ISAIA 45:11 - PATHIAN LEKHABU IRTHIANG C.L. Bible (BSI)

¹¹ Israelhai siamtu mi irthiang Rengpa’n hiang hin a ti: “Ki nâihai chungchânga hin nin nir chutira, ki itho hrang hi nangni ni irêl pe moh ki nang nin isôn?

ISAIA 45:11 ပူးပေါင်းရင်းမြစ်များ

ISAIA 48:17

Nangma inthangtu, Israel mi irthiang, Rengpa’n hiang hin a ti: ‘Keima hi Rengpa ni Pathian chu ki ni. Ni hranga sin sa nang ki’rchutira, ni fena hranga lampui chu nang irhmutir ki ti.

MARKA 11:24

Khasikin nangni ki ti, itinrêng chongchaia nin inghi ka chu hmu sai angin irbe unglân, khanchu, hmu nin ti.

EZEKIELA 36:37

Khan Rengpa Pathianin hiang hin a hrila, “Israelhai chu ki kuanga changpuina zong hrangin voikhat chu siamhai nôk ki ta, khanchu belra pâlhai angin inpungtirhai ki ti.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

ISAIA 29:23

Ki ipêk an nâihai chu, an laia om an hmu tena chu, ki’rhming chôiindôm an ta, Jakoba mi irthiang chu inzak an ti. Israelhai Pathian chu mahrip tho an ti.

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 43:21

Keima hranga ki isiam an ni. Ni lan pâk ngêt an ti.

JOSUA 10:12

Rengpa’n Israel mihai chu Amor mihai an hnêtir nî khan Josua’n Rengpa chu a koia, Israelhai inhriata: “Misa, Gibeon khua chunga hin inding mai ro, Tha nang khom Aijalon irhôra inding mai ro,” a tia.

HOSEA 12:4

A ni, vântirtôn a beia, an hnê tâka; a chapa, ditsakna a ngêna; Bethel hmuna khan ama a hmu tâka, kha khan ki kuang thu an sîra.

JEREMIA 31:9

Chap puma hong nihai khomsian, irtharngam sakin hruaihai ki ti. Tui kôla le lampui tuanin an irtet thei loina hrangin hruaihai ki ta, Israelhai ta hrangin pa ni ki ta. Efraima chu ki nâilutîr a ni,” a tia.

ISAIA 64:8

Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

ISAIA 43:15

Keima hi, mi irthiang Rengpa ki ni, Israelhai siamtu nin rêng ki ni.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 43:3

Kei Rengpa hi ni Pathian chu ki ni, Israel mi irthiang ni saninhringtu chu, nangma irtanna’n Aigupta ki pêka, nangma le irthûlin Ethiopia le Seba ki pêka.

IRPHUTNA 32:26

kha mi khan, “Nin tha ta ro; khua a vâr tâk,” a tia. “Nang intha viat no ning sat ni ni vur mâka chu,” a tia.

2 KORINTH 6:18

Keima nin Pathian ni ki ta, nangni ki nâipahai le ki nâinuhai ni nin ti, Rengpa Itinrêngthothei khan a ti,” a iti a ni.

DANIELA 2:18

Babulon mi vâr danghai laia Daniela le a rualhai an irhmang loina hrangin hi thu’rthup chungchânga hin irvân Pathian kuang lungkhamna an zonga.

EZEKIELA 39:7

Khanchu ki’rhming irthiang kha ki mi Israelhai laia inlârtir ki ta, ki’rhming irthiang porinchetira om hrang chu irngai thei no ning. Khanchu nam tinhaiin, Rengpa, Israel mi irthiang chu ki nih ti inhre ta an ti,” a tia.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

ISAIA 19:25

Itinrêng Rengpa khan sat a vur ata, “Ki mi Aigupta mihaio, ki kut suak, nangni Assuria mihai, nangni ki irtan, nangni Israel mihaio, bor nangni pe ki ti,” la ti a ti.

JEREMIA 31:1

Kha zoiin chu keima hi Israel in sûngkua murdihai Pathian ni ki ta, anni khom ki mihai ni an ti, Rengpa thu suakin a ti.

ROIRÊLTUHAI 16:23

Filistia hruaituhai chu an pathian Dagon kuang thilinhlan tamtak inhlan hrangin an irbukkhôma, “Kin râlpa Samsona chu kin pathianin a ni pêk tâk hi te,” an tia.

ISAIA 8:19

Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

ISAIA 44:2

Rengpa’n hiang hin a ti: Nangni siamtu ki nia, sul sûnga nangni inngîrtirtu ki ni, Ki siahlo Jakoba nang ki changpui maia, ki inthang sai, Jesurun chi no roh.

ISAIA 45:10

Mâni nu le pahai kuang, “Itina mo hianga nin ni inei hi?” tu ngân mo ti thei hrang?

ISAIA 54:5

Nang a siamtu chu ni pasal ni a ta, A’rhming chu itinrêng Rengpa a ni. Israelhai irtantu, mi irthiang, irnêng pumpui Pathian iti a ni.

ISAIA 43:1

Atûn chu, Rengpa’n hiang hin a ti: “Jakoba nang ki siam, Israel nang ki inding a ni, chi no ro, nang a’rtantu ki ni, Ni’rhming irlamin nang ki koi, ki ta ni nih.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.