ISAIA 45:1 - PATHIAN LEKHABU IRTHIANG C.L. Bible (BSI)

¹ Kura chu Rengpa’n rêng hrangin sahriak a pol tâka, nam tinrênghai rûn hrangin a inkung tâk a ni; rênghai an sinthotheina hlîk pe hrangin a tîra; a ta hrangin khopui dâi mikothai Rengpa’n inhong pe a ti. Kura kuang Rengpa’n hiang hin a ti:

ISAIA 45:1 ပူးပေါင်းရင်းမြစ်များ

1 RÊNGHAI 19:15

Rengpa’n a kuang khan, “Ramchârna tiang khan kîr nôkin lân, Damaska khuaa lût ro, Hazaela kha Suria rêng hrangin sahriak pol roh.

EZRA 1:1

Persia rêng Kura inlal kum khatna deipu Jeremia hmanga a lei ihril tâk kha Rengpa’n an tungtir tâka. Ama thupêk, a ram pumpuihai inhriat hranga tep suak hrangin Rengpa’n Kura lungrîl an thor pea.

EZRA 1:2

“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

JOBA 12:21

Mi lianhai chunga hmusitna chu ibuakin a oma, mi hrâthai irkhitna a sût pehai ngai.

INPÂKNA HLAHAI 73:23

Khannisianlân ni kuanga ki om maia: ki kut chang tiang hi ni lei chel ngaia.

ISAIA 13:2

Tâng irsângna hmuna irsinsiana târ unglân, sipaihai koisamhai unglân, kho lârirpâk tak kul mikot chu doi hrangin nin kut leh inthem roi.

ISAIA 13:3

Keima ngêtin ki mi indanghai thu ki pêka, ki mihriam songhai, a hrâthai chu, ki ningmur insumna hrangin ki ikoi a ni.

ISAIA 41:13

Rengpa ni Pathian hin nang chel mai ki ta, “Chi no ro, nang san ki ti,” Keima’n ki iti a ni.

ISAIA 41:2

A fena hmun tina a hrât maia, Nisua tianga nang a koitu hi tu moh a ini? rênghai, namhai a inhnêhaia, khandaiin nêngpil an changhaia, Phâivua’n bu’rsi a isêm invuang angin, a thal hmangin a’rzûl indarhai ngai.

ISAIA 41:25

Nisua tiang ata mi kin pungtira, Ki’rhming sâmin, hmâr tiang ata khom mi hong an ti. Bêl vuaktu’n pil a isir chîl angin roirêltuhai chu dialdôka sirchîlin.

ISAIA 42:6

“Kei hi Rengpa chu ki ni, diktaka rêl hrangin nangni ki koisuak, ni bân irnak hrâtin nang ki san. Nangma hmangin mi tinhai laia thu ki thung ta. Nam tin invâr hrangin nang ki sia ta.

ISAIA 44:28

Kura kuanga khan, “Ki belra enkoltu ni ni, ki thiltum chu hlo nin chuk pe ro, Jerusalem siaminsa nôk sianlân, Tempil sinna hrang lung inphûmtir ro,” ki ti saa.

ISAIA 45:5

Kei hi Rengpa chu ki ni, tûte dang om mahai, Keima ti no chu Pathian dang om mahai. Ni nin hriat no nâkin, nang ki irvôtir a ni ta,

ISAIA 48:15

Keima’n ki lei ihril sai a ni, ki ikoi a ni, ki hong hruaia, a itho hrang chu irnghil ki ti.

JEREMIA 27:6

Keima hi ki ni, nam tinhai, a ni zui Babulon rêng Nebukadnezara kut hnuaia sia theitu chu, ramsahai ten lua a sin ki inthotirhai a ni.

JEREMIA 43:10

Khanchu an kuang hiang hin ti ro, Rengpa Itinrêngthothei Israelhai Pathianin hiang hin a ti. A ni zui Babulon rama rêng Nebukadnezara chu hi hmuna hin hong hruai ki ta, hi lung nin iphunhai chunga hin a rêngtoihmun do a ta, a rêng puan in chu an chunga zâr a ti.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 50:35

Khan Rengpa’n, “Khandai chu Kaldaihai chunga, Babulon mihai chunga, a roirêltu vârhai chunga a inlang chian a ni.

JEREMIA 51:11

Rengpa’n Babulon ram chu insiatchit a tum sikin, Media rênghai a intorhai dîm a ni ta, hiang hin a nia, tempil siatna kha phuba a lâk hrang dân chu. A doitu sipai ulianhai khan thu an pêka, “Nin thalhai intât inngaih unglân, nin phohai siam diam ta roi.

JEREMIA 51:30

Babulon rama sipaihai chu irsual an monga, an kulpui sûnga an om chian tâk, thâiindôpin nupang angin an om tâk. Khopui dâi mikothai chu a siata, inhai chu a kâng tâk.

JEREMIA 51:58

Babulon kulbang irsa tak chu irnênga ipai ni a ta, a dâi mikot irsânghai chu hâlirvôm ni a ti. Namhai sintho chu a korong a nia, an sinsôlnahai chu meichok a ichang hrang a ni. Keima Rengpa Itinrêngthotheiin ki iti a ni,” a tia.

EZEKIELA 29:20

Keima ta hranga sin a lei thôna sikin, Aigupta ram chu pe ki ti. Kei Rengpa Pathian hin ki iti a ni.

DANIELA 5:6

Rêng kha a hmêl a hong danglama, a lungrîl a buai pea, a ke kut irnak boiin a oma, a’rzalpui tâka.

DANIELA 7:5

Sa dang inhnina chu savom anga omin, hi tiang a kehai leh a ngîra, a bâia hin kângru inthum a oma, a sê khokhaia, thoiin lân taksa nei fa’n tam ro, tiin an hrila.

DANIELA 8:3

ki mit ki hong inlêngtira, ki hong ena, irngai ro, tui kôla khan kêlbelrachal irki inhni nei a ngîra; ar ki inhnihai chu an seia; inkhat kha a sei ual bîka, ar sâng ual kha a mông inhnung ual a nia.

DANIELA 8:4

Belrachal khan hmâr le sim, nisua le nitâk irheiin ki hmua; a kôla sa dang om thei viat mahaia; a nuam ang takin a lênga, a liantak ki ni irtiin.

NAHUMA 2:6

Vadung mikothai kha inhong a nia; rêng in kha inboipaiin a oma.

NAHUMA 3:13

Irngai ta, ni sûnga ni mipuihai kha nupang an nia; ni râlhai ta hrangin ni ram mikot kha an inhong hlunga: ni in kalna thîr tuanhai kha meiin a ikâng irhmang a ni.