanhai kha, Roirêlna Nikhua roiinpui tika an chungthu rêl hrangin kumtuang thîrhruia khitin inthim hnuaia a isiahai tâk a ni.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

JOELA 2:2

inthimna le khor-uina nikhua, inthimna le khor-ui, sûm zîng le izîng irsa khak angin mi huaisen tamtak pâl la hmu ngai loi, itiklai khoma hmu nôk ta loi hrang hong pût an ta, tâng kha kôlirsal ituam angin hong tuam an ti.

2 RÊNGHAI 19:25

Tian ata ki lei itho nuam a nia, lan hre mak che mo? Atûna thil hong tung hi tiana ki lei irêl zoi tâk a ni. Kulnei khuahai nin siatpaia.

INPÂKNA HLAHAI 105:28

Ama khan inthim a tîra, ram pumpui kha an thim tâka, Khanchu a thuhai kha zôm nuam mah.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

ISAIA 47:11

Minlak thoa zôk thei loina, sin saloiin nang de hrang a ni ta. Tuang zoi zât loi vânduainahai ni chunga hin hong tung hrang a ni. Ni lei inhriat thei loi siatna hong tung thut ta a ti.

JEREMIA 10:16

Jakoba Pathian chu anni ang kha ni ma; Ama chu itinrêng siamtu a nia, a mihai ni hrangin Israel chu a inthang a ni. A’rhming chu Rengpa Pathian a ni.

CHAP HLA 3:38

Anchungtakpu bâi ata ti no’n, thu sia le sa ite suak ngai loi mo ni mah?

DANIELA 2:22

Thil inthûk le thil irthuphai an langa: inthima om inhriatin, a kuanga vâr a pêk ngai.

JOBA 10:13

Khannisian hi hi ni lungrîla ni thupa, Hi hi nangma kuang a om ti kin hriat.

INPÂKNA HLAHAI 74:16

Sûn hi ni ta a nia, zân khom hi ni ta a ni; Nangma’n misa le tha ni siama.

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?