ISAIA 45:14 - PATHIAN LEKHABU IRTHIANG C.L. Bible (BSI)

¹⁴ Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 45:14 ပူးပေါင်းရင်းမြစ်များ

ISAIA 49:23

Renghai chu ni pahai ni an ta, rêngnuhai dônhai an ti. Irnênga khûksadelin chubai nang mûk an ta, ni kea vâiphin kop chu inliak an ti. Keima hi Rengpa ki nih ti nin hriat theina hrangin, a ni nghâktuhai tûte mualphoi irla no nihai.

1 KORINTH 14:25

An lungrîla thu’rthuphai kha inlangtir ni a ta, Pathian chubai mûkin inbok an ta, “Nin laia Pathian a om ngai a ni,” tiin irpuang ual an ti.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

THUPHUANG 3:9

Irngai ta! Setana pâla mi senkhathai, Juda ni loia, milak tho Juda irtihai kha hong tîr ki ta, ni ke bula chubai nang hong inmûktir ki ti; khanchu khahai khan lung nang ki thung tih inhriat an ti.

JOELA 3:8

nin nâipahai, nin nâinuhai kha Juda nâihai kuta zuar ki ti, anni khan hlataka Seba mihai kuang, anni kha zuar an ta”: Rengpa khan a iti tâk a ni.

EZEKIELA 23:42

Khan, mipui raifân taka omhai irhâi inhriatin an oma, ramchâr ata mihai khom irpâlin hruai inlûtin an oma. Nupanghai kuta khan bânhrialhai inbuntirin le, an lua rênglukhum enhoi takhai an inkhumtirhaia.

ISAIA 43:3

Kei Rengpa hi ni Pathian chu ki ni, Israel mi irthiang ni saninhringtu chu, nangma irtanna’n Aigupta ki pêka, nangma le irthûlin Ethiopia le Seba ki pêka.

ISAIA 23:18

A imanhai chu Rengpa hrangin inhlan a ta, thup ta no nia, se chian thei no ni. Rengpa makunga omhaiin a tui a thâi fâkna hrang le sil le kai sa irchôkna hrangin hmang an ti.

ISAIA 18:7

Nam hrât le sinthothei hai, mi isora, hmêlsahai chu, tianlai ata mi lei ichihai ngai chu tui tamtak luangna hmun ata kha, Itinrêng Rengpa irhminga phua, a omna hmun Zion-a khan, thilpêk chôiin hong an ti.

ISAIA 10:33

Irngai ro, Rengpa itinrêng Rengpa’n thing ôn tuk thâk angin ta duai a ta, a la’rsâng ualhai chu tan irkitin irhmang an ti.

INPÂKNA HLAHAI 149:8

An rênghai chu thîrhruia khita, an mi felhai chu thîr kol inbun hrang le,

FESUAKNA 11:8

Khan, hi ni siahlohai murdihai hi ki kuang hong an ta, ki makunga khûksadelin, ‘Nang zuitu hranghai murdi leh khan, suak ta ro,’ ni ti an ta. Khanchu kha zoi le khan suakpuihai ta ki ti,” a tia. Khanchu ningmur takin Faroa kha a suaksan tâka.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

EZEKIELA 31:3

Lebanon Sidar thing ang ni nia, ôn irbuk le enhoi tak nei, sûm tôn phâk raka thingkung ang chu ni ni.

ISAIA 61:9

Nin irchihai chu nam tin laia inlâr an ta, an laia nin nâi omhai an hmu’n chu Rengpa indit bîk nam nin nih iti inhre thei an ti.

ISAIA 45:24

“Rengpa, nangma leh vai a ni, dikna le hrâtna chu a om,” ni la ti an ti. Keima tiang hong an ta, a ni hnôltu murdi chu mualphoi irla an ti.

ISAIA 44:8

Inlâi no unglân chi viat no roi, tianlai ata nangni ki lei insîr pe sai mo ni ma? Ki thu inhriattu nin ni, keima ta no hi Pathian dang moh an la om? Ki inhriat zoi loi Pathian roiinpui an la iom ma ni?

INPÂKNA HLAHAI 149:6

Pathian chôiindôma inpâkna chu an bâia om sianlân; Khandai benei hriamin an kuta om pumin inpâk ri sehai.

JOBA 1:15

Seba mihaiin an ni hong doi thuta, an lâkpai vinga, siahlohai chu khandai leh an thathaia, keima vai hi nang an hril hranga hong suak thei ki ni,” a tia.

ESTHERI 8:17

Khanchu, ram bial tin le kho tina, rêng thupêk a tungna hmun tina, Judahaiin lômna le raifânna an neia, sûn irngamna le hruaithena hai khom an nei ta. Judahai kha an chi tâk sikin, kha rama mi tamtak chu Judaa an irlet tâk a ni.

2 SAMUELA 21:20

Kha hnung chu Gath khuaa irdoina a om nôka, kha khan irsual nuam mi lian inthangpa a oma. Kutpâr kiruk le kepâr kiruk nei hi a nia, a rêngin sômhniminli nei mi a oma.

NAMBAR 13:32

Khanchu an ram hong enirchik kha Israel irchihai kuang khan dik loi takin an hrila, an kuang, “Khi rama a sûnga mipui omhai fâk hrang ten lua irzir pehai maka, kin mihriam hmuhai laka chu mirumlian tatak an ni.

IRPHUTNA 27:29

nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.

JOBA 11:19

Zâlin in ni ta, tûte’n nan chitir no nihai. mi tamtakin nang chongpui thei no nihai.

ISAIA 18:1

Ethiopia varâla vuang irhâi anga omna rama om,

ISAIA 19:21

Rengpa chu Aigupta mihai kuanga inlang a ta, hâlirvôm thil inhlan le irbôlnahai inhlanin chubai mûk an ta, Rengpa makunga chonginkung an ti.

ISAIA 19:22

Rengpa’n Aigupta mihai chu soisak a ta, khannisian indamtirhai nôk a ti. Rengpa tiang kîr an ta, an chongchainahai irngaiin, indamtirhai a ti.

ISAIA 54:3

Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 55:5

Ni inhriat ngai loi nam chu ni nuam lam takin koi ni ta, nang a lan hriat ngai loihaiin chu nang hor bel nuam mai an ti. Israel mi irthiangin kha kha tho a ta, nang chôiindôm a ti.

ISAIA 60:3

Ni vârna hnuaia nam tin lêng an ta, Rênghai khomin ni vârna kha innang mai an ti.